Mes errësirës së gjatë, frikës nga armët bërthamore dhe bumit të aksidenteve në rrugë, Ukraina arrin në ditën e saj të 254-ët në luftë. Presidenti i Kinës, Xi Jinping nisur nga vizita në Pekin e kancelarit gjerman Olaf Scholz ka u bërë thirrje komunitetit ndërkombëtar të refuzojnë me çdo kusht përdorimin e armëve bërthamore. Nga ana tjetër, ambicia e rusëve kthehet në Kherson, ku pro-rusët shpallën një shtetrrethim por më pas u kthyen.
Ndihma e SHBA-së për Ukrainën vazhdon. Ajo ofroi edhe 400 milionë dollarë ndihma për Kievin, por kësaj radhe i sinjalizoi për një mundësi negocimi me Rusinë.
Edhe Komisoni Evropian do të propozojë javën e ardhshme një paketë të konsiderueshme financiare të BE-së deri në 1.5 miliardë euro në muaj, në total 18 miliardë euro për Ukrainën. Kjo paketë parashikohet se do të ndihmojë ndjeshëm në mbulimin e nevojave për financim të Ukrainës për vitin 2023. Lajmi është bërë i ditur nga Kryetarja e Komisionit, Ursula von der Leyen gjatë një bisedë telefonike me presidentin ukrainas, Volodymyr Zelensky.
Administrata Biden po inkurajon privatisht liderët ukrainas që të sinjalizojnë publikisht një hapje për të negociuar me Rusinë dhe të mos deklarojnë më se ata refuzojnë të marrin pjesë në bisedimet e paqes me Presidentin Vladimir Putin në pushtet. Kjo është bërë e ditur nga burime të informuara për "Washington Post". Kërkesa e zyrtarëve amerikanë nuk synon të shtyjë Ukrainën në tryezën e bisedimeve , por si një përpjekje për të siguruar që qeveria e Kievit të mbajë mbështetjen e vendeve që nuk duan që lufta të vazhdojë për një kohë të gjatë.
Burimet thonë për “Washington Post” se zyrtarët amerikanë ndajnë të njëjtin vlerësim si të homologëve të tyre ukrainas, se Putini nuk është serioz për negociatat e paqes për momentin. Megjithatë, ata besojnë se vetoja e Zelenskyt ndaj liderit të Kremlinit ka krijuar shqetësim në pjesë të Evropës, Afrikës dhe Amerikës Latine, ku efektet e luftës në aspektin e kostos së jetesës dhe mungesës së ushqimit ndjehen më qartë.
“Vështirësitë e shkaktuara nga konflikti në Ukrainë janë një çështje shumë reale për disa nga partnerët tanë”, tha një nga zyrtarët amerikanë.
Pozicioni i Shteteve të Bashkuara, sipas “Washington Post”, mund të jetë një shenjë shqetësimi në funksion të zgjedhjeve të ardhshme afatmesme . Mbështetja mes republikanëve për masat në favor të Ukrainës është duke u pakësuar. Një fitore e konservatorëve të martën mund të sfidojë seriozisht linjën e Shtëpisë së Bardhë për mbështetjen e Kievit pa vonesë. Deri më sot, Uashingtoni u ka garantuar ukrainasve mbi 17 miliardë dollarë ndihmë ushtarake , ndërhyrja më e madhe financiare ose që nga Lufta e Ftohtë.
Një tjetër prej komandantëve të lartë ushtarakë të Rusisë thuhet se është zëvendësuar pasi pushtimi i Ukrainës nga Vladimir Putin vazhdon të dështojë. Inteligjenca e Ministrisë së Mbrojtjes e Mbretërisë së Bashkuar tha se gjenerali Alexander Lapin, kreu i Qarkut Qendror Ushtarak të Rusisë, ishte larguar nga pozicioni i tij.
Lapin, i cili u emërua "Hero i Rusisë" nga Putin vetëm katër muaj më parë, është komandanti i katërt i lartë që ka pësuar këtë fat që nga fillimi i pushtimit.
Ai kishte emëruar në Qarkun Qendror Ushtarak që nga viti 2017, pasi kishte shërbyer më parë si shef i shtabit për forcat ruse në Siri.
“Më 3 nëntor, gjeneralmajor Alexander Linkov thuhet se u emërua ushtrues detyre i komandantit të Qarkut Qendror Ushtarak të Rusisë. Linkov zëvendëson gjeneralkolonelin Alexander Lapin, i cili supozohet se u hoq nga detyra në fund të tetorit”, tha Ministria e Mbrojtjes e Mbretërisë së Bashkuar.
Nëse konfirmohet, kjo pason një seri shkarkimesh të komandantëve të lartë ushtarakë rusë që nga fillimi i pushtimit në shkurt. Komandantët e Rretheve Ushtarake Lindore, Jugore dhe Perëndimore u zëvendësuan në fillim të këtij viti.
Lapin është kritikuar gjerësisht për performancën e dobët në fushën e betejës në Ukrainë, si nga lideri çeçen Ramzan Kadyrov, ashtu edhe nga kreu i Wagner, Yevgeny Prigozhin.
Këto shkarkime përfaqësojnë një “model faji” ndaj komandantëve të lartë ushtarakë rusë për dështimet për të arritur objektivat ruse në fushën e betejës. Kjo ka të ngjarë të jetë pjesërisht një përpjekje për të izoluar dhe shmangur fajin nga udhëheqja e lartë ruse në vend.
“Komisioni Evropian do të propozojë javën e ardhshme një paketë të konsiderueshme financiare të BE-së deri në 1.5 miliardë euro në muaj, në total 18 miliardë euro, e cila do të ndihmojë ndjeshëm në mbulimin e nevojave për financim të Ukrainës për vitin 2023", këtë e ka bërë të ditur kryetarja e Komisionit, Ursula von der Leyen , në një bisedë telefonike me presidentin ukrainas, Volodymyr Zelensky.
SHBA po inkurajon privatisht Ukrainën që të sinjalizojë një hap për të negociuar me Rusinë, raportoi "Washington Post", kjo vjen pasi Departamenti i Shtetit i SHBA-së tha se Moska po përshkallëzonte luftën dhe nuk dëshironte seriozisht të angazhohej në bisedimet e paqes.
Gazeta citoi të shtunën burime të paidentifikuara duke thënë se kërkesa e zyrtarëve amerikanë nuk kishte për qëllim shtyrjen e Ukrainës në tryezën e negociatave, por një përpjekje të llogaritur për të siguruar që Kievi të ruante mbështetjen e kombeve të tjera.
Zyrtarët amerikanë dhe ukrainas thanë se mospranimi i presidentit ukrainas Volodymyr Zelensky për bisedime me presidentin rus Vladimir Putin ka shkaktuar shqetësim në pjesë të Evropës, Afrikës dhe Amerikës Latine, ku efektet e luftës në kostot e ushqimit dhe karburantit janë ndjerë më të shumë.
"Lodhja e Ukrainës" është një gjë e vërtetë për disa nga partnerët tanë," citoi një zyrtar amerikan të paidentifikuar të thoshte.
Zelensky nënshkroi një dekret më 4 tetor duke deklaruar zyrtarisht perspektivën e çdo bisedimi ukrainas me Putinin "të pamundur", por duke e lënë derën e hapur për bisedimet me Rusinë.
"Ne e kemi thënë më parë dhe do ta themi përsëri: Veprimet flasin më shumë se fjalët," tha një zëdhënës i Departamentit të Shtetit.
“Nëse Rusia është gati për negociata, ajo duhet të ndalojë bombat dhe raketat e saj dhe të tërheqë forcat e saj nga Ukraina”, shtoi ai.
“Kremlini vazhdon ta përshkallëzojë këtë luftë. Kremlini ka demonstruar mosgatishmërinë e tij për t'u përfshirë seriozisht në negociata që para se të fillonte pushtimin e tij në shkallë të plotë të Ukrainës," u shpreh zëdhënësi.
Ukraina ka liruar sot 19 ushtarakët e parë të kapur rob nga radhët e forcave ruse, në kuadrin e një shkëmbimi ku të dyja palët pritet të lirojnë nga 107 robër. Sipas të dhënave të zbulimit të shërbimeve britanike, Rusia vazhdon ndërkohë të shkarkojë komandantët ushtarakë duke i fajësuar ata për dështimet në arritjen e objektivave në fushëbetejë.
Ukraina liroi të dielën disa ushtarakë të kapur rob që ishin bërë pjesë e forcave ruse në pjesën e pushtuar të rajonit Donetsk. 19 ushtarakët, të dorëzuar në kuadrin e një shkëmbimi robërish mes Rusisë dhe Ukrainës, u pritën nga të afërmit e tyre.
“Kam qenë duke kërkuar në internet pasi u kap rob. Kur pati një shkëmbim të mëparshëm, ai nuk ishte përfshirë. Megjithatë ende shpresoja se do të kthehej dhe kontaktova kë munda, shkruajta gjithandej. Më në fund e shoh këtu”, thotë Oksana, bashkëshorte e një prej ushtarakëve të liruar.
“Iu afruan pozicioneve tona dhe nga bombardimi mbeta i plagosur. Pastaj më morën me vete”, tregon Ruslani, një ndër ushtarët e liruar nga Ukraina.
Autoritetet ruse thanë se 19 ushtarakët e liruar nga Ukraina do të dërgohen të gjithë në Rusi dhe se është rënë dakort që secila palë të shkëmbejë 107 robër.
Zëvendës guvernatori i emëruar nga Rusia i rajonit Kherson, Kirill Stremousov, njoftoi të dielën në rrjetin Telegram se forcat ukrainase po përgatiteshin për një ofensivë të re në këtë rajon me brigada artilerie, avionë dhe helikopterë.
Gjatë 24 orëve të fundit, forcat ukrainase sulmuan nëntë objekte, ndër to edhe një depo municionesh në Kherson, duke përdorur madje edhe armatime të kapura nga pala ruse.
Në informimin e saj të së dielës për konstatimet më të fundit të shërbimeve të zbulimit, Ministria britanike e Mbrojtjes tha se ka patur “një sërë shkarkimesh të komandantëve të lartë rusë” dhe se këto reflektojnë tendencën për të fajësuar drejtuesit e lartë ushtarakë rusë për dështimet në arritjen e objektivave në fushëbetejë, duke e shmangur përgjegjësinë nga udhëheqësit në Kremlin.
Forcat ruse ndërkaq vazhdojnë të godasin rrjetin e furnizimit me energji dhe ujë të Ukrainës. Mendohet se sulmet kanë shkatërruar deri në 40% të sistemit energjitik dhe duke zhytur në errësirë pjesë të mëdha të vendit.
Ekipet ukrainase të emergjencave arritën të riparojnë linjat e jashtme të furnizimit me energji për centralin bërthamor në Zaporizhia, dy ditë pasi goditjet e artilerisë ruse dëmtuan shtyllat e tensionit të lartë, njoftoi Agjensia Ndërkombëtare për Energjinë Bërthamore (IAEA)./VOA
Administrata komunale e Kievit po përgatitet të evakuojë rreth 3 milionë banorë në rast të mbylljes së qytetit. Sipas një burimi të administratës së qytetit të Kievit të cituar nga gazeta amerikane "New York Times", 12 orë para kësaj situate të pretenduar kritike, zyrtarët do të informohen dhe do të fillojë evakuimi i popullsisë.
Megjithatë, mbetet për t'u kuptuar se si dhe si duhet të zhvillohet ky operacion. Më parë, kryetari i bashkisë së Kievit Vitali Klitschko nuk përjashtoi një ndërprerje në kryeqytet.
“Ne po bëjmë gjithçka që mundemi për të parandaluar që kjo të ndodhë. Por le të jemi të sinqertë, armiqtë tanë po bëjnë përpjekje të mëdha për të siguruar që qyteti të privohet nga ngrohja, energjia elektrike dhe uji dhe të na çojnë të gjithëve drejt vdekjes. Nuk e përjashtojmë, po kalkulojmë skenarë të ndryshëm për të rezistuar dhe përgatitur”, u shpreh Klitschko.
Problemet me energjinë elektrike u shkaktuan nga sulmet e fundit ruse që goditën infrastrukturat energjetike në të gjithë vendin. Për momentin kryeqyteti ukrainas ka ngritur tashmë pika grumbullimi për furnizimin me karburant, gjeneratorë, ushqim dhe ujë të pijshëm. Gjithashtu janë ngritur edhe pika ngrohjeje.
Komente
Lajme të tjera
-
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35
Evropa si kuve plak qe eshte, me nje dore i jep ndihmen, e me tjetren ja zhyt me thelle Ukraines me kto kredite. Bashkohu me rusin e Zhelenski, se me Evropen do shkosh vetem per vari raKun. Do bohesh skllav i amerikes
PërgjigjuI rane pendet Amerikes i kerkon bisedime tani Zhelenskit.
Përgjigju