POP 5

Lajmet më të lexuara të 5 minutave të fundit

Arkiva

LSI, Rama: Kolegji Zgjedhor, akt
tejet profesional dhe me integritet

Sekretari i Përgjithshëm i LSI, Luan Rama e ka konsideruar një akt tejet profesional atë që bëri Kolegji Zgjedhor dje për mosnjohjen e rinumërimit të votave për qarkun Lezhë. Për zgjedhjet për kreun e PD, Rama shprehu keqardhje, që PD nuk zhvilloi vetë zgjedhje korrekte.
TIRANË - Sekretari i Përgjithshëm i LSI, Luan Rama ka dalë sot në një konferencë për shtyp, që në emër të LSI të konsideroj një akt tejet profesional dhe të përgjegjshëm atë që bëri Kolegji Zgjedhor dje, që i pandikuar politikisht dhe duke mos konsideruar as presionet politike që u bënë dje në ditën e zgjedhjeve për kreun e PD, shpalli një vendim zbatuar në ligj" për monjohjen e rinumërimit të votave të zgjedhjeve të 23 qershorit nga KQZ për qarkun Lezhë.

Rama ka shtuar se kjo është shenjë integriteti profesional, dëshmi e pavarësisë së gjyqtarëve. Rama ka garantuar gjithë institucionet e drejtësisë se "LSI dhe mazhoranca e re do bëjnë të mundur, që edhe në Shqipëri të ketë institucione që veprojnë të pavarura dhe pandikuara nga politika. Ky është angazhimi ynë i madh, kjo është çfarë presin qytetarët shqiptarë dhe si pjesë e Europës që jemi nuk mund të sillemi ndryshe, përveçse me institucionet tona ta bazohen në ligj dhe çdo vlerë që përfaqëson shteti i së drejtës".

GARA NË PD ME PARREGULLSI, UROJ TË RINGRIHET SI OPOZITË E FORTË
I pyetur mbi zgjedhjet për kreun e PD, Rama shprehu keqardhje, që numri i pjesëmarrësve në votime ishte shumë i vogël, kur vetë drejtuesit thanë për 105 mijë vetë. Në 41 mijë vetë pjesëmarrës në votime i bie as 40% i asaj që u pretendua. Veç kësaj, procesi dje u shoqërua me defekte, mangësi, parregullsi me mosdhënien e mundësisë për anëtarët e PD për të votuar, e me lista me numër serie, gjë që s’është standard demokratik.

"Fushata e kandidatëve në garë nuk tërhoqi vëmendjen e anëtarëve për shkak të mungesës së alternativave për shkak të një fushatë që u përqendrua tek sulmet ndaj mazhorancës", ka analizuar Rama, duke shtuar se "një parti që nuk organizon zgjedhje korrekte vetë, mund të mos ketë qasje korrekte ndaj zgjedhjeve të 23 qershorit".

Së fundi, Luan Rama ka uruar që "PD të ringrihet si forcë demokratike, opozitë e fortë, konstruktive, që të ofrojë alternativë. Demokracia ka vlerë dhe merr jetë, kur opozita është funksionale. Opozita është mision në këndvështrimin tim. PD të mund të ngrihet në dimensionet dhe përgjegjësinë e këtij misioni".

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Gripi i shpendëve, 3 shpendë uji gjendjen të ngordhura në Lagunën e Karavastas, grupet e punës po monitorojnë fermat

Gripi i shpendëve, 3 shpendë uji gjendjen të ngordhura në Lagunën e Karavastas, grupet e punës po monitorojnë fermat

11 Janar, 10:33