POP 5

Lajmet më të lexuara të 5 minutave të fundit

Arkiva

LSI:Kandidati i Hasit u ndalua dhe
u shoqërua pa shkak në polici

Lëvizja Socialiste për Integrim denoncon ndalimin e makinës së kandidatëve të LSI-së në Has të Kukësit.  Qemal Elezi: Për incidentin do informojmë dhe vëzhguesit e ODIHR dhe do hap padi. (Foto: Qemal Elezi)
TIRANE - Lëvizja Socialiste për Integrim denoncon ndalimin e makinës së kandidatëve të LSI-së në Krumë të Kukësit sot paradite dhe dështimin e takimit elektoral të LSI për këtë shkak. Sipas zyrës së shtypit të kësaj selie, makina ku udhëtonte Qemal Elezi kandidat i LSI në Has, është ndaluar nga policia.

“Policia po përdoret kundër nesh. Ministri Noka të distancohet nga aktet e padenja të vartësve. Për incidentin do informojmë dhe vëzhguesit e ODIHR”- thotë Elezi në një deklaratë për shtyp, duke shtuar se këto na motivojnë më tepër në fushatën e LSI.  
 
Elezi shpjegon se "policia ka ndaluar automjetin e kandidatit, duke e shoqëuar në komisariat, pa asnjë motiv dhe thjesht policia ka thënë, që 'kemi urdhër nga lart për t’iu shoqëruar në komisariat'. Sipas tij, "gjatë këtyre dy orëve nuk është dhënë asnjë shpjegim pse janë shoqëruar në komisariat".
 
Në orën 12, LSI do hapte fushatën në Krumë dhe pasi ka dështuar takimi elektoral, ata janë lënë të lirë. "Kjo është goditje, që i është bërë politikës dhe opozitës, pasi segmente të caktuara të Policisë së Shtetit po na pengojnë në zhvillimin e aktiviteteve politike në fushatën elektorale. I bëj thirrje ministrit të Brendshëm dhe Berishës, që të distancohen nga këto veprime dhe të zhvillojmë aktivitetet tona në këtë fushatë", ka thënë Elezi. Ai përmbylli me: "Do të ngrë padi në prokurorinë e rrethit Kukës lidhur me këtë incident".

ORA 17:30 REAGON RALF GJONI NGA SELIA E LSI

Sekretari për Marrëniet Ndërkombëtare në LSI, Ralf Gjoni, ka deklaruar sot lidhur me incidentet elektorale të fundit se "LSI dënon veprimet e policisë së Hasit, e cilandaloi në mënyrë të paligjshme kandidatin e LSI-së, Qemal Elezi. Ndaj, LSI-ja i bën thirrje ministrit të Brendshëm Flamur Noka të distancohet nga këto veprime dhe policia të tregojë profesionalizëm në këtë fushatë. Për incidentin e ndodhur, LSI-ja do të informojë ndërkombëtarët, Misionin e OSBE/ODIHR e më gjerë."

Redaksia online
(sg/magshqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03