Një dinozaur i vogël, i mbuluar tërësisht nga puplat nga koka tek këmbët, është zbuluar në provincën Liaoning, në Kinë.

Bëhet fjalë për Serikornis sungei, një gjini të re dhe një lloj i ri i dinozaurve, fosilet e të cilit u gjetën nga një grup paleontologësh, dhe daton 160 milionë vjet më parë.

Dinozauri ishte 50 centimetra i gjatë dhe peshonte pak më shumë se një pëllumb i madh. Serikornis (që do të thotë "zog i mëndafshit") ishte mbiquajtur "i butë" për shkak të pendëve të tij.

Serikornis konsiderohet zogu më primitiv në botë ku, sipas paleontologëve, studimi i këtij dinozauri të ri është jashtëzakonisht i rëndësishëm për të kuptuar evolucionin e shpendëve, për të konfirmuar se zogjtë e kanë origjinën nga dinozaurët e vegjël me pendë.

Megjithëse kishte krahë e pupla, Serikornis nuk mund të fluturonte për shkak se puplat e tij ishin pa formë dhe me përmasa jo të përshtatshme.

dinozauri
  (Dinozauri Serikornis sungei)
dinozauri
  (Fosilja e gjetur në provincën Liaoning në Kinë)

Redaksia Online
J.Sh Shqiptarja.com