Lëvizja Socialiste për Integrim thotë se tashmë SPAK ka në dorë të gjithë dokumentet e denoncimit të asaj që ata e quajnë afera e madhe e inceneratorëve. Nënkryetarja e kësaj force politike, Erisa Xhixho thotë se tashmë Prokuroria e Posaçme është në provë dhe do të duhet të tregojë aftësinë dhe pavarësinë.
“SPAK ka në dorë dokumentet, provat dhe besimin tonë. Më shumë se kurrë, SPAK është sot në provë me megaaferën e 30 viteve, sepse askush nuk e pret drejtësinë as nga Edi Rama, as nga Erion Veliaj. Me reformën në drejtësi, që erdhi si vullnet i të gjithë politikës shqiptare, dhe si mbështetje e partnerëve tanë ndërkombëtarë, të cilët kanë vendosur fytyrën dhe integritetin e tyre në këtë sistem të ri. Prokuroria Speciale AntiKorrupsion dhe Gjykata Speciale, duhet të ngrihen në nivelin e kërkuar, për t’i treguar forcën e ligjit çdo zyrtari që prek financat publike, pavarësisht se me kë parti është ai. Drejtësia e re nuk duhet t’i lexojë ligjet, duke i shërbyer qeveritarëve, siç bënte drejtësia e vjetër, sepse ndryshe çdo investim që është bërë për drejtësinë e re barazohet me zero, por vetëm të garantojë mbizotërimin e ligjit mbi çdo gjë tjetër. SPAK duhet të nxjerrë para drejtësisë krerët e kësaj piramide abuzimi me pushtetin, pa rënë pre e intimidimit prej tij. SPAK duhet t’u tregojë sot shqiptarëve se drejtësia nuk njeh asnjë pushtet mbi veten”, tha Xhixho.
Përmes një deklarate për mediat nga Selia e LSI, Erisa Xhixho ka nënvizuar se skandali i inceneratorëve ka përlyer emrin e njerëzve të pafajshëm e të pamundur dhe se “grupi i strukturuar kriminal që nuk kursen të gjallë as të vdekur nuk mund të ketë vepruar pa bekimin qeverisë Rama”. Sipas nënkryetares së LSI prioriteti i vetëm i kësaj qeverie janë një grusht njerëzish që pasurohen përditë në kurriz të qytetarëve të varfër.
“Kjo është qeveria që bekon zhvatjen, evazionin dhe korrupsionin. Edi Rama është ideatori dhe përgjegjësi kryesor i kësaj skemës kriminale të inceneratorëve. Vetëm me mbështetjen e tij mund të zbatohej një skemë e tillë grabitjeje. Qeveria e inceneratorëve, e cila vjedh qytetarët që jetojnë me më pak se 5 dollarë në ditë, duhet ndalur sot”, tha ndër të tjera Xhixho.
Kujtojmë se LSI prej disa ditësh ka bërë denoncime publike në lidhje me 24 kompani që sipas tyre kanë bërë evazion fiskal disa milionë euro dhe që lidhen me inceneratorët. Këtyre deklaratave i është bashkëngjitur edhe Komisioni i Rithemelimit i Sali Berishës por edhe Presidenti i Republikës, Ilir Meta.
Nëse kjo çështje e denoncuar nga Kryemadhi dhe Meta ka apo nuk ka lidhje me Inceneratorin e Tiranës, i mbetet Prokurorisë së Posaçme ta zbulojë, por në fakt kemi të bëjmë me një skandal dhe një skemë madhe të mashtrimit financiar, bërë edhe në kurriz të disa pensionistëve shqiptarë.
24 kompani, që Kryemadhi i denoncoi me emra kanë lëshuar fatura për shërbime të ndryshme, në vlera marramendëse, duke mos i paguar shtetit tatim-fitimin, TVSH dhe gjobat. Në këto kushte, janë kthyer në borxhlinj ndaj Drejtorisë së Tatimeve, 189 milionë dollarë evazion fiskal. Institucionet shtetërore por edhe përfaqësues të mazhorancës nga ana tjetër janë përgjigjur duke thënë se këto denoncime janë bërë prej vitesh dhe se LSI dhe Meta po i rikthejnë për interesa personale.
Komente
Lajme të tjera
-
Pr/buxheti 2025, PL denoncon: Qeveria i jep pjesën e luanit klientëve të saj dhe thërrimet qytetarëve
15 Nëntor, 09:46 -
Arrestimi i Ilir Metës/ Xhixho: Vilson Bala që e rrëmbeu, do drejtojë Policinë e Tiranës! Ballanca: Avokati i Popullit ka nisur hetimet, na ka shqetësuar rasti
13 Nëntor, 13:03 -
Çështjet Europiane/ Xhixho: Po prodhojmë analfabetë funksionalë, pensionistët po trajtohen me thërrime, fondet e BE-së po vidhen, asnjë mbështetje për fermerët
12 Nëntor, 10:29 -
Xhixho: Projektbuxheti 2025, jo në shërbim të qytetarëve
5 Nëntor, 13:57 -
Xhixho: Rama vazhdon të tallet me pensionistët, indeksimi në 2025 do jetë lëmosha e radhës
4 Nëntor, 09:12 -
Një javë pas arrestimit, Meta reagon nga burgu: U rrëmbeva nga mafia në pushtet! Me deklarimin e pasurisë dhe shpenzimet shëndetësore merrej ish-gruaja ime
28 Tetor, 17:25 -
Anija me mbetje, Xhixho: U kthyen te qeveria e plehrave, dyshime për manipulim të testimit! Maja e ajsbergut! PD: Hetim dhe testim transparent
28 Tetor, 09:07 -
Partia e Lirisë akuzon: Qeveria po nxit largimin e të arsimuarve! Një vend pa intelektualë është garanci për të sunduar
27 Tetor, 12:53 -
Erisa Xhixho për Report Tv: Meta do e drejtojë Partinë e Lirisë nga burgu! Lajmin për urdhërarrestin e babit e mësova nga media, mu desh t'ia thoja vetë
24 Tetor, 13:52 -
EKSKLUZIVE/ Çifti Meta-Kryemadhi morën miliona, por kompania e Adrian Shatkut pagoi edhe familjen Berisha! Si u përdor i gjithë pushteti, Kryemadhi ortake në biznes
23 Tetor, 14:27
-
PL publikon videon e arrestimit të Metës, Blushi dhe Xhixho akuza efektivëve të policisë: Terroristët e Ramës rrëmbyen ish-presidentin
22 Tetor, 17:28 -
Arrestimi i Ilir Metës, Erisa Xhixho: Akt banditesk që turpëron Shqipërinë! Pengmarrje politike
21 Tetor, 18:53
Rama gjithcka beri!Madje, edhe ato shkaterime,vjedhje e varsje te clat ju i keni bere.Por, Rama beri edhe ndertime e ndryshimin e pamjes se Shqiperise dhe jetes se shqiptare. Rama e beri cep me cep Shqiperine punishte.
Përgjigju