Presidenti kinez Xi Jinping i paraqiti një propozim me katër pika që synon promovimin e paqes dhe stabilitetit në Lindjen e Mesme Khaled bin Mohamed bin Zayed Al Nahyan, Princit të Kurorës së Abu Dhabit, gjatë një takimi në Pekin.

Propozimi përfshin respektimin e parimit të bashkëjetesës paqësore, respektimin e parimit të sovranitetit kombëtar, respektimin e parimit të sundimit ndërkombëtar të ligjit dhe respektimin e koordinimit midis zhvillimit dhe sigurisë.

Një anije naftëmbajtëse kineze "Rich Starry"  e cila u raportua se kaloi në Ngushticën e Hormuzit pas bllokadës detare amerikane që hyri në fuqi pasditen e djeshme është kthyer sërish mbrapsht. Zëvendëspresidenti JD Vance akuzon Iranin për terrorizëm ekonomik për shkak të bllokimit të Ngushticës së Hormuzit, duke shtuar se bllokada amerikane do sigurojë që asnjë anije iraniane të mos dalë.

Vance thotë se topi është në fushën e Iranit. SHBA-të i kanë kërkuar Iranit të pranojë për një periudhë 20-vjeçare pasurimin e uraniumit. Me herët Irani kushte pranuar që kjo të ndodhte vetëm për një periudhe 5 vjeçare.

Ndërkohë qeveria pakistaneze është ofruar të organizojë një raund të dytë negociatash midis Shteteve të Bashkuara dhe Iranit në Islamabad në ditët në vijim.

Sot në Uashington pritet të zhvillohen bisedime mes ambasadorëve libanezë dhe izraelitë, hera e parë në dekada që zyrtarët e dy vendeve që nuk kanë marrëdhënie diplomatike takohen për negociata të drejtpërdrejta.

Sekretari i Shtetit i SHBA-së Marco Rubio, pritet t'u bashkohet këtyre bisedimeve. Ato vijnë vetëm disa ditë pasi SHBA-të dhe Irani nuk arritën një marrëveshje për t'i dhënë fund luftës më të gjerë në Lindjen e Mesme.

Autoritetet libaneze duan së pari të ndërmjetësojnë një armëpushim në luftën e vazhdueshme të Izraelit me Hezbollahun. Megjithatë, Izraeli e ka përjashtuar këtë mundësi, duke këmbëngulur që grupi i mbështetur nga Irani duhet të çarmatoset. Dhe Hezbollahu ka hedhur poshtë bisedimet dhe ka thënë se nuk do t'i përmbahet asgjëje për të cilën është rënë dakord.

Luftimet e fundit midis Izraelit dhe Hezbollahut kanë qenë shkatërruese për Libanin. Më shumë se një milion njerëz janë zhvendosur dhe më shumë se 2,000 janë vrarë - përfshirë rreth 500 gra, fëmijë dhe punonjës mjekësorë.

Lajm në përditësim...

Rendit zhvillimet sipas orarit:
Ora 09:28
New York Times: Irani propozon pezullimin e aktivitetit bërthamor deri në pesë vjet, SHBA kërkon 20 vjet

Irani ka propozuar pezullimin e pasurimit të uraniumit për një periudhë deri në pesë vjet, një ofertë që është refuzuar nga Shtetet e Bashkuara të Amerikës, të cilat kërkojnë një afat shumë më të gjatë, deri në 20 vjet.

Lajmi është raportuar nga The New York Times, duke cituar zyrtarë të lartë nga të dyja vendet.

Sipas raportit, SHBA-të dhe Irani kanë shkëmbyer disa propozime gjatë bisedimeve të zhvilluara në Pakistan lidhur me pezullimin e aktivitetit bërthamor të Teheranit, por palët kanë mbetur ende larg arritjes së një marrëveshjeje përfundimtare.

Megjithatë, diskutimet tregojnë se ekziston ende një mundësi për progres diplomatik, me një raund të dytë të mundshëm bisedimesh ballë për ballë që mund të zhvillohet në të ardhmen e afërt.

Programi bërthamor i Iranit mbetet një nga çështjet më të ndjeshme në marrëdhëniet ndërkombëtare, ndërsa presidenti i SHBA-së, Donald Trump, ka theksuar sërish se Uashingtoni do të sigurohet që Irani të mos zhvillojë armë bërthamore.

Xh.K/Shqiptarja.com

Ora 08:42
Xi Jinping propozon një plan me 4 pika për paqe në Lindjen e Mesme

Foto:Xi Jinping

Presidenti kinez Xi Jinping i paraqiti një propozim me katër pika që synon promovimin e paqes dhe stabilitetit në Lindjen e Mesme Khaled bin Mohamed bin Zayed Al Nahyan, Princit të Kurorës së Abu Dhabit gjatë një takimi në Pekin.

Propozimi përfshin respektimin e parimit të bashkëjetesës paqësore, respektimin e parimit të sovranitetit kombëtar, respektimin e parimit të sundimit ndërkombëtar të ligjit dhe respektimin e koordinimit midis zhvillimit dhe sigurisë.

Xh.K/Shqiptarja.com

Ora 08:03
Vance: Irani po ushtron terrorizëm ekonomik kundër të gjithë botës

1775970951_jdvance.jpg

Foto: JD Vance

Zëvendëspresidenti i SHBA-së JD Vance akuzon Iranin për terrorizëm ekonomik për shkak të bllokimit të Ngushticës së Hormuzit, duke shtuar se bllokada amerikane do sigurojë që asnjë anije iraniane të mos dalë.

"E vetmja gjë që iranianët arritën të bënin - ata sigurisht që nuk na mposhtën ushtarakisht dhe forcat e tyre të armatosura u shkatërruan - ishte të dështonin të mbizotëronin në aspektin e armëve ushtarake. Ajo që bënë, në vend të kësaj, ishte të kryenin këtë akt terrorizmi ekonomik kundër të gjithë botës", tha Vance gjatë një interviste.

Zëvendëspresidenti pranoi se çmimet e energjisë, "të dhimbshme" në kontekstin e luftës në Iran, nuk do të zgjasin përgjithmonë.

"Ne e dimë që populli amerikan po vuan; kjo është arsyeja pse po negociojmë kaq shumë për të ulur çmimet. Ne do të vazhdojmë të punojmë drejt këtij qëllimi", shtoi ai.

Xh.K/Shqiptarja.com

Ora 07:53
Trump: Mund të ndalemi në Kubë sapo të mbyllim konfliktin në Iran

1775800158_donaldtrump.jpg

Foto: Donald Trump

Presidenti i SHBA-së, Donald Trump, ka deklaruar se Uashingtoni mund të "kalojë nëpër Kubë" sapo të mbarojë konflikti me Iranin, pa sqaruar nëse kjo ishte një referencë për veprime ushtarake kundër ishullit.

Duke folur për shtypin, Trump e quajti Kubën një vend "në telashe", duke kritikuar sundimin e gjatë nën Fidel Castron dhe duke pretenduar se kubano-amerikanët janë "trajtuar shumë keq".

Presidenti kubanez Miguel Díaz-Canel u përgjigj duke paralajmëruar kundër çdo përballjeje të drejtpërdrejtë, duke deklaruar se nuk do të kishte "asnjë justifikim" për një sulm të SHBA-së dhe se vendi është gati të mbrohet.

Xh.K/Shqiptarja.com