POP 5

Lajmet më të lexuara të 5 minutave të fundit

Arkiva

LONDËR – 25 për qind e britanikëve mbështesin UKIP pas vendit të siguruar në Parlament

LONDËR – Mbështetja e zgjedhësve britanikë për UKIP arrin në 25 për qind, pas fitores për herë të parë të një vendi në Parlament nga partia eurofobe, sipas një sondazhi të publikuar sot në të përjavshmen ”The Mail on Sunday”. 
LONDËR - Mbështetja e zgjedhësve britanikë për UKIP arrin në 25 për qind, pas fitores për herë të parë të një vendi në Parlament nga partia eurofobe, sipas një sondazhi të publikuar sot në të përjavshmen "The Mail on Sunday".
Partia konservatore e kryeministrit, David Cameron dhe opozita laburiste kanë një rezultat të ngushtë mes tyre me 31 për qind. Liberal Demokratët, që bëjnë pjesë në koalicionin në pushtet morën tetë për qind të votave.
Instituti "Survation" ka pyetur të premten 1 003 persona nëpëmjet një pyetsori në internet.
"Nëse tendencat e reflektuara nga sondazhi i institutit "Survation" do të mbahen, UKIP, kundër imigracionit në masë dhe integrimit të Britanisë së Madhe në Bashkimin Evropian mund të fitojë deri në 128 vende në zgjedhjet e përgjithshme që do të mbahen në muajin maj 2015", theksoi për të përjavshmen "The Mail on Sunday" John Curtice, profesor i shkencave politike  në Universitetin Strathclyde. "Lideri i UKIP, Nigel Farage, do të arrijë objektivin e tij për të qenë dominues në Westminster", shtoi specialisti.
Një tjetër sondazh, publikuar në të përjavshmen  "The Observer", vlerëson Laburistët me 35 për qind, konservatorët me 28 për qind, UKIP 17 për qind dhe "Lib-Dems" me nëntë për qind.
UKIP  (Partia për Pavarësinë e Britanisë) është një parti e krahut të ekstremit të djathtë, e themeluar me të vetmin qëllim, nxjerrjen e Britanisë së Madhe nga Bashkimi Evropian. UKIP ndjek një linjë të ashpër euroskeptike, kundër integrimit evropian dhe monedhës së përbashkët. Retorika partiake karakterizohet, nga një retorikë ksenofobe, kryesisht anti-imigracion dhe anti-islame./ATSH/

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52