Lufta/ Moska: Armët bërthamore në Bjellorusi s’kanë strategji! Zelensky: Shkatërruam 36 dronë të lëshuar nga armiku gjatë natës

Rusia, duke vendosur armë bërthamore jostrategjike në territorin e Bjellorusisë, nuk i transferon ato, kontrollin mbi to dhe vendimi për përdorimin e tyre i takon Moskës. Kështu deklaroi ministri rus i Mbrojtjes Sergeij Shoigu. 

"Rusia nuk transferon armë bërthamore në Republikën e Bjellorusisë: kontrolli mbi to dhe vendimi për t'i përdorur i takon palës ruse," tha ministri gjatë nënshkrimit të dokumenteve që përcaktojnë procedurën për mirëmbajtjen e armëve bërthamore jostrategjike ruse në një.

Shoigu shtoi gjithashtu se masa të mëtejshme mund të merren në të ardhmen për të garantuar sigurinë e shtetit të Bashkimit dhe për t'iu përgjigjur situatës politiko-ushtarake.

Presidenti i Bjellorusisë, Aleksandwr Lukashenko, tha se ishte gati për një pushtim të mundshëm të vendit të tij duke shtuar se ishte në dijeni të thashethemeve për një "revoltë" të mundshme kundër tij.

“Ne e dimë këtë prej kohësh dhe po përgatitemi”, tha Lukashenko, duke iu përgjigjur zëvendësministrit polak të mbrojtjes, gjeneralit Waldemar Skrzypczak, i cili dje deklaroi se ekziston mundësia e një "kryengritjeje" të afërt në Bjellorusi, duke shpresuar që Polonia të mbështesë "këto njësi, të cilat do të kryejnë operacione kundër Lukashenkos". 

"Ne në fakt e dimë se kush janë ata, ne e dimë se ku janë dhe ne i dimë emrat e tyre. Ne jemi të përgatitur. Lërini ata të hyjnë"- përfundoi Lukashenko.

Tani në vijën e frontit pranë qytetit lindor të Bakhmutit gjithçka duket se është shkatërruar nga sulmet dhe kundërsulmet e vazhdueshme të një lufte pa fund.

Ushtarët ukrainas u fotografuan teksa lëviznin përgjatë pozicioneve të llogoreve pranë qytetit dhe teksa hipnin në tanke dhe pozicionoheshin n vendet e tyre, gati për luftë.

Më herët, u raportua nga shefi i Grupit Wagner, Yevgeny Prigozhin se luftëtarët e tij kishin filluar të tërhiqen nga qyteti dhe t'i dorëzoheshin ushtrisë ruse.

Qyteti i rrënuar është në qendër të një beteje të gjatë dhe të përgjakshme, e cila ka sjellë pasoja të parikuperueshme.

Ministria e Jashtme ruse ka thirrur ambasadorët e Gjermanisë, Suedisë dhe Danimarkës për të protestuar kundër refuzimit të këtyre vendeve për të zbuluar rezultatet e hetimit për sabotimin e gazsjellësit Nord Stream drejt Rusisë. Moska ka akuzuar 3 vende për “pamundësi për të garantuar transparencën e veprimeve hetimore”, deklaroi Ministria, siç raporton agjencia Tass. "Me veprimet e tyre", vijon zyra diplomatike, "ata po vonojnë qartë kohën dhe po përpiqen të fshehin gjurmët dhe autorët e vërtetë të krimit, pas të cilit besojmë se qëndrojnë vende të njohura. Dhe nuk është rastësi që ' rrjedhjet e lajmeve me pak besueshmëri hidhen në media me dëshirën për të ngatërruar situatën”.

Grupi mercenar rus Wagner ka filluar të tërheqë forcat e tij nga Bahmuti dhe t’ua dorëzojë pozicionet e tij trupave të rregullta ruse, të cilat kanë qenë në sulm të kësaj zone.

Tërheqja  e trupave u njoftua nga vetë shefi i Wagner, Prigozhin i cili tha se trupat e tij janë duke u tërhequr nga njësia e Bahmut-it që nga ora 5 e mëngjesit të sotëm deri më 1 qershor.

Videoja u publikua në Telegram nga shërbimi i tij për media. Në të shihet Prigozhin i veshur me veshje luftarake duke qëndruar pranë një blloku apartamentesh të dëmtuar nga lufta.

Një ditë më parë ai tha se Wagner ka humbur mbi 20.000 luftëtarë në betejën për kontrollin e qytetit lindor ukrainas të Bahmutit.

Shifra e të vrarëve përbën 20 për qind të 50.000 të dënuarve rusë që ai rekrutoi për luftën në Ukrainë.

Ky numër i luftëtarëve të vrarë vetëm në betejën për Bahmutin është shumë i lartë krahasuar me numrin e ushtarëve që Rusia pretendon se i janë vrarë gjatë luftimeve në Ukrainë, përkatësisht Moska pretendon se që nga nisja e pushtimit në shkurtin e kaluar, i janë vrarë mbi 6.000 ushtarë.

Rusia ka pretenduar se ka shënuar fitore në Bahmut, por Shtabi i Përgjithshëm i ushtrisë ukrainase tha më 24 maj se “luftimet e ashpra” po vazhdojnë brenda Bahmutit.

Bahmuti gjendet në provincën e Donjeckut, që është një prej katër provincave që vitin e kaluar Rusia pretendoi se i ka aneksuar. Këto katër provinca janë pjesërisht në kontrollin e forcave të Moskës.

Qeveria Norvegjeze ka shprehur mbështetjen ndaj Ukrainës, për ta ndihmuar në programet e trajnimit për pilotët ukrainas për të fluturuar me avionë luftarakë F-16.

Norvegjia ndonëse nuk ka vendosur ende nëse do t'i japë Ukrainës ndonjë nga avionët e saj F-16, por sidoqoftë ajo u shpreh se e mbështet këtë nismë dhe po shqyrton se si mund të kontribuojë së bashku me aleatët dhe partnerët për të ndihmuar Ukrainën në këtë luftë të vështirë dhe të ashpër.

Norvegjisë do i bashkohet në këtë nismë edhe Holanda, të cilat do të koordinohen me Belgjikën, Danimarkën dhe Mbretërinë e Bashkuar dhe vende të tjera mund të bashkohen për të ndihmuar Ukrainën.

Perëndimi thotë se dëshiron të ndihmojë Ukrainën të mposht Rusinë, por ka këmbëngulur vazhdimisht se nuk dëshiron të shkaktojë një konfrontim të drejtpërdrejtë midis aleancës ushtarake të NATO-s dhe Rusisë.

Rusia, e cila nisi pushtimin e Ukrainës 15 muaj më parë, ka deklaruar se transferimi i avionëve F-16 të prodhuar nga SHBA në Ukrainë nuk do të shërbente për asnjë qëllim dhe do të vinte në pikëpyetje rolin e NATO-s në konflikt.

Shërbimi sekret rus, FSB , parandaloi një përpjekje për bojkot kundër dy centraleve bërthamore të planifikuara nga shërbimet speciale të Ukrainës në fillim të majit. Kjo u njoftua nga FSB sipas raporteve nga agjencia Tass .