‘Observatori i kujtesës’ vjedh
dokumentet e Shqiptarja.com

TIRANË - Në datën 10 dhe 11 shkurt 2016,  menjëherë pas intervistës së Nexhmije Hoxhës, dhënë gazetares Rudina Xhunga, gazeta Shqiptarja.com publikoi dy dokumente ekskluzive, që faktonin fushatën dhe dhunën e paprecedentë që regjimi komunist ndërmori ndaj besimit fetar dhe  objekteve të kultit në Shqipëri. Në shkelje flagrante të të drejtës së autorit, këto dy dokumente ekskluzive të gazetës Shqiptarja.com, janë publikuar pa marrë lejen e gazetës dhe të autorit me 16 shkurt 2016 në faqen web “Observatori i kujtesës”.

Ka ndodhur edhe më parë që mediat online përvetësojnë artikuj ekskluzive të gazetës tonë, duke i publikuar shpesh pa cituar burimin dhe duke hequr padrejtësisht emrin e gazetarit.

Por këtë herë vjedhja është bërë nga një web, pjesë e një projekti, të paguar nga fondacione dhe oragnizma vendas dhe europianë. “Observatori i Kujtesës” është një nga projektet e Insitutit për Demokraci Media dhe Kulturë (IDMC), i cili krahas objektit të vet për ruajtjen e kujtesës,  duhet të respektojë mbi të gjitha të drjetat themelore mbi pronësinë intelektuale.

Sa i takon kujtesës hapi i parë për zhvillimin e një projekti të kësaj natyre duhet të ishte puna kërkimore, zbulimi dhe më tej publikimi i këtyre fakteve, dokumenteve apo dëshmive dhe kjo s’duhet kurrësesi të nisë e të përfundojë duke shletuar faqe gazetash e duke vjedhur punën kërkimore, materialet ekskluzive apo dëshmitë e intervistat e mediave të tjera.
Për ta bërë të qartë aktin e ulët të kësaj vjedhjeje, do të sjellim faksimilet e dy botimeve në gazetën dhe në faqen tonë online, dhe faksimilet e faqes “Observatori i kujtesës”, ku janë publikuar materialet tona ekskluzive, pa të drejtë autori dhe pa asnjë autorizim.





Redaksia Online
(E.Ç./shqiptarja.com)