POP 5

Lajmet më të lexuara të 5 minutave të fundit

Politikë

LSI mbështet propozimet e 48
partive, Meta mirëpret "të vegjlit"

Lëvizja Socialiste për Integrim ka shfaqur dje qëndrimin e saj lidhur me ndryshimet në Kodin Zgjedhor, duke përkrahur kërkesat e 4 partive të vogla parlamentare: PR, LZHK, PAA dhe PDK për votimin elektronik, listat e hapura e depolitizimin e komisioneve zgjedhore. 
LSI mbështet propozimet e 48<br />partive, Meta mirëpret "të vegjlit"
Lëvizja Socialiste për Integrim ka shfaqur dje qëndrimin e saj lidhur me ndryshimet në Kodin Zgjedhor, duke përkrahur kërkesat e 4 partive të vogla parlamentare: PR, LZHK, PAA dhe PDK për votimin elektronik, listat e hapura e depolitizimin e komisioneve zgjedhore. Kryetari i Kuvendit, Ilir Meta priti dje deputetët, Fatmir Mediu, Dashamir Shehi, Agron Duka dhe Nard Ndoka, si përfaqësues të 48 partive parlamentare dhe jo-parlamentare, të cilët i janë drejtuar Kuvendit të Shqipërisë me një nismë ligjore për ndryshime në kodin zgjedhor, në kuadër të reformës zgjedhore. Deputetët i prezantuan Kryetarit të Kuvendit nismën e tyre, nismë të cilën e njoftuan dhe për median, dhe që synon harmonizimin e Kodit Zgjedhor të Republikës së Shqipërisë me legjislacionin e shteteve anëtare të Bashkimit Evropian.

Gjatë këtij takimi u nënvizua nevoja e rishikimit të sistemit zgjedhor përmes mundësimit të votimit elektronik, listave të hapura, depolitizimit të komisioneve zgjedhore, përmirësimit të administrimit të procesit zgjedhor, shpalljes së rezultatit në ditën e zgjedhjeve sipas standardeve evropiane si dhe përmes adresimit të çështjeve të tjera që i shërbejnë rritjes së cilësisë dhe transparencës së procesit zgjedhor në Shqipëri. “Kryetari i Kuvendit, Meta theksoi se mbështet plotësisht përshpejtimin e punës së Komisionit të Posaçëm Parlamentar për Reformën Zgjedhore, dhe për këtë qëllim i është kërkuar zyrtarisht Misionit ODIHR dhe Komisionit të Venecias që të ofrojnë kontributin e tyre për zbatimin e rekomandimeve të OSBE-ODIHR.

Më tej, z. Meta theksoi se miradministrimi i procesit zgjedhor kërkon rritjen e pavarësisë, paanësisë dhe kapacitetit profesional të të gjithë trupave të administrimit zgjedhor, veçanërisht të komisioneve zgjedhore”-njoftoi zyra e shtypit e Kuvendit në përfundim të takimit. Meta theksoi se në cilësinë e Kryetarit të Kuvendit inkurajon përpjekjet e të gjithë aktorëve politikë dhe jo-politikë për më tepër transparencë e për një administratë zgjedhore të depolitizuar, si dhe mbështet ndryshimet në kodin zgjedhor në përputhje me rekomandimet e OSBE-ODIHR, për t’i mundësuar të gjithë qytetarëve shqiptarë një përfaqësim të drejtë, të padeformuar e më cilësor në Kuvend, ashtu siç i ka hije një vendi kandidat për anëtarësim në Bashkimin Evropian.
 
Rekomandimet
Meta mbështet plotësisht përshpejtimin e punës së Komisionit për Reformën Zgjedhore, dhe për këtë qëllim i është kërkuar zyrtarisht Misionit ODIHR dhe Komisionit të Venecias që të ofrojnë kontributin e tyre.
 
Komisionet
Meta theksoi se miradministrimi i procesit zgjedhor kërkon rritjen e pavarësisë, paanësisë dhe kapacitetit profesional të të gjithë trupave të administrimit zgjedhor, veçanërisht të komisioneve zgjedhore.
 
 
 Redaksia online
(S.m/shqiptarja.com)
 
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21