Sanksionet që SHBA po përgatit të vendosë kundër një batalioni të Forcave të Armatosura izraelite (IDF) për shkelje të dyshuara të të drejtave të njeriut në Bregun Perëndimor kanë ndezur zemërimin e qeverisë izraelite.
Duke filluar nga kryeministri Benjamin Netanyahu sipas të cilit “forcat e armatosura nuk duhet të sanksionohen”.
“Është kulmi i absurditetit dhe pika më e ulët nga pikëpamja morale”, vazhdoi ai, duke siguruar se ekzekutivi “do të veprojë me të gjitha mjetet kundër këtyre lëvizjeve”.
Ministri i Jashtëm izraelit, Israel Katz ka postuar në llogarinë e tij në rrjetin social "X" një imazh që përshkruan Koloseun e Romës të rrethuar nga raketat iraniane.
“Sulmi i fundit i Iranit ndaj Izraelit është vetëm një pamje paraprake e asaj që qytetet në mbarë botën mund të presin nëse regjimi iranian nuk ndalet.
Bota duhet ta caktojë Korpusin e Gardës Revolucionare Islamike si një organizatë terroriste dhe të sanksionojë programin e raketave balistike të Iranit, përpara se të jetë tepër vonë”, shkroi ai.
Kantz foli me Sekretarin e Shtetit të SHBA Antony Blinken, duke i kërkuar atij të mos sanksionojë forcat e armatosura.
Sulmet izraelite gjatë natës në qytetin jugor të Gazës, Rafah, shkaktuan vdekjen e 22 personave mes tyre 18 fëmijë, bënë të ditur zyrtarët palestinezë të shëndetësisë të dielën. Zhvillimet ndodhën ndërsa Shtetet e Bashkuara po shkonin drejt miratimit të miliarda dollarëve ndihmë ushtarake shtesë për Izraelin, aleatin e tyre të ngushtë.
Mijëra izraelit protestuan mbrëmë në Izrael dhe kërkuan një marrëveshje për lirimin e pengjeve që mbahen nga Hamasi, si dhe shpalljen e zgjedhjeve të parakohshme.
Në Tel Aviv, protestuesit mbanin slogane të tilla si “ai që i braktisi duhet t’i kthejë ata”, ndërsa sulmonin kryeministrin Benjamin Netanyahu.
Këtë të fundit e fajësojnë shumë izraelitë për sulmin e paprecedentë nga Hamasi më 7 tetor ku mbetën të vrarë rreth 1200 njerëz. Turmat demonstruan dhe jashtë rezidencës së Netanyahut në Cezare.
Ministri i Jashtëm izraelit, Israel Katz ka postuar në platformën X një video ku shfaqet Kulla Eifel, pasi bëri të njëjtën gjë dje me Koloseun.
Garda Revolucionare iraniane së shpejti do të vijë në një qytet afër jush.
“Ndaloni Iranin para se të jetë tepër vonë”, shkruan Katz.
Një varr masiv është zbuluar në një provincë në Gaza, dy javë pasi forcat izraelite ishin larguar. Autoritetet vendase njoftojnë për gjetjen e më shumë se 50 trupave palestinezë dhe vazhdojnë kërkimet për trupa të tjerë
Shërbimet e urgjencës në Gaza kanë gjetur trupat e 50 palestinezëve në një varr masiv në Khan Younis, dy javë pasi forcat izraelite u tërhoqën nga zona, raporton Al Jazeera.
“Sot, ekipet tona në provincën Khan Younis zbuluan trupat e 50 martirëve nga grupmosha të ndryshme, të cilët u varrosën nga forcat pushtuese në spitalin Nasser”, thuhet në një deklaratë.
Në deklaratë theksohet se ka ende trupa në varreza masive dhe nën rrënoja, duke shtuar se ekipet e mbrojtjes civile vazhdojnë ende përpjekjet e shtëpimit dhe kërkimit. Ushtria izraelite njoftoi tërheqjen e saj nga Khan Younis më 7 prill pas katër muajsh të një operacioni tokësor që synonte të merrte pengjet izraelite të mbajtur nga grupi i rezistencës palestineze, Hamasi.
Operacioni izraelit la dëme të shumta në rrugë, shtëpi dhe infrastru turë. Një grua shtatzënë dhe gjashtë fëmijë ishin midis palestinezëve të vrarë në një valë sulmesh në Rafah. Forcat izraelite vranë 14 persona gjatë një bastisjeje në kampin e refugjatëve Noor Shams në Bregun Perëndimor.
Një ushtar izraelit ka mbetur i plagosur si pasojë i një shpërthimi të një eksplozivi teksa po përpiqej që të hiqte një flamur palestinez.
Ngjarja ka ndodhur në Kochav Hashachar në lindje të Ramallah në Bregun Perëndimor.
Irani do të marrë dorëzimin e parë të avionëve luftarakë rusë të gjeneratës së fundit Sukhoi SU-35 në ditët e ardhshme, njoftuan mediat iraniane të shtunën.
Sipas faqes së internetit të gazetës Etemad, Irani i kishte blerë avionët që në muajin nëntor. Ndërsa dorëzimi i parë do të bëhet tani.
Në mars 2023 u raportua se Irani kishte arritur një marrëveshje për blerjen e avionëve nga Rusia, duke zgjeruar një marrëdhënie që si rezultat ka sjellë marrjen e dronëve të prodhuar nga Irani dhe të përdorura në luftën e Rusisë kundër Ukrainës.
Ministri i Jashtëm izraelit, Israel Katz ka postuar në llogarinë e tij në X një imazh që përshkruan Koloseun e Romës të rrethuar nga raketat iraniane.
“Sulmi i fundit i Iranit ndaj Izraelit është vetëm një pamje paraprake e asaj që qytetet në mbarë botën mund të presin nëse regjimi iranian nuk ndalet.
Bota duhet ta caktojë Korpusin e Gardës Revolucionare Islamike si një organizatë terroriste dhe të sanksionojë programin e raketave balistike të Iranit, përpara se të jetë tepër vonë”, shkroi ai.
Komente
Lajme të tjera
-
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
I dërguari i SHBA-së mbërrin në Bejrut, Libani e Hezbollahu pranojnë propozimin për armëpushim
19 Nëntor, 09:16 -
Lufta/ Media: Izraeli ka bombarduar pranë zyrës së OKB-së dhe Parlamentit në Liban
18 Nëntor, 09:22
Ariel Sharon ish kryeministri izraelian pat daklaruar qe bombat atomike izraeliane jan te drejtuara drejt kryeqyteteve europain. Boll me kete propagand te shpifur. Irani nuk ka sulmuar kerkend
Përgjigju