Lufta në Rripin e Gazës/ Po prisnin të merrnin ndihma ushqimore, 104 palestinezë vriten nga sulmet izraelite! 760 të plagosur! SHBA: Po hetojmë ngjarjen, Izraeli të japë shpjegime

Ushtria izraelite ka pranuar autorësinë e sulmit të rëndë të kryer ditën e sotme në Gaza, mbi një turme palestinezësh që po merrnin ushqime dhe ndihma të ndryshme.

Sipas Ministrisë palestineze të Shëndetësisë, sulmi ka shkaktuar vdekjen e 104 personave, por ende nuk është e mundur të kemi një numër përfundimtar.

Të vdekurit dhe të plagosurit u dërguan në spitalin Al-Shifa.

Izraeli publikoi momentin e sulmit të filmuar nga dronët e ushtrisë duke thënë se një luftë shpërtheu rreth kamionëve në të cilët palestinezët plaçkitën furnizimet.

"Gjatë incidentit, dhjetëra Gazanë u plagosën në përplasje. Ne qëlluam",-thuhet në deklaratë.

Shtetet e Bashkuara kanë kërkuar përgjigjie nga Izraeli për masakrën e ndodhur ditën e sotme në Gaza ku 104 persona që po prisnin ndihmat humanitare u vranë nga bombardimet e dronëve ndërsa mbi 700 të tjerë u plagosën.

Zëdhënësi i Departamentit të Shtetit, Mattheu Miller, në një deklaratë për shtyp tha se SHBA-të po marrin informacione dhe po monitorojnë veprimet e Izraelit në ngjarjen e sotme.

Nga ana tjetër, ushtria izraelite ka mohuar të ketë hapur zjarr ndaj turmave të njerëzve në Rripin e Gazës të cilët po prisnin ndihmat humanitare.

Flamuri i Jordanisë

Jordania ka dënuar sulmin e Izraelit ndaj njerëzve që ishin në radhë për ndihmë në Gaza, i cili la të paktën 104 të vdekur dhe 760 të plagosur mëngjesin e sotëm. 

“Ne dënojmë sulmin brutal nga forcat pushtuese izraelite ndaj grupit të palestinezëve që presin të marrin ndihmë në rrethrrotullimin Nabulsi pranë rrugës Al-Rashid në Gaza”,- tha Ministria e Jashtme jordaneze në një deklaratë.