Lufta në Gaza/ Biden: Mbështetja e SHBA për Izraelin varet nga masat e reja për mbrojtjen e civilëve

Joe Biden dhe Benjamin Netanyahu 

Presidenti amerikan Joe Biden ka zhvilluar ditën e sotme një bisedë telefonike me kryeministrin izraelit Benjamin Netanyhau, në lidhje me zhvillimet e fundit në Gaza.

Mësohet se Biden i ka bërë të qartë Netanyahut se e ardhmja e mbështetjes amerikane për luftën në Gazë varet nga masat e reja që do të merren për mbrojtjen e civilëve dhe punonjëve humanitarë.

Dy zyrtarët zhvilluan një bisedë telefonike disa ditë pasi sulmet izralite vranë 7 punonjës humanitarë në Gazë duke shtuar një tjetër ndërlikim në marrëdhënien e tendosur mes tyre.

“Ai e bëri të qartë nevojën që Izraeli të njoftojë dhe të zbatojë masa të reja, konkrete, të veçanta dhe të qarta për të mbrojtur civilët dhe punonjësit e ndihmave”, tha Shtëpia e Bardhë në një deklaratë pas bisedës mes dy udhëheqësve.

“Ai e bëri të qartë se politika e SHBA-ve lidhur me Gazën do të përcaktohet nga vlerësimi ynë mbi veprimet e menjëhershme të Izraelit për marrjen e këtyre masave”.

Biden, po ashtu i kishte thënë kryeministrit izraelit se “një armëpushim i menjëhershëm është kyç” dhe i kishte bërë thirrje Izraelit të arrinte një marrëveshje “pa vonese”, sipas Shtëpisë së Bardhë.

Biseda mes tyre u zhvillua pasi organizata Ëorld Central Kitchen, e themeluar nga José Andrés për të dërguar ushqime në zonat e shkatërruara, bëri thirrje për një hetim të pavarur lidhur me sulmet izraelite që vranë 7 punonjësit humanitare, mes tyre edhe një qytetar amerikan.

Spitali Shaare Zedek në Jerusalem ka kryer sot një stërvitje në rast të dyndjes masive të të plagosurve.

Kështu raportuan mediat vendase, duke kujtuar gjendjen aktuale të tensionit të lartë në Izrael pas kërcënimeve të Iranit për hakmarrje për vrasjen e një komandanti të Gardës Revolucionare në Damask.

Ndërkohë komandanti i inteligjencës ushtarake izraelite, Aharon Haliva u shpreh se priten 'ditë komplekse'.