Një pjesë e madhe e vendeve në Bashkimin Evropian po përballen me valën e tretë të pandemisë dhe për pasojë disa qeveri kanë vendosur të mbyllin aspekte të ndryshme të hapësirës publike.
Ndër të parat që kishte diskutuar vendosjen e masave të reja kufizuese ishte kancelarja gjermane por deri më tani kryeministrat e 16 landeve të Gjermanisë nuk kanë dhënë miratimin e tyre për një izolim tjetër kombëtar. Në takimin e tyre të fundit, ata vetëm zgjatën masat në fuqi deri në 18 Prill, ndërkohë që shtetrrethimi i propozuar gjatë Pashkëve u anulua. Jo më shumë se pesë persona nga dy familje lejohen të takohen. Ndërkohë që vazhdon detyrimi për të mbajtur maska mjekësore në të gjithë Gjermaninë në dyqane dhe në transportin publik.
Në anën tjetër presidenti francez, Emmanuel Macron, njoftoi bllokimin e tretë mbarëkombëtar të vendit. Rregullat të cilat ishin në fuqi prej javësh në disa rajone të caktuar, u zgjeruan për katër javë në të gjithë Francën. Shumica e dyqaneve do të mbyllen dhe një shtetrrethim gjatë natës do të jetë në fuqi nga ora 7 e pasdites.
Në Belgjikë është vendosur që çdokush që do të bëhen Pazar do të duhet të caktojë një takim paraprakisht, përveç nëse ka të bëjë me mallra të domosdoshëm. Shkollat dhe universitetet do të qëndrojnë të mbyllura për tre javë gjatë Pashkëve, ndërkohë që parukeritë, estetistët do të mbyllen plotësisht për tani.
Në Spanjë, vendasit dhe turistët duhet të mbajnë maskë në ambjentet e jashtme, edhe në plazh. Ndërsa shumë shtete po kufizojnë lëvizjet e qytetarëve të tyre gjatë Pashkëve, pushuesit evropianë ende lejohen të bëjnë plazh në vende si Majorca.
Masat e rrepta kufizuese në Greqi do të qëndrojnë në fuqi deri më 5 Prill. Nga e hëna vendi do të lehtësojnë gradualisht masat. Ndërkohë që për çdo person që hyn në vend është i detyrueshëm karantinimi dy javor.
Megjithëse numri i infeksioneve COVID-19 mbetet i lartë në Bullgari, qeveria atje lehtësoi kufizimet në 1 Prill. Bullgarët tani lejohen të shkojnë në restorante dhe të ulen jashtë. Teatrot janë rihapur, por me audiencë më të vogël. Shkollat, përfshirë parashkollorët rihapen më vonë.
Ndryshe paraqitet situata në Republikën Çeke, e ila para disa javësh kishte incidencën më të lartë javore të infeksionit COVID-19 në botë. Në të gjithë vendin, maksimumi vetëm dy persona lejohen të takohen, përveç nëse janë anëtarë të së njëjtës familje. Si kudo tjetër në Evropë, restorantet, kinematë, muzetë dhe dyqanet jo thelbësore mbeten të mbyllura.
Njerëzit lejohen të marrin pjesë në vendet e tyre përkatëse të adhurimit, por vetëm maksimumi 15 lejohen në një funeral ose martesë.
Lajme të tjera
-
Gjermania që ne njihnim është zhdukur
17 Dhjetor, 20:53
-
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Nderohet Franz Beckenbauer, Superkupa e Gjermanisë merr emrin e tij
16 Dhjetor, 22:15 -
Scholz humbet votëbesimin, Gjermania shkon në zgjedhje të parakohshme
16 Dhjetor, 16:51 -
Skandal me futbollistin e Dortmund, babai i tij zbulon moshën reale: Mora certifikatë false
15 Dhjetor, 21:00 -
Kostot e banimit po varfërojnë gjermanët
15 Dhjetor, 10:39 -
Presidenti Macron emëron Francois Bayrou si kryeministrin e ri të Francës pas rënies së qeverisë Barnier
13 Dhjetor, 13:10 -
Rusia i afrohet qytetit kyç të Ukrainës, teksa Zelensky e viziton vijën e frontit
12 Dhjetor, 22:07 -
Scholz kërkon votëbesim, Gjermania drejt zgjedhjeve të parakohshme
11 Dhjetor, 18:28 -
Scholz dhe Vuçiç takohen në Gjermani, bisedime për litiumin
10 Dhjetor, 15:04 -
Ndalen dy motorë të Evropës: Franca i bashkohet Gjermanisë në kaosin politik
5 Dhjetor, 17:03 -
A do të arrestohej Netanyahu në Gjermani?
3 Dhjetor, 12:19
