Ismail Haniyeh, një nga liderët kryesorë të Hamasit, u vra së bashku me një truprojat e tij në Iran. Grupi i Hamasait ka njoftuar vdekjen e tij, duke thënë se rezidenca e tij "u godit në Teheran dhe si rezultat i këtij incidenti, ai dhe një nga truprojat e tij ranë dëshmorë".

"Vrasja e liderit të Hamasit Ismail Haniyeh në Iran përfaqëson një përshkallëzim serioz që nuk do të arrijë objektivat e tij," tha zyrtari i fraksionit islamik Sami Abu Zuhri, i cituar nga mediat izraelite.

Ushtria izraelite mori përgjegjësinë për sulmin në një ndërtesë në jug të Bejrutit si përgjigje ndaj masakrës së Majdal Shams, ku një raketë e lëshuar nga Libani vrau 12 fëmijë. Por, për vrasjen e liderit të Hamasit, Izraeli ende nuk ka reaguar.

Vdekja e Haniyeh vjen disa orë pasi Izraeli tha se vrau një komandant të lartë të Hezbollahut, Hassan Nasralla,  në një sulm në kryeqytetin libanez Bejrut. Haniyeh ishte në Teheran për të marrë pjesë në ceremoninë e betimit për presidentin e ri iranian Masoud Pezeshkian.

Irani po mban një takim urgjent të Këshillit të tij të Lartë të Sigurisë Kombëtare në rezidencën e liderit suprem Ali Khamenei, për të vendosur për strategjinë e Iranit si reagim ndaj vdekjes së Haniyeh, një aleat i ngushtë i Teheranit.

Sekretari amerikan i Mbrojtjes Lloyd Austin tha se Uashingtoni do të punonte për të lehtësuar tensionet, por tha se Shtetet e Bashkuara do të ndihmonin në mbrojtjen e Izraelit nëse ai sulmohej. Ndërkohë, Presidenti palestinez Mahmoud Abbas dënoi vrasjen e Haniyeh.

Kujtojmë se prillin e kaluar Hamasi kishte njoftuar se tre djemtë dhe katër nipërit e Haniya u vranë në një sulm ajror në kampin e refugjatëve Shati, në qytetin e Gazës (në veri), ku ata po vizitonin të afërmit, në ditën e parë të festës të Fitër Bajramit, përfundimit të muajit të shenjtë të Ramazanit.

Sulmet e Izraelit ndaj dy liderëve të lartë të mbështetur nga Irani në hapësirën e 24 orëve kanë ngritur frikën se rajoni së shpejti mund të përfshihet në konflikt të mëtejshëm.