Lufta/ Izraeli eliminon përgjegjësin e sulmit me raketa nga Siria, vritet dhe komandanti i Hezbollahut! Gallant: Ne mund ta kthejmë Bejrutin në një Gaza tjetër

Protestuesit pro-palestinezë në SHBA kanë bllokuar urat dhe tunelet kryesore në New York ditën e sotme, si thirrje ndaj qeverisë për të lobuar në mbylljen e luftës dhe mbështetjen ndaj civilëve në Gaza.

Kjo ka shkaktuar trafik kilometrik në rrugët e qytetit amerikan.

Teksa bënin thirrje për një armëpushim në Gaza, protestuesit bllokuan hyrjet në Urën e Bruklinit, Manhattan dhe Ëilliamsburg, si dhe  tunelin e Hollandës, tunelin nën lumin Hudson.

Ministri izraelit i Shëndetësisë, Uriel Busso, ka deklaruar se që nga fillimi i luftës në Gaza më 7 tetor, sistemi shëndetësor në Izrael ka trajtuar rreth 13 mijë persona të plagosur.

Busso bën me dije se mes të plagosurve 2500 prej tyre kanë qenë ushtarë izraelit.

Ministri izraelit shtoi se mbi 490 milionë euro janë ndarë nga qeveria për konsulta të shëndetit mendor për ushtarët dhe të plagosurit, si dhe sistemi i rehabilitimit do të forcohet duke rritur numrin e shtretërve në dispozicion nga 900 në 1500.

Gaza pas bombardimeve izraelite

Izraeli po kryen një valë të paprecedentë sulmesh vdekjeprurëse në Siri, cituan disa burime për Reuters.

Burimet, duke përfshirë një oficer të inteligjencës ushtarake siriane dhe një komandant në aleancën rajonale që mbështet Damaskun, thanë se Izraeli kishte ndryshuar strategjitë pas sulmit të 7 tetorit 2023 nga luftëtarët e Hamasit në territorin izraelit dhe fushatave të bombardimeve izraelite në Gaza dhe Liban.

Megjithëse Izraeli ka goditur objektivat e lidhura me Iranin në Siri për vite me radhë, duke përfshirë zonat ku grupi i armatosur libanez Hezbollah ka qenë aktiv, tani po kryen sulme ajrore më vdekjeprurëse dhe më të shpeshta kundër transferimeve iraniane të armëve dhe sistemeve të mbrojtjes ajrore në Siri, thanë burimet.

Mbreti Abdullah i Jordanisë

Mbreti Abdullah i Jordanisë tha të hënën se Izraeli ka krijuar një brez të tërë jetimësh nga lufta e tij “barbare” në Rripin e Gazës. 30 mijë njerëz, kryesisht gra dhe fëmijë, janë vrarë ose janë zhdukur për shkak të luftës, tha më tej monarku.

“Më shumë fëmijë kanë vdekur në Gaza sesa në të gjitha konfliktet e tjera në mbarë botën vitin e kaluar. Nga ata që kanë mbijetuar, shumë prej tyre kanë humbur njërin ose të dy prindërit – një brez i tërë jetimësh”, tha ai.

Deklarata vjen pasi Mbreti Abdullah II i Jordanisë u takua me Sekretarin e Shtetit të SHBA Antony Blinken të dielën në Aman, ku të dy “ranë dakord të vazhdojnë koordinimin e ngushtë për ndihmën e qëndrueshme humanitare” në Gaza.

Mbreti Abdullah II gjithashtu paralajmëroi Blinken për pasojat katastrofike të luftës së vazhdueshme në Gaza.

“Si mund të sjellë paqe agresioni dhe granatimet pa dallim? Si mund të garantojnë sigurinë, kur ndërtojnë urrejtje? Pa një paqe të drejtë, në bazë të zgjidhjes me dy shtete, bota do të vazhdojë të paguajë një çmim të rëndë për dështimin në zgjidhjen e këtij konflikti dhe ne kurrë nuk do të njohim paqen dhe stabilitetin e vërtetë në Lindjen e Mesme”, shtoi mbreti.

Benjamin Netanyahu

Kryeministri izraelit, Benjamin Netanyahu vizitoi trupat e vendosura pranë kufirit verior të Izraelit me Libanin, duke u thënë atyre se Hezbollah “na nënvleësoi shumë në vitin 2006 dhe po na nënvlerëson përsëri”.

Në korrik 2006, forcat izraelite kaluan kufirin në Liban për të shkatërruar pozicionet e Hezbollahut, ndërsa sulmet ajrore synonin gjithashtu infrastrukturën dhe komandantët e Hezbollahut.

“Ne do të bëjmë gjithçka për të rivendosur sigurinë në veri dhe për të lejuar familjet tuaja, sepse shumë prej jush janë vendas, të kthehen të sigurt në shtëpi dhe e dinë se nuk mund të ngatërrohemi. Ne do të bëjmë gjithçka që duhet. Natyrisht, ne preferojmë që kjo të bëhet pa një fushatë të gjerë, por kjo nuk do të na pengojë. Ne u dhamë atyre një shembull se çfarë po ndodh me miqtë e tyre në jug, kështu do të ndodhë këtu në veri. Ne do të bëjmë gjithçka për të rivendosur sigurinë", tha Benjamin.

Yahya Sinwar

Izraeli ka vendosur një shpërblim prej 400 mijë dollarësh për Yahya Sinwar, numër një i Hamasit në Gaza, i mbiquajtur "kasapi i Khan Younes". 

Ky është lajmi i rilançuar nga gazeta izraelite Hayom, pas një interviste në radio Kan me ish-shefin e shërbimeve sekrete të brendshme të shtetit hebre, Amos Yadlin. 

Sipas asaj që raportohet nga gazeta, ushtria izraelite e di pozicionin e Sinwarit, por nuk mund të godasë sepse kreu i Hamasit në Gaza do të 'mbrohet' nga pengjet izraelite që janë ende në duart e milicive palestineze.

Wissam Tawil

Një sulm izraelit në Libanin jugor ka vrarë një komandant të lartë të njësisë elitare të Hezbollahut, Radwan. 

Burri ishte një nga drejtuesit e operacioneve në Libanin jugor, ai u vra në Kherbet Selem, një qytet libanez 20 km në veri të vijës së demarkacionit me Izraelin. 

Wissam Tawil drejtoi një pjesë të forcave speciale të Hezbollahut, Forcat Radwan.

Sinwar

Autoritetet izraelite e dinë se ku është lideri i Hamasit, Yahya Sinwar, por nuk mund ta sulmojnë atë, sepse me të ka shumë pengje. Kështu pretendon gazeta izraelite I srael Hayom dhe radio Kan , e cila citoi ish-kreun e inteligjencës ushtarake izraelite Amos Yadlin.

Burimet shpjegojnë se organizatori i masakrës së 7 tetorit është “i rrethuar nga një numër i madh pengjesh izraelitë të gjallë”. Dhe kjo e pengon IDF-në, Forcat Mbrojtëse të Izraelit, të nisë një bastisje ndaj tij.

Benjamin Netanyahu

"Ne do të bëjmë gjithçka që është e nevojshme për të rivendosur sigurinë këtu në veri": Kështu deklaroi kryeministri izraelit Benjamin Netanyahu gjatë një inspektimi në zonën Kiryat Shmona, pak larg kufirit me Libanin. 

"Natyrisht, ne preferojmë që kjo të ndodhë pa pasur nevojë t'i drejtohemi një fushate të gjerë ushtarake, por kjo nuk do të na ndalojë. Ne u kemi dhënë prova për këtë miqve të Hezbollahut në pjesën jugore të Gazës dhe do të ndodhë gjithashtu në veri. Nëse është e nevojshme", tha Netanyahu.

Kryeministri tha se Hezbollahu gjithashtu bëri një llogaritje të gabuar në vitin 2006, "kur ata e krahasuan Izraelin me rrjetën e merimangës". "Tani ata e shohin se çfarë merimangë jemi: fuqia jonë e madhe, kohezioni i njerëzve, vendosmëria jonë për të rivendosur sigurinë në veri. Kjo është politika ime."

Josep Borrell

Përfaqësuesi i Lartë i BE-së për Politikën e Jashtme, Josep Borrell , do të propozojë krijimin e një misioni të BE-së në Detin e Kuq për të garantuar lundrueshmërinë kundër sulmeve Houthi. Këtë e ka konfirmuar zëdhënësi i BE-së, Peter Stano. 

"Përfaqësuesi i Lartë do të propozojë misionin, më pas shtetet do të marrin vendimin. Tashmë janë disa shtete të BE-së që marrin pjesë në misionin e udhëhequr nga Shtetet e Bashkuara në Detin e Kuq", tha Stano.

Gaza pas bombardimeve izraelite

Organizata Botërore e Shëndetësisë anuloi një mision për të siguruar furnizime mjekësore në veri të Gazës, të dielën, pasi nuk mund të merrte garanci sigurie. Eshtë hera e katërt që OBSH detyrohet të anulojë një dërgesë të planifikuar të furnizimeve mjekësore të nevojshme në spitalin Al Awda dhe farmacinë qendrore në Gazën veriore që nga 26 dhjetori.

“Tani janë 12 ditë që kur arritëm për herë të fundit të arrinim në veri të Gazës”, tha zyra e agjencisë në territoret e pushtuara palestineze në platformën e mediave sociale X.

Granatimet e rënda, kufizimet në lëvizje dhe ndërprerja e telekomunikacionit e bëjnë pothuajse të pamundur shpërndarjen e rregullt dhe të sigurt të furnizimeve mjekësore në të gjithë Gazën, veçanërisht në veri.

Shpërndarja që do të bëhej dje, tha OBSH, ishte krijuar për të mbështetur operacionet e pesë spitaleve në pjesën veriore të enklavës.

Drejtori i përgjithshëm i OBSH-së Tedros Adhanom Ghebreyesus tha se ai ishte “i tronditur nga shkalla e nevojave shëndetësore dhe shkatërrimit në Gazën veriore”.

“Vonesat do të sjellin më shumë vdekje dhe vuajtje për kaq shumë njerëz,” shkroi ai në X. Organizata e Ndihmës tërhoqi Grupin e Ndihmës Ndërkombëtare të Komitetit të Shpëtimit, tha se ekipi i tij i urgjencës mjekësore dhe ndihma mjekësore bamirësie për palestinezët ishin detyruar të tërhiqeshin dhe të pushonin operacionet në Spitalin Al-Aksa në Rripin e Mesëm të Gazës për shkak të rritjes së aktivitetit ushtarak izraelit në zonë.

Ofensiva izraelite, e cila filloi pas një sulmi të përgjakshëm nga Hamasi në jug të Izraelit më 7 tetor, ka sjellë zhvendosjen e rreth 2.3 milion banorëve të Gazës, ka shkatërruar shumë shtëpi dhe infrastrukturë civile dhe ka shkaktuar mungesa akute të ushqimit, ujit dhe ilaçeve.

Benjamin Netanyahu

Që pas nisjes së sulmeve në Rripin e Gazas kryeministri i Izraelit, Benjamin Netanyahu ka pasur një vëmendje të shtuar nga mediat ndërkombëtare.

Ndonësë shumë i përfolur përshkak të konflikteve me Palestinën popullaritetii tij brenda apo jashtë Palestine ka rënë. Së fundmi mesa duket popullariteti nuk është i vetmi problem pasi edhe brenda kabinetit të tij qeveritar ka përçarje.

Tre ministra nga Partia e Unitetit Kombëtar të opozitës duke përfshirë kreun e partisë, Benny Gantz refuzuan të marrin pjesë në takimin javor të kabinetit të së dielës.

Ky bojkot vjen pasi një seancë e kabinetit të sigurisë të nivelit të lartë që diskutoi për të ardhmen e Gazës u shndërrua në një “arenë” ditën e enjte, pasi ministrat e krahut të djathtë dhe zyrtarët ushtarakë u konfliktuan me tone të ashpra.

Yoav Gallant

Izraeli nuk ka frikë të hyjë në luftë me grupin terrorist Hezbollah në Liban. Kështu tha ministri izraelit i Mbrojtjes Yoav Gallant në një intervistë për Wall Street Journal.

"Ata shohin se çfarë po ndodh në Gaza. Ata e dinë që ne mund të kopjojmë-paste në Bejrut. 80,000 njerëz duhet të jenë në gjendje të kthehen në shtëpitë e tyre të sigurt dhe prandaj, nëse gjithçka tjetër dështon, ne jemi të gatshëm të sakrifikojmë veten edhe pse prioriteti i Izraelit nuk është të shkojë në luftë me grupin libanez Hezbollah", tha Gallant.

Papa Françesku

Papa dënoi aktet "mizore" të terrorizmit nga Hamasi më 7 tetor dhe reagimin ushtarak izraelit që shkaktoi "një krizë jashtëzakonisht serioze humanitare dhe vuajtje të pakonceptueshme" duke bërë thirrje për "armëpushim në të gjitha frontet, përfshirë Libanin".

Annalena Baerbock

Ministrja e Jashtme gjermane Annalena Baerbock i ka dhënë dritën jeshile shitjes së avionëve luftarakë Eurofighter Arabisë Saudite. Baerbock mbërriti në Izrael mbrëmë ku ka caktuar një takim me kolegun e saj Israel Katz dhe Presidentin e Republikës Isaac Herzog. Kjo është vizita e katërt në Izrael për ministrin gjerman që nga 7 tetori, dita kur filloi konflikti me Hamasin.

Së pari, ministrja do të vizitojë Bregun Perëndimor, ku është planifikuar të takohet me banorët e një komuniteti palestinez pranë vendbanimeve izraelite dhe një bisedë me Ministrin e Jashtëm palestinez, Riyad al-Maliki, në Ramallah.