LSI kërkon vendet në Komisionet Parlamentare! Vasili, Xhixho dhe Çela synojnë Ligjet, Median, Shëndetësinë, Integrimin dhe Sigurinë Kombëtare

Pak para nisjes së seancës maratonë të Kuvendit, Lëvizja Socialiste për Integrim ka dorëzuar propozimet e saj për të pasur përfaqësues në Komisionet  Parlamentare. LSI do dorëzuar emrat e 3 deputetëve të saj Petrit Vasili, Erisa Xhixho dhe Agron Çela,  që të jenë pjesë të Komisioneve Parlamentare.

Deputeti Agron Çela kërkon të jetë anëtar i Komisionit të Sigurinë Kombëtare, ndërsa Erisa Xhixho kërkon të jetë anëtare e Komisionit të Ligjeve, anëtare e Komisionit të Integrimi dhe zëvendësuese pranë Komisionit të Medias.

Edhe deputeti Petrit Vasili kërkon të jetë anëtar i Komisionit të Shëndetësisë dhe zëvendësues te Komisioni i Ligjeve.

Seanca e kaluar e Kuvendit u ndërpre pa votuar anëtarët e Komisioneve Parlamentare pikërisht për t'i lënë kohë LSI, pas kërkesës së saj, që të dërgojë emrat e përfaqësuesve të saj. Anëtarët e Komisioneve Parlamentare priten të miratohen gjatë seancës së sotme maratonë.

LSI përfaqësohet në Kuvend me 4 deputetë dhe nuk ka grup parlamentar në parlament, pasi nuk ka numrin prej 7 deputetësh që duhen për të pasur një të tillë. Vetë përfaqësuesit e LSI janë shprehur se do rrinë pa grup parlamentar dhe nuk i kanë kërkuar 'ndihmë' PD për të marrë deputetë 'borxh'.

Kërkesat e LSI për të pasur pëfaqësues në Komisionet Parlamentare

I.K./Shqiptarja.com
  • Sondazhi i ditës:

    A jeni dakord me rekomandimin e Komitetit të Imunizimit për dozë të tretë vaksine për mbi 60 vjeçarët?

Komento


×

Lajmi i fundit

John

Doza e tretë dhe vaksinimi i fëmijëve mbi 16 vjeç, nesër mblidhet Komiteti Ekspertëve! Ministria e Shëndetësie: Çdo vaksinë në territorin tonë e certifikuar