Në kuadër të lobimit për hapjen e negociatave, ministrja e Drejtësisë, Etilda Gjonaj po zhvillon një vizitë në Gjermani, ku u prit nga homologia e saj Katarina Barley. Lufta kundër korrupsionit veçanërisht në nivele të larta ishte një nga çështjet që u diskutua. Gjonaj u ndal në masat që ka ndërmarrë qeveria shqiptare për të forcuar luftën kundër korrupsionit.
Reforma e thellë në sistemin e drejtësisë, si dhe masat e tjera ligjore të marra për të forcuar luftën kundër korrupsionit kanë sjellë rezultate konkrete në fillimin e ndjekjes penale dhe dënimin e zyrtarëve të lartë publik, pjesë e sistemit gjyqësor, të Ekzekutivit, të Pushtetit Vendor, si dhe atij ligjvënës.
Etilda Gjonaj
Ministrja i bëri me dije Barley që hapja e negociatave ndihmon në thellimin e reformave shtetformuese që garantojnë forcimin e shtetit ligjor, luftën kundër krimit të organizuar, tërheqjen e investimeve të huaja dhe rrjedhimisht, rritjen ekonomike të Shqipërisë dhe qytetarëve shqiptarë.
Ministrja Federale e Drejtësisë dhe e Mbrojtjes së Konsumatorëve vlerësoi shumë reformat që ka ndërmarrë Shqipëria veçanërisht në sistemin e drejtësisë dhe në luftën kundër korrupsionit. Lufta kundër korrupsionit, u shpreh ajo, është një betejë e përhershme dhe nuk është e fituar plotësisht as edhe në Gjermani, por e rëndësishme është që shtetet të dinë t’i përgjigjen me masa të përshtatshme.
Përpjekjet antikorrupsion që bën Shqipëria janë akoma më të vështira për shkak të praktikave të vendosur në vite.
Ministrja e Drejtësisë Barley
Megjithatë, përpjekjet e deritanishme të Shqipërisë në këto fusha, sipas saj, kanë pasur rezultate mbresëlënëse, veçanërisht e krahasuar edhe me vendet e tjera të Rajonit. Ministrja Barley e siguroi Ministren Gjonaj për mbështetjen e saj dhe të Ministrisë Federale të Drejtësisë lidhur me vazhdimin e reformave që garantojnë forcimin e shtetit ligjor, pavarësinë e sistemit të drejtësisë si dhe luftën kundër korrupsionit.
Gjatë këtij takimi ishte i pranishëm edhe zëvëndësministri i Brendshëm Llamallari, i cili i prezantoi të pranishmëve bashkëpunimin e që autoritetet policore shqiptare kanë pasur me autoritetet gjermane, si dhe ndihmën teknike të ofruar veçanërisht në mbështetjen e Task Forcës kundër krimit të organizuar “Forca e Ligjit”, si dhe në përfundimin e disa operacioneve të suksesshme në luftën kundër grupeve kriminale të lëvizshme të specializuar në kryerjen e vjedhjeve në banesa në vendet e BE.
Në delegacionin shqiptar i pranishëm ishte edhe përfaqësuesi i Prokurorisë së Përgjithshme Adnan Xholi, i cili i njohu të pranishmit me rezultatet e deri tanishme në luftën kundër korrupsionit të zyrtarëve të lartë, duke ilustruar me raste konkrete rritjen e efektivitetit të luftës kundër korrupsionit si dhe me numrin e përgjithshëm të rasteve të dënimeve të zyrtarëve të lartë si dhe zyrtarëve të tjerë publik.
Në përfundim të këtij takimit, dy ministret ranë dakord për të forcuar më tej bashkëpunimin ndërmjet dy vendeve në reformat e ndërmarra, si ata të Reformës në Drejtësi, veçanërisht në fushën e reformës penitenciare. Për këtë qëllim, në parim u ra dakord që ndërmjet dy Ministrive do të nënshkruhet një memorandum bashkëpunimi në të cilin konkretizohen asistenca dhe mbështetja që Ministria Federale e Drejtësisë do t’i ofrojë Ministrisë së Drejtësisë në përmirësimin e sistemit penitenciar në Shqipëri. Vendimi për negociatat do të merret në datë 28 qershor, ndërsa në ditët e mbetura tre janë vendet skeptike që duhet të binden; Holanda, Franca dhe Gjermania.
Komente
Lajme të tjera
-
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
‘Antikorrupsioni’, Braçe: Kontrolli i figurës së zyrtarëve, me detyrim
19 Korrik, 13:30 -
Braçe dhe Gjonaj propozojnë ndryshime për mbrojtjen nga duhani: Të ndalohet reklamimi në media! Distributorët të mbajnë përgjegjësi
16 Korrik, 10:50 -
Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet
10 Qershor, 15:57
-
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje
10 Prill, 20:50
-
Plot 150 000 dollarë në 6 muaj, Arben Ahmetaj në arrati pajton lobistë në SHBA
6 Shkurt, 12:30 -
Përfaqësuesja e parë nga Shqipëria, Etilda Gjonaj zgjidhet Raportuese e Përgjithshme për dhunën ndaj grave në Asamblenë e KiE
18 Tetor 2023, 16:03 -
Kërcënimet ndaj prokurorëve dhe gjyqtarëve, Etilda Gjonaj: T'u jepet më shumë mbrojtje, qeveria po përgatit kuadrin ligjor
5 Tetor 2023, 19:26 -
Laert Haxhiu donte të eliminonte prokuroren e SPAK, merret në mbrojtje Doloreza Musabelliu pas dëshmisë së të penduarit
1 Tetor 2023, 10:29
ministrja ju ve te shkruani levdata
PërgjigjuTakimet te tilla i sjellin Shqiperise fryte te medha si nga ana e besimit nga BE por edhe ndaj qeverise shqiptare.
PërgjigjuTe te presi gjermania ne takim nuk eshte gje e vogel eeee. Kane filluar te na hapen dyert kudo ne bote. Njeriun qe punon te gjithe e duan.
PërgjigjuKte ministren e kam shume qejf se eshte ministre e re dhe shume profesioniste dhe ajo qe kam ven re une eshte qe po e zbaton reformen ne menyren me te mire.
PërgjigjuPer mua Rama kte Etilden duhet ta dergoj kudo. Pervec faktit qe eshte shume profesioniste dhe punetore realisht shperndan edhe shume pozitivitet.
PërgjigjuSikur shqiperia te kishte 5 ministra si kjo Etilda sot do ishim vend i Bashkimit Europian.
PërgjigjuTakime homologesh dhe bashkepunime te tilla jane gjithmon te vlefshme sidomos ne nje vend qe na perkrah pa kursim pas reformave qe po behen.
Përgjigju