VLORE - Shtatë muaj nga atentati me armë që ju krye Inez Hajrulla në ambientet e kompleksit “Oslo” në Vlorë, prokuroria dhe policia e këtij qyteti, ka arritur të bjerë në gjurmët e autorëve të këtij krimi të rëndë, ku objektivi kryesor për tu eliminuar, ishte pikërisht Inez Hajrulla. Ky i fundit një emër i njohur në Vlorë dhe që në kartotekat kriminale të policisë, dyshohet si person që i përket një grupimi kriminal në këtë qytet, mundi ti shpëtojë pa asnjë dëmtim sulmit me armë të datës 10 maj 2019. Ndërkohë plumbat e kallashnikovit që vinin nga një automjet tip “Range Rover” me ngjyrë jeshile, kanë plagosur në këmbë një punonjës të bashkisë Vlorë, të quajtur Dajko Canodemaj, i cili ndodhej rastësisht në vendin e ngjarjes. Hetimi shtatë mujor, i udhëhequr nga prokurori i Vlorës Alfred Saliu, çoi në zbulimin e emrave të personave të dyshuar si të implikuar në këtë ngjarje të rëndë kriminale.
Zbulimi i këtyre emrave tregon edhe një herë tjetër se atentati ndaj Hajrulla, është kryer si rezultat i larjeve të hesapeve mes grupeve rivale në Vlorë, luftë kjo që është ndezur prej disa vitesh dhe nuk dihet se ku do përfundojë. Mes katër personave të arrestuar me vendim të gjykatës së Vlorës është dhe Daut Elmazi 25-vjeç, që sipas burimeve të policisë dyshohet se është nipi i Armando Sulejmanit, ose siç njihet ndryshe në Vlorë me nofkën “Çipuri”. Ky i fundit në 17 shkurt 2019 i shpëtoi një atentati mafioz me 78 plumba kallashnikovi, ku vetë Çipuri mori dy plumba në këmbë ndërsa dy personat që e shoqëronin në makinë, Arjan Hasanaj dhe kunati i “Çipurit” Resti Rexho janë bërë shoshë, duke gjetur vdekjen e menjëhershme. Ngjarja ka ndodhur në orën 12:30, kur lagjia e “Ujit të Ftohtë” në Vlorë është përfshirë në “luftë”, pasi të shtëna të shumta armësh janë dëgjuar në rrugën “Dhimitër Konomi”, aty ku po udhëtonin me një mjet tip “Passat” tre personat Arjan Hasanaj, Resti Rexho dhe Armando Sulejmani. Pikërisht në këtë atentat “Çipuri” ka qëlluar plot 6 herë me një pistoletë prodhim amerikan me mulli të tipit “Magnum SW 357 SMITH WESON”. Për këtë armë, Armando Sulejmani është arrestuar dhe vijon të jetë ende në burg. Goditja frontale për të eliminuar “Çipurin”, ngriti dyshime të forta, se atentati ishte mirë organizuar nga anëtarët e grupit rival. Katër muaj nga ky atentat me 78 plumba, në kompleksin “Oslo” sulmohet me dy kallashnikovë për tu vrarë Inez Hajrulla. Autorët largohen përmes Vlorës, përballë bashkisë, dhe askush nuk i ndalon, megjithëse përplasen me një automjet të rastit.
Ka dyshime të forta se ky atentat është kryer në shenjë hakmarrje për sulmin me armë të datës 17 shkurt 2019, ku dy personat Arjan Hasanaj dhe Resti Rexho mbetën të vrarë ndërsa Armando Sulejmani i plagosur lehtë. Sipas burimeve të policisë, këto dyshime përforcohen akoma dhe më tepër, pasi gjatë hetimeve për sulmin me armë ndaj Hajrulla, ka dalë dhe emir i Daut Elmazit. Ky i fundit nuk është i panjohur për policinë e Vlorës pasi në muajin Maj 2016 në Vlorë i ka shpëtuar një atentati me armë. Dauti dyshohet se është lidhje miqësore e Armando Sulejmanit, ndërkohë që në vitin 2017 është dënuar nga Gjykata e Apelit Vlorë me 80 orë punë të detyruar nw komunitet, për akuzën e “Mbajtjes pa lejë të armëve të ftohta”. Së bashku me Daut Elmazin, pas kërkesës së prokurorit Saliu, gjykata e Vlorës ka miratuar dhe arrestimin e tre personave të tjerë si të përfshirë në atentatin ndaj Hajrulla, të cilët janë Albano Goxhaj 24 vjeç, banues në Fier, Ardjan Ahmeti 26 vjeç nga Tirana dhe Dejvison Serjani 28 vjeç, banues në Tiranë. Burime pranë policisë thanë për “Shqiptarja.com” se Dejvison Serjani, është menaxher i një klabi nate të njohur në Tiranë. Hetimet e kryera, kanë zbuluar se katër personat e arrestuar janë të përfshirë në atentatin me armë ndaj Inez Hajrulla. Identifikimi i tyre është kryer nëpërmjet pamjeve filmike të disa kamerave të sekuestruara në Vlorë, përgjimeve telefonike dhe analizave të qelizave telefonike. Pas sigurimit të disa provave prokuroria ka kërkuar arrestimin e katër personave.
Ja si ndodhi sulmi me armë ndaj Inez Hajrulla
Sipas prokurorisë së Vlorës Inez Hajrulla në datën 10 maj 2019 ka qenë nën shoqërinë e Ervis Matodashaj, në ambientet e lokalit “A&B Mazana” që ndodhet në kompleksin “Oslo” në Vlorë. Pikërisht në këtë vend disa persona që dyshohet të jenë katër të arrestuarit e mësipërm, kanë qëlluar me armë me qëllim për të vrarë Inez Hajrulla. Nga këqyrja e vendit të ngjarjes ka rezultuar se në sheshin ndërmjet lokalit “A&B Mazana” dhe restorant “Rajan” janë gjetur dy gëzhoja dhe një fishek i pa goditur. Si pasojë e këtyre të shtënave është plagosur rastësisht Dajko Canodemaj, i cili ka qenë duke pirë kafe tek bar “Aurora”.
Në ikje e sipër autorët e këtij krimi që ndodheshin brenda një automjeti tip “Land Rover” me ngjyrë jeshile dhe që në kokë mbanin maska, janë përplasur me dy automjete të rastit në afërsi të bashkisë Vlorë, dhe më pas kanë ikur në drejtim të fshatit Babicë. Policia u është vënë në ndjekje këtij automjeti dhe në afërsi të fshatrave Babicë e Vogël, dhe Çeprat, ky automjet është gjendur i djegur. Brenda në automjet ndodheshin dy automatikë të djegur plotësisht dhe një dorezë plastike e djegur pjesërisht. Për të zbardhur dinamikën e këtij krimi të rëndë policia dhe prokuroria e Vlorës kanë sekuestruar disa pamje filmike, nga të cilat evidentohet se mjeti “Land Rover”, afrohet dhe lëviz në shëtitoren e njohur “Lungomare” dhe në momentin që i afrohet lokalit “A&B Mazana”, ndalon dhe nga dera e pasme e mjetit zbret një person.
Pikërisht në këtë moment nga pamjet filmike duket që gjashtë persona që ishin ulur në tavolina ngrihen dhe ikin me vrap. Filmimet kanë nxjerrë Inez Hajrulla, i cili shfaqet në pamjet filmike duke qëlluar me armë në drejtim të mjetit “Land Rover”, ku më pas armën ia merr nga dora, Ervis Matodashaj, i cili ikën në drejtim nga ikën dhe automjeti i agresorëve dhe del nga rrezja e filmimit të kamerave. Pas vetëdorëzimit në polici, Ervis Matodashaj ka shpjeguar se armën e zjarrit të përdorur në këtë ngjarje nga Inez Hajrulla, e kishte hedhur në një territor në lagjen “Pavarësia”, armë kjo e cila më pas u gjet, e cila është një pistoletë prodhim Italian. Pas ekspertimit balistik të kësaj pistolete, rezultoi se kjo armë ishte pistoletë imituese. Pas këtij rezultati, Inez Hajrulla dhe shoku i tij Ervis Matodashaj janë liruar
Komente
Lajme të tjera
-
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59
-
I vodhën me dhunë portofolin 66-vjeçarit, arrestohen 2 të miturit në Vlorë
22 Dhjetor, 11:59 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Ekskluzive/ Neandertalët në Vlorë! Si u gjetën materialet e rëndësishme që ndryshojnë historinë për Shqipërinë
21 Dhjetor, 16:04
-
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
VIDEOLAJM/ Makina shpërthen në flakë në Vlorë, shtëllunga tymi mbulojnë zonën
21 Dhjetor, 10:37 -
Vlorë/ Atentati ndaj Kevin Hajrullës, po kalonte rastësisht, flet i plagosuri tjetër: U shtriva përtokë, mendova se ishin fishekzjarre
20 Dhjetor, 15:30
-
Mot me shi, ndalohet lundrimi i peshkarexhave në Vlorë! Vijon normalisht për tragetet
20 Dhjetor, 10:29 -
Vlora, vendi i parë Neandertalian në Shqipëri! Zbulohen pjesë veglash guri që datojnë mbi 40 mijë vjet më parë
20 Dhjetor, 08:05
o bestrove te qifsha ca te permban pragu i deres.u bere ti o fisqir te shash nje vlore te tere.yyyyy te qifsha robt moterqir
PërgjigjuPo cupa..gruaja...plaka.....motra me ke te qien o robqir BESTROVE apo i qi vete ti moterqir
PërgjigjuKombinim I bukur ini me coken nuk vrihen kollaj
PërgjigjuVlonjëtët njerëz efgjite të egër
PërgjigjuO po hë nxitoni pak se ska më vende në babicë do ju bjerri toka për në Risili tani, dhe ju si trima qe jeni dhe atije do vriteni kush te ketë lapidarin me te madh.. Nxitoni djema..
PërgjigjuCipuri do ormise dhe Cone intrigantin.Esht kapo di valona
PërgjigjuCipuri eshte immortale
PërgjigjuImortalen do e shikosh ti grup
Kujdes turistët në Vlorë!
PërgjigjuPo han koken Çamërit me njeri tjetrin! Kush do jet viktima e radhes! Coke qorri
PërgjigjuPo kur vete ne anen e gabuar e ha dhe koken çami .po çokja nuk esht çam
i dyshuar/ te dyshoj/ ti je dysh/ dyshanjak/ dyshaz/ perdyshuar/ mbidyshuar/ nendyshuar/...2shi nr prim..., sa kemi ec ne numrim...hyhy
Përgjigju