Shqipëria është me shumë fat, pasi do të ketë më shumë bileta për tifozët e saj në Kampionatin Europian të Francës në krahasim me vendin ku lindi futbolli, Anglia.
 
Shifrat janë publikuar nga tabloidi britanik “Daily Star” që thekson se kombëtarja e ‘Tre Luanëve’ me 54 milionë banorë do të ketë në dispozicion 23.520 bileta, më pak bileta se Shqipëria që do të ketë 26.080 bileta, por edhe se Islanda, që ka më shumë se anglezët.

Numri i biletave në fakt nuk është përcaktuar nga popullsia, por në bazë të kapacitetit të stadiumeve ku luajnë skuadrat.
 
Afati i fundit i aplikimeve për bileta për një vend në stadiumet e “Francë 2016″ është deri në 18 Janar.


d.b/shqiptarja.com