Ngjyra e kuqe duket se ka bashkuar përsëri çiftin simpatik, Luana Vjollca dhe Adrian Gaxha.

Pas përfundimit të Këngës Magjike, ku Gaxha fitoi çmimin e internetit, është fotografuar së bashku me Vjollcën, në “after party”, të organizuar në Vila Mercedes.

Mesa duket Luana ka qenë krahu i djathtë i Adrianit, duke pranuar në të njëjtën kohë edhe rilidhjen me këngëtarin maqedonas.

Ata kanë qenë së bashku për një kohë të gjatë dhe janë ndarë, afro një viti më parë pa e komentuar këtë vendim.

Angazhimi në “Kënga Magjike” bëri që Adriani të kalonte shumë kohë në Tiranë dhe të takohej sërish me Luanën, që vërtetoi se dashuria e tyre nuk kishte mbaruar.

Su/ Shqiptarja.com