Izraeli ka kthyer trupat e 45 palestinezëve në Rripin e Gazës, duke e çuar numrin e përgjithshëm të trupave të dorëzuar sipas marrëveshjes së armëpushimit në 270, sipas Ministrisë së Shëndetësisë të enklavës së kontrolluar nga Hamasi.

Marrëveshja e ndërmjetësuar nga Presidenti i SHBA-së, Donald Trump, parashikon që Izraeli të kthejë 15 palestinezë për çdo izraelit të vdekur të kthyer nga Hamasi.

Autoritetet izraelite konfirmuan se eshtrat e dorëzuara dje nga lëvizja islamiste u përkasin tre pengjeve të kapura në sulmin e 7 tetorit 2023, Omar Neutra, Oz Daniel dhe Assasf Hamami.

Teksa sulmet vijojnë, ushtria izraelite pretendon se ka vrarë dy anëtarë të Hezbollahut në bastisje në Libanin jugor. Muhammad Ali Hadid, komandant i Forcës Radwan të Hezbollahut u vra në zonën Nabatieh, ndërsa një sulm i IDF në Ayta ash Shab eliminoi një tjetër terrorist të Hezbollahut.

Ndërkohë, kryeministri i Izraelit Benjamin Netanyahu, ka deklaruar se vendi i tij ka nevojë për një ushtri më të madhe.

‘Forca rezervë është një komponent themelor, një element kyç. Ne kemi nevojë për një ushtri të madhe, të fortë dhe gjithashtu inteligjente’, tha ai.

 

Rendit zhvillimet sipas orarit:
Ora 20:33
Media: Dy bastisje izraelite në qytetin e Gazës

1760549980_gaza.jpg

Izraeli kreu dy sulme ajrore në qytetin lindor të Gazës këtë mbrëmje, sipas një korrespondenti të agjencisë palestineze të lajmeve Wafa, pa specifikuar nëse ka pasur viktima.

Që nga mbrëmja e së dielës, agjencia deklaron se bombardimet ajrore dhe të artilerisë izraelite kanë vazhduar, veçanërisht në Khan Younis dhe Gaza City duke shkaktuar vdekje dhe plagosje të civilëve.

S.B/Shqiptarja.com

Ora 20:30
IDF: 2 terroristë të Hezbollahut janë vrarë në Libanin jugor

1760452469_gaza.jpeg

Ushtria izraelite pretendon se ka vrarë dy anëtarë të Hezbollahut në bastisje në Libanin jugor.

I pari, është Muhammad Ali Hadid, komandant i Forcës Radëan të Hezbollahut, i cili është vrarë në zonën Nabatieh. Ai ka udhëhequr sulme të shumta terroriste kundër Izraelit dhe kohët e fundit ka punuar për të rivendosur infrastrukturën terroriste të Hezbollahut, sipas IDF.

‘Për më tepër, një sulm i IDF në Ayta ash Shab eliminoi një tjetër terrorist të Hezbollahut i cili po përpiqej të mblidhte informacione mbi trupat izraelite", shton ushtria, duke theksuar se aktivitetet e terroristëve përbënin një shkelje të marrëveshjeve midis Izraelit dhe Libanit.

S.B/Shqiptarja.com