POP 5

Lajmet më të lexuara të 5 minutave të fundit

Politikë

‘Lufta’ në Kuvend! Berisha-Meta ‘spektatorë’, akuza policisë! Ish-kryeministri: Veprime tipike diktature, akte puçiste! Kreu i PL: Spiropali e ministri i Brendshëm shpërdoruan detyrën

Dy kryetarët e opozitës Sali Berisha e Ilir Meta e ndoqën në distancë aksionin e deputetëve të tyre në parlament një ditë më parë, por qëndrimin për përplasjen e tyre me gardën e më pas me policinë i patën të njëjta.

‘Lufta’ në Kuvend! Berisha-Meta ‘spektatorë’, akuza policisë! Ish-kryeministri: Veprime tipike diktature, akte puçiste! Kreu i PL: Spiropali e ministri i Brendshëm shpërdoruan detyrën

Ilir Meta dhe Sali Berisha

Dy kryetarët e opozitës Sali Berisha e Ilir Meta e ndoqën në distancë aksionin e deputetëve të tyre në parlament një ditë më parë, por qëndrimin për përplasjen e tyre me gardën e më pas me policinë i patën të njëjta.

Sali Berisha akuzoi se vendi është kthyer në diktaturë, ndërsa Meta e quajti akt që tregon inkriminim e policisë. 

“Veprimet e djeshme janë tipike të një diktaturë. Spirogjoka urdhëronte gardistë pa ligj që të nxirrnin me forcë deputeten e PD. Pse? Sepse hodhe helme toksike, thoshte Spirogjoka, në një kohë kur ato ishin substanca parfumike. Sjellja jashtë, thirrja nga deshendenti i kryexhelatit të gjithë kohërave, Enver Hoxha, bastardi Ervin Hoxha, që filloi ta bënte Hoxhaj njëherë, edhe ai është me dy-tre mbiemra, por ato do të vijnë më vonë... Pra, fut RENEA-an, në të cilën dihet që ka kriminelë, trafikantë dhe një prej tyre ishte ai i tregoi revolen deputetit të PD ato ishin akte puçiste. Nuk mund të fusësh në territorin e parlamentit, pa vendim të parlamentit, forca të tjera përveç gardës së republikës. Duhet të shpallësh gjendje të jashtëzakonshme që të angazhosh forca të tjera në parlament”, tha ai.

Kreu i PD Ilir Meta hodhi akuza se kryeparlamentarja Elisa Spiropali dhe ministri i Brendshëm Ervin Hoxha shpërdoruan detyrën.

"Kërcënimi me armë zjarri, kanosja me jetë dhe dhuna brenda ambienteve të Kuvendit dje, ndaj deputetëve të opozitës nga NarkoPolicia dhe NarkoGarda e Edi Ramës është një akt shumë i rëndë kriminal dhe antiligjor, që provon para të gjithë shqiptarëve jo vetëm inkriminimin e këtyre strukturave, por edhe rënien totale dhe banale të shtetit ligjor. Demokracia, pluralizmi politik dhe shteti ligjor mbizotërojnë mbi disiplinën parlamentare ndaj Kryetarja e Kuvendit, dhe ministri i Brendshëm,  dje botërisht kanë konsumuar veprën penale të shpërdorimit të detyrës në bashkëpunim, duke urdhëruar Policinë  të futet brenda perimetrit të Kuvendit dhe të konsumojë ato akte kriminale dhe skandaloze  që i pamë të gjithë. Përballë kësaj junte që i drejton armën deputetëve të opozitës në Kuvend, e cila përndjek dhe burgos politikisht Opozitën, e vetmja alternativë mbetet përballja dhëmb për dhëmb deri në përmbysje të këtij Regjimi!", tha ai. 

Këto reagime vijnë pas kaosit në senacën e djeshme në Kuvend, (17 tetor) ku deputetet e PD u përplasën me efektivët e policisë, ndërsa Partia Demokratike pretendoi se një efektiv i FNSH u nxori armën dy deputetëve të PD, Bledion Nallbati dhe Luan Baçit, gjatë përplasjes në oborrin e Kuvendit. Gjithçka nisi pasi deputetët e përjashtuar nuk u lejuan të futen në sallën e Kuvendit. 

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29