Pas urdhrit të kryeministrit izraelit, Benjamin Netanyahu për evakuuimin e banorëve në zonën e Rafah, ka pasur bombardime intensive ajrore që kanë shkaktuar vdekjen e 28 personave, mes të cilëve 10 fëmijë. Ai ka theksuar se sulmet po bëhen në funksion të ofensivës së re ushtarake izraelite kundër Hamasit. Ndërsa ka kërkuar gjithashtu përgatitjen e ushtrisë për një operacion tokësor në Rafah.
Forcat e mbrojtjes izraelite pretendojnë se kanë arritur të ekzekutojnë shefin e Inteligjencës së Hamasit gjatë një bastisje në një automjet.
Nga ana tjetër ministrja e Jashtme gjermane Annalena Baerbock ka paralajmëruar Izraelin kundër kryerjes së një ofensive ushtarake në Rafah të Rripit të Gazës. Sipas saj një ndërhyrje e tillë do të shkaktonte një katastrofë humanitare.
Numri i të vdekurve në Rripin e Gazës që nga 7 tetori është më shumë se 27,840 të vdekur dhe 67,300 të plagosur, sipas Ministrisë Palestineze të Shëndetësisë të drejtuar nga Hamasi.
Kryeministri izraelit Benjamin Netanyahu i ka kërkuar Shefit të Shtabit të ushtrisë izraelite Herzi Halevi që të thërrasë sërish rezervistët për të marrë pjesë në operacionin tokësor në Rafah, në Rripin jugor të Gazës.
Halevi është shprehur se ushtria është e aftë të kryejë çdo detyrë që i caktohet.
Ka shkuar në 44 numri i viktimave si pasojë e sulmeve ajrore izraelite gjatë ditës së sotme në zonën e Rafah. Mes viktimave ka edhe janë edhe 10 fëmijë.
Netanyahu i kërkoi ushtrisë izraelite që të bënte të mundur evakuimin e fëmijëve nga qyteti jugor i Gazës para se të niste një ofensivë tokësore.
Një dron izraelit goditi një makinë pranë qytetit port të Sidonit në Libanin jugor, duke vrarë të paktën dy persona dhe duke plagosur dy të tjerë. Sulmi ndodhi pranë qytetit bregdetar të Jadra, 37 milje nga kufiri izraelit.
La Repubblica shkruan se një zyrtar izraelit i sigurisë tha se objektivi i sulmit ishte zyrtari i Hamasit, Basel Saleh, i cili ishte i plagosur. Zyrtari tha se Saleh ishte përgjegjës për rekrutimin e rekrutëve të rinj të Hamasit në Gaza dhe Bregun Perëndimor.
Annalena Baerbock
Ministrja e Jashtme gjermane Annalena Baerbock ka paralajmëruar Izraelin kundër kryerjes së një ofensive ushtarake në Rafah të Rripit të Gazës.
"Do të ishte një katastrofë e parashikuar", paralajmëroi ajo, duke njoftuar një tjetër udhëtim në Izrael.
"Nevoja në #Rafah është tashmë e pabesueshme. 1.3 milionë njerëz po kërkojnë mbrojtje nga luftimet në një hapësirë shumë të vogël. Një ofensivë e ushtrisë izraelite në Rafah do të ishte një katastrofë humanitare. Njerëzit e #Gazës nuk mund të zhduken në ajër."- shkruan Baerbock në rrjetin social “X”.
Autoambulancë e shkatërruar nga sulmet izraelite, Gaza
Gjysmëhëna e Kuqe Palestineze akuzon forcat ushtarake izraelite për goditjen e qëllimshme të një ambulance dhe vrasjen e dy mjekëve që nxituan për të ndihmuar Hind Rajab, një vajzë 6-vjeçare palestineze, e cila gjithashtu u vra, si të gjithë anëtarët e familjes së saj që vdiqën gjatë tentativës për të ikur nga Gaza.
Një video e publikuar në rrjetin social "X" të publikuar nga Gjysmëhëna e Kuqe Palestineze tregon rrënojat e ambulancës.
"Hind humbi jetën tragjikisht e vetme, pasi kërkoi ndihmë nga stafi ynë për orë të tëra: Ejani dhe më merrni. Pusho në paqe, Hind, prehu në paqe Jusuf dhe Ahmed, heronjtë e përpjekjeve humanitare ( dy mjekët e vrarë)”,- shkruan Gjysmëhëna e Kuqe.
???? Urgent: The Palestine Red Crescent ambulance was discovered bombed the Tal al-Hawa area of #Gaza City, resulting in the killing of crew members Yusuf Zeino and Ahmed Al-Madhoun, who had been missing since a rescue mission for the child Hind Rajab 12 days ago.#NotATarget❌… pic.twitter.com/dCgfeevTd8
— PRCS (@PalestineRCS) February 10, 2024
Gaza
Ministria e Shëndetsisë në Gaza, e cila udhëhiqet nga Hamas, ka deklaruar ditën e sotme se 28,064 palestinezë janë vrarë si pasojë e sulmeve të Izraelit që nga fillimi i luftës, më 7 tetor.
Institucioni palestinez shton se 67.611 të tjerë janë plagosur si pasojë e luftimeve intensive.
Mediat e huaja shkruajnë se sulmet ajrore izraelite në zonën e Rafah kanë vrarë të paktën 28 palestinezë në jug Rripin e Gazës. Sulmet ajrore të së shtunës erdhën disa orë pasi kryeministri Netanyahu u kishte kërkuar evakuimin e qindra mijërave personave nga qyteti.
Forcat e Mbrojtjes Izraelite deklaruan se gjatë bastisjeve në zonën e Rafah është ekzekutuar Ahmet al Yaakobi, shefi i inteligjencës së Hamasit si dhe zëvëndësi i tij, Iman Rantisi.
Komente
Lajme të tjera
-
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15
Nazista qe nje dite do te zhduken
Përgjigju