Lotaria Amerikane u tha se do anulohej, Ambasada nxjerr datat: Kur nisin aplikimet, por kini kujdes

Edhe pse që nga viti i kaluar është përfolur se Lotaria Amerikane nuk do të zhvillohet më për shkak të qëndrimeve të Presidentit Donald Trump ndaj emigracionit, duket se edhe këtë vit shqiptarët por jo vetëm do të kenë mundësinë që të provojnë fatin për 'Ëndrrën Amerikane'.

Lajmërimin e ka dhënë Ambasada Amerikane në rrjetet sociale ku bën me dije se regjistrimet do të nisen nga 2 tetor, ora 18:00 deri më 5 nëntor 2019, ora 17:00.

Ndër të tjera Ambasada jep këshilla për të gjithë ata që duan të aplikojnë në këtë program emigracioni duke thënë se pikë së pari duhet të vizitoni faqen në internet për të lexuar të gjitha udhëzimet.

Njoftimi i Ambasadës Amerikane ne Tirane:

Regjistrimet për Programin e Lotarisë DV-2021 do të jenë nga 2 tetor, ora 18:00 deri më 5 nëntor 2019, ora 17:00! Vazhdoni të na ndiqni në Facebook për të marrë këshilla mbi plotësimin e aplikimit tuaj. Këshilla ime e parë është që të hapni faqen tonë të internetit dhe të lexoni udhëzimet e këtij viti. Ato janë të përkthyera në shqip! Këtu mund t’i gjeni udhëzimet: https://bit.ly/2l7myjg

Bëni kujdes nga mashtrimet. Disa faqe interneti apo emaile përpiqen t’ju mashtrojnë duke u prezantuar si faqe zyrtare të qeverisë së Shteteve të Bashkuara. Lexoni Kujdesin ndaj Mashtrimit këtu (në Anglisht).

Plotësojeni vetë aplikimin tuaj. Aplikimi online për regjistrimin për lotarinë është i thjeshtë dhe është falas.

Periudha e Regjistrimit Elektronik për Lotarinë DV-2021

Regjistrimi elektronik për lotarinë DV-2021 do të rifillojë të mërkurën, më 2 tetor 2019 në mesditë 12:00, Ora Ditore Lindore (EDT) (GMT-4) dhe do të mbyllet të martën, më 5 nëntor 2019, në mesditë 12:00 Ora Standarte Lindore (EST)(GMT-5).

Shikoni videon tonë për një vështrim të përgjithshëm të programit të Vizave të Shumëllojshmërisë, si dhe udhëzimet hap pas hapi për t’ju ndihmuar se si të plotësoni një aplikim për t’u regjistruar për Lotarinë. (Shënim: ndryshime të vogla janë bërë në formularin e regjistrimit DV-2021, por udhëzimet e dhëna në video janë ende të vlefshme.)

Aplikantët mund të kryejnë aplikimin elektronik në faqen zyrtare të E-DV, gjatë periudhës së regjistrimit. Udhëzimet e DV janë gjithashtu në dispozicion në faqen e internetit të Departamentit të Shtetit.

Duke filluar nga 5 maji 2020, për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre.  Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.

E.L./G.M./Shqiptarja.com
  • Sondazhi i ditës:

    A do i kërkoni presidentit Meta shpërndarjen e parlamentit?

Komento

Komente

  • Fredi: 26/09/2019 10:12

    Kokat Amerika i mer pa lloto! Me lloto ikin hamejtë. Hamall dhe vetëm hamall!

    Përgjigju
    • Alb: 26/09/2019 11:31

      Vit per vit te ky lajm eshte po i njejti koment o fredi je per tu shtruar ne spital ke probleme serioze me veten.

    • Lexues: 26/09/2019 11:00

      Amerika nuk ka nevoje vetem per koka por dhe per ko*e, ti nuk je as para as e dyta.