Rama 'grusht' informalitetit: Kështu si ky sot, do mbyllet çdo karburant me shkelje...

"Ja kështu si ky sot, do mbyllet çdo stacion karburanti që nuk tapos përfundimisht pompën manuale dhe nuk i dorëzon kupon konsumatorit", ky ka qenë reagimi i radhës i kryeministrit Edi Rama për bizneset dhe subjektet që tentojnë të fshehin të ardhurat apo të bëjnë manipulime me shërbimet që ata ofrojnë.

Ky qëndrim i fortë i kryeministrit Rama vjen në kuadër të aksionit anti-informalitet që prej kohësh ka ndërmarrë qeveria.

Në postimin e Ramës shihet një karburant i bllokuar nga Hetimi Tatimor pasi është konstatuar me shkelje. Rama thotë se aksionet e tilla do të vijojnë dhe në shkrimin e tij poston edhe një grusht drejtuar informalitetit. Ndërsa prej kohësh ka paralajmëruar se nuk do të tolerohet asnjë pavarësisht se sa i fuqishëm është në fushën e biznesit.

Ditët e fundit në vendin tonë janë goditur disa raste ku nuk bëjnë përjashtim edhe emra të mëdhenj të botës së biznesit si kompleksi Taivani që u mbyll dhe hotel 'Rogner' në kryeqytet që u gjobit për shkak se janë kapur me shkelje.

TAG:
• edi rama
• hetimi tatimor
• aksioni anti-informalitet
• mbyllet biznesi