Lufta/ Burimet e inteligjencës amerikane: Sulmi i Iranit është i pashmangshëm! Biden siguron: Ne do ta mbrojmë Izraelin

‘Ne jemi në mes të një lufte në Gaza që vazhdon me vrull. Ne gjithashtu po vazhdojmë të bëjmë përpjekje të pandërprera për të kthyer pengjet tona, por jemi të përgatitur për skenarë që përfshijnë sfida në vende të tjera.’

Kryeministri izraelit Benjamin Netanyahu i bërë këto komente duke folur me disa pilotë në bazën ajrore Tel Nof, në jug të Tel Avivit. Vende të tjera, të cilat iu referohet Netanyahu duket se kanë të bëjnë me kërcënimet e Iranit, për t’iu kundërpërgjigjur goditjes në konsullatën e Damaskut.

‘Ne kemi krijuar një parim të thjeshtë: kushdo që na godet, ne i godasim ata’, tha Netanyahu.

Dhe më tej shprehet se Izraeli është i gatshëm të përmbush përgjegjësitë për sigurinë e vendit, në mbrojtje dhe sulm.

Zyrtarët amerikanë thanë për Wall Street Journal se kanë frikë se shumë nga pengjet izraelitë të mbajtur ende rob nga Hamasi në Gaza janë të vdekur.

Raporti vjen në mes të bisedimeve për një marrëveshje armëpushimi, me disa burime të Hamasit që treguan ditët e fundit se nuk janë në gjendje të gjurmojnë 40 pengjet e gjalla që Izraeli kërkon në negociata.

Besohet se janë 129 pengje të rrëmbyer nga Hamasi më 7 tetor dhe që kanë mbetur në gaza.

IDF konfirmoi vdekjen e 34 prej tyre, por Wall Street Journal shkruan se ‘zyrtarët izraelitë dhe amerikanë vlerësojnë privatisht se numri i vdekjeve mund të jetë shumë më i lartë.’

Lideri politik i Hamasit, Ismail Haniyeh, ka pohuar dje se tre nga djemtë dhe katër nipërit e tij janë vrarë nga një sulm ajror në Gaza.

Ndërsa janë publikuar edhe pamje nga momenti kur lideri ai mori lajmin se djemtë iu vranë nga një sulm ajror izraelit në Gaza. Mediat e lidhura me Hamasin thanë se makina me të cilën po udhëtonin djemtë e tij u godit në kampin Al-Shati pranë qytetit të Gazës.

Haniyeh tha se incidenti nuk do të ndryshonte kërkesat e Hamasit në bisedimet që synojnë arritjen e një marrëveshjeje armëpushimi. Forcat e Mbrojtjes izraelite konfirmuan se vranë tre djemtë e Haniyeh - duke pretenduar se ata ishin terroristë.