Kombëtarja shqiptare e futbollit fitoi dje 3-0 kundër Çekisë në "Air Albania", për grupin E të Euro 2024. Në stadiumin e tejmbushur të Tiranës vendosi goli i Jasir Asanit në minutën e 10-të dhe dopieta e Taulant Seferit në minutat 51 dhe 73. Me këtë sukses djemtë e Sylvinhos ngjiten me 13 pikë në krye të grupit dhe janë me një këmbë në fazën finale të "Gjermani 2024".
"Shqiponjat" tona kanë edhe dy takime, ndërsa në 17 nëntor udhëtojnë për në Moldavi dhe në 20 nëntor presin Ishujt Faroe në Shqipëri. Me të gjitha kombinimet në këtë moment, dy pikë do na dërgonin edhe matematikisht në fazën finale Euro 2024. Me Poloninë dhe Çekinë që kanë ndeshje direkt, skuadra jonë do kalonte më tej edhe nëse do kishte pikë të barabarta me dy skuadrat e sipërpërmendura, kjo për shkak të ndeshjeve direkte që i kemi në favor.
Skenari më i keq është që mos marrim asnjë pikë, megjithëse edhe kështu kemi shanse të kalojmë, kjo në varësi të rezultateve të kundërshtarëve. Për shkak të formës së mirë të kuqezinjve, një gjë e tillë duket e pamundur. Në Moldavi në datën 17 nëntor, tanët mund të kualifikohen edhe matematikisht për në Gjermani. Rasti më i mirë do ishte që ekipi i Sylvinhos të merrte katër pikë në dy ndeshjet e radhës, për vendin e parë në grup. Gjithsesi, me një këmbë e gjysmë në Europian, ka mbetur vetëm që gjithçka të formalizohet.
Me Çekinë dhe Moldavinë që kanë nga tre ndeshje për të zhvilluar dhe Shqipërinë, Poloninë apo Ishujf Faroe me dy ndeshje të mbetura, tanët në këtë fazë që ndodhemi duan edhe dy pikë për të kaluar më tej.
Gjithsesi shanset janë që skenari më i keq mos ndodhë dhe tanët të kalojnë më tej edhe qoftë më një barazim, gjë që do merret vesh të dielën kur të luhen ndeshjet e radhës në grupin E. Kujtojmë se kuqezinjtë e kanë pushim, teksa do luajnë miqësoren kundër Bullgarisë të martë në "Air Albania".
Ndeshet e radhës:
(15 tetor)
Çeki – Ishujt Faroe
Poloni – Moldavi
(17 nëntor)
Moldavi – Shqipëri
Poloni – Çeki
(20 nëntor)
Shqipëri – Ishujt Faroe
Çeki – Moldavi
Komente
Lajme të tjera
-
Mungesa me peshë, Holanda bën publike listën e Euro 2024
16 Maj, 22:27 -
Kante rikthehet pas dy vitesh, Franca publikon listën e Euro 2024! Ka surpriza
16 Maj, 21:26 -
Euro 2024/ Gjermania publikon listën, Nagelsmann 'asist' Shqipërisë! Mungon talenti kuqezi
16 Maj, 16:55 -
FSHF i ofron rinovimin Sylvinhos, trajneri i pavendosur
16 Maj, 16:09 -
1 muaj nga Europiani/ Miliardat e UEFA-s, shpërblimet për pjesëmarrësit e fituesit! Kush është favorite
16 Maj, 12:45 -
Kampionati Europian i Futbollit, ekskluzivisht për të gjithë abonentët e platformës Tring
15 Maj, 20:57 -
Një muaj nga Euro 2024, dëmtohet sulmuesi i Kombëtares
15 Maj, 18:07 -
Euro 2024/ UEFA me vendim të ri, të drejtën për të folur me arbitrin gjatë ndeshjes do ta ketë vetëm kapiteni i skuadrës
15 Maj, 16:26 -
Lista dhe miqësoret para Euro 2024, Sylvinho mbërrin në Shqipëri
15 Maj, 15:38 -
Heroi i Dortmund mbetet jashtë Euro 2024, Gjermania s'e fton në ekip
14 Maj, 22:03 -
Një muaj nga Euro 2024, fanella e Kombëtares dhe lista e Sylvinhos mbajnë në ankth tifozët
14 Maj, 16:44 -
Rivalët e Shqipërisë, Luciano Spalletti: Italia s'është gati për të rivalizuar me të mëdhatë
12 Maj, 22:55
Bravo Shqiperisë!!!! Nje fitore na duhet me ishujt faroe, mos them jemi te kualifikuar qe me ndeshjen me moldavine me vellezerit tanë.
Përgjigju