Lojërat Olimpike në rrezik për t’u anuluar, kreu i Komitetit Organizues: Situata problematike, po rritet numri i sportistëve me COVID-19

TOKIO- Kreu i Komitetit Organizues të Lojërave Olimpike, Toshiro Muto nuk ka përjashtuar mundësinë e anulimit në moment të fundit të eventit më të rëndësishëm sportiv, për shkak se çdo ditë po rezultojnë pozitiv me COVID-19 gjithnjë e më shumë sportistë.

Ai u shpreh se do të jetë nën mbikëqyrje konstante të rasteve të reja pozitive, për të mbajtur nën kontroll situatën dhe për të të marrë vendimin e duhur.

“Ne nuk mund të parashikojmë se çfarë do të ndodhë me numrin e rasteve pozitive me COVID-19. Kështu që ne do të vazhdojmë diskutimet në rast se do të ketë një rritje të vazhdueshme të rasteve për të marrë një vendim të përshtatshëm.”, tha Muto.

LEXO EDHE:
Lojërat Olimpike në Paris, ambasadorja franceze: Uroj që Shqipëria të fitojë sa më shumë! Terrorizmi mbetet kërcënim

Lojërat Olimpike janë anuluar vitin e kaluar për shkak të pandemisë së COVID-19, dhe rreziku për t’u rianuluar është i lartë.

Megjithëse pak kohë më parë u vendosë që Lojërat Olimpike të zhvillohen pa spektatorë, për të minimizuar rreziqet shëndetësore.

Sipas planifikimeve Lojërat Olimpike, do të mbahen më 23 korrik deri më 8 gusht, megjithatë tashmë gjithçka është bërë e pasigurt.

J.GJ./Shqiptarja.com

TAG:
• Lojërat Olimpike
• Koronavirus
• masat anticovid