Londra në fokusin rus! Shërbimet: Pagesa për sabotues! Në listë pagesash, edhe lordi i kuvendit të Berishës

TIRANË- Kryeministrit Johnson i është thëne se kërcënimi ndaj sigurisë vjen nga shërbimi sekret rus FSB, për shkak të mbështetjes  pa kufij të Britanisë, në fushën ushtarake  dhe diplomatike ndaj Ukrainës. Për pasojë është forcuar së tepërmi monitorimi i kalimeve kufitare drejt Britanisë, ndërkohë zyrtarët  e kundërzbulimit dhe agjencisë britanike të përgjimeve GCHQ është duke u koordinuar me aleatet evropiane të sigurisë!

Britania konsiderohet si objektiv kryesor dhe agjentet e shërbimit sekret rus, mund te mbjellin kaos, panik dhe mosbesim tek qeveria britanike përmes sulmeve kibernetikedhe deri tek dërgimi i parave për të financuar organizata separatiste në Britani! Deputetet, agjentët apo zyrtarëve të ndryshëm mund të jene objekt i financimeve,  ndërkohe që operativët rus mund të ngarkohen me publikimin e dokumenteve komprometues ndaj zyrtarëve dhe politikanëve britanik që kane krijuar ndër vite lidhje me oligarkët rusë dhe parat e tyre.

Kujtojmë se para një muaji ishte gazeta The Guardian e cila shkruante se si një donator i konservatorëve, një bos i tregtisë se armëve kishte kërkuar lejen për ndërtimin e një rrjeti kabllor energjie poshtë detit që lidh Francën me Anglinë. Aleksander Temerko, i lindur në pjesën me shumicë ruse të Ukrainës, është drejtor dhe aksioner i  kompanisë Aquind Energy Sarl me pronar bosin e naftës ruse Viktor Fedotov, tashmë shtetas britanik, kompani e cila ka bere donacione për të paktën tetë zv-ministra britanik. Madje edhe Lordi James Wharton i cili mori pjesë në Kuvendin e PD-së këtë fundjavë, sipas The Guardian i emëruar së fundmi me mbikëqyrjen e punëve në Universitetet britanike ka bërë publikë se kompania e tij e konsulencës merr pagesa nga kompania Aquind me pronar manjatin e armëve ruse Fedotov.

Kërcënimet ruse vijnë në kohën kur janë shtuar sulmet kibernetike ruse nga hakera që operojnë nga Shën Petersburgu! Britania përveç mbështetjes politike nga Kryeministri Johnson  për presidentin Zelenski ka dërguar armatime të fjalës së fundit ushtarake për Ukrainën të cilat u kanë shkaktuar dëme të mëdha forcave ushtarake gjatë pushtimit të Ukrainës nga Rusia e Putinit./TCH

Rendit zhvillimet sipas orarit:

Të Fundit Të Parat

B.K./Shqiptarja.com

TAG:
• Kuvendi i PD 30 prill
• sali berisha
• PD