Grupi i këshilltarëve të LSI-së në Këshillin bashkiak të Tiranës u mblodhën sot për të diskutuar lidhur me problematikën e trafikut në sheshin “Skënderbej” pas punimeve nga ana e Bashkisë.
Këshilltarët e LSI i kërkojnë kryebashkiakut Veliaj që të hapë sa më parë "Unazën e Vogël" e cila do të shërbente si një zgjidhje afatmesme, por jo afatgjatë.
Këshilltarët e LSI e cilësojnë alarmantë situatën e krijuar pas bllokimit të qarkullimit në shëshin "Nënë Tereza" dhe stadiumit "Qemal Stafa". Ata i bëjnë thirrje bashkisë që të marrë masa urgjente për të siguruar lëvizjen e qytetarëve.
Sipas këshilltarëve të LSI, qytetarët janë të painformuar mbi projektin dhe hapja e sezonit të shkollës rëndon me shumë situaten.
Problematikat u ngriten pas mbledhjes së grupit të këshilltareve të LSI në këshillin bashkiak të Tiranës.
Këshilltarët e LSI kërkojnë që në mbledhjen e keshillit bashkiak të ketë informacion për situaten e krijuar
Redaksia Online
Al.Ç/Shqiptarja.com