Lufta në Gaza/ Edhe tre ditë të tjera bisedime në Kairo, Biden përfaqësohet nga shefi i CIA-s

Takimi  ne pallatin e Kajros

New York Times raporton që negociatat në Kairo për lirimin e pengjeve janë shtyer edhe me tre ditë të tjera, sipas një burimi egjiptian. Sipas gazetës amerikane, bisedimet do të përfshijnë zyrtarë të niveleve më të ulëta, të cilët do të vijojnë të diskutojnë një plan të ri për një marrëveshje të mundshme për pengjet dhe armëpushimin.

Delegacioni i Izraelit, i udhëhequr nga drejtori i Mossad, David Barnea, mori të Martën aprovimin për t’u nisur për Kairo për të marrë pjesë në samitin që ka si qëllim të rivitalizojë negociatat mbi marrëveshjen e ngelur pezull. Bisedimet për palën amerikane po drejtohen nga shefi i CIA-s, William Burns, i caktuar nga presidenti Joe Biden.
Pjesëmarrës të tjerë janë edhe kryeministri i Katar-it (të cilit i janë ngarkuar për bisedime edhe kërkesat e Hamas-it) si dhe krerët e shërbimeve sekrete të Egjiptit dhe Izraelit.

Lajmi kryesor:

Lufta/ Izraeli njofton sulme masive ajrore në Liban! Zhduket udhëheqësi i Hamasit në Gazë, frikë për fatin e tij! Egjipti: Ndoshta është vrarë

S.G/Shqiptarja.com

TAG:
• Yahya Sinwar
• egjipt
• Liban
• Izrael
• lufta ne rripin e gazes