Ndërsa mijëra civilë në veri të Sirisë po përpiqen të shpëtojnë nga konflikti, marrëveshja për armëpushim 5 ditorë është tendosur nga episode sporadike. Ka raportime për sulme ajrore dhe se artilerie turke ka vazhduar të godasë pozicionet e luftëtarëve kurdë, vendbanime civile dhe spitale.
Flitet se shumë prej të plagosurve kanë në trup shenja të përdorimit të mundshëm të fosforit të bardhë nga ushtria turke. Ekspertët kimikë të OKB tashmë ndodhen në terren për të grumbulluar informacion dhe hetuar për këtë çështje.
Forcat Kurdo-Siriane gjithashtu pretendojnë se kanë rrëzuar një helikopter turk midis Raqqa dhe kufirit me Turqinë. Duke folur në Stamboll, Presidenti Erdogan kërcënoi se do të rifillojë ofensivën para afatit 5 ditorë, nëse kurdët e Njësive të Mbrojtjes Popullore, nuk do të braktisin zonën e sigurisë prej 30 kilometrash nga kufiri i Turqisë Koalicioni kurdo-sirian e ka pranuar marrëveshjen e propozuar nga amerikanët dhe dakorduar nga turqit, por ende nuk ka hequr infrastrukturën ushtarake.
Larg garantimit të një zgjidhjeje politike për konfliktin, marrëveshja midis Trump dhe Erdogan, për shumë analsitë ushtarak është një ndihmë për projektet gjeopolitikë të Ankarasë, e cila synon të vendoset në veri të Sirisë duke shuar aspiratat për rilindjen e Kurdistanit.
Mes kaosit të Sirisë veriore, ka raportime në rritje se fosfori i bardhë mund të jetë përdorur nga forcat turke në ofensivën e tyre kundër kurdëve. Kimikati mund të hidhet me aeroplan ose përmes artilerisë dhe reagon me lagështinë e trupit duke shkaktuar lëndime aq të tmerrshme sa ndalohet përdorimi i tij në zonat e banuara, sipas konventës së Gjenevës për Armët Kimike.
Plagët e 5 vjeçarit Jumma Al Zamo, të dyshuara se janë shkaktuar nga armët kimike, me përnërje ndoshta të fosforit të bardhë, akuzojnë ‘strategët e luftës’.
Në korridoret e spitalit të Al-Hasakah ndodhet një poster në të cilin shkruhet, 'Gjëja më e bukur në botë është buzëqeshja e një fëmije'.
Në një dhomë aty pranë shtrihet pesë vjeçari Jumma Al Zamo. Ajo mund të buzëqesh përsëri, nëse do të mbetet gjallë.
Fytyra e tij është e zbehtë dhe trupi i mbështjellë me fashë të bardhë
Po çfarë ka ndodhur me të?
Babai i tij, një fermer i thjeshtë, nuk është i sigurt.
"Turqit po bombardonin rreth e rrotull nesh në atë kohë," thotë ai. 'Papritmas pashë djalin tim që ishte në ‘veshur’ me zjarr'.
Mjekët që kurojnë djalin e vogël thonë se ai u soll në vrima në trup dhe djegie. Sistemi i tij nervor është prekur gjithashtu. ‘Ne besojmë se këto simptoma janë shkaktuar nga një armë e veçantë që nuk kemi parë më parë, ndoshta fosfori’.
Presidenti amerikan Donald Trump tha se kurdët duan 'zgjidhje përfundimtare' në Siri dhe duke iu referuar marrëveshjes së armëpushimit të ndërmjetësuar nga Zëvendës Presidenti Mike Pence, tha se “quajeni çfarë të doni”.
'Ne po bëjmë shumë, shumë mirë me Turqinë. Ka një armëpushim, ose pauzë, ose çfarëdo që dëshironi ta quani atë, 'u tha ai gazetarëve në Shtëpinë e Bardhë.
Trump përdori fjalët 'zgjidhje përfundimtare' për një konflikt ku turqit po akuzohen për spastrim etnik kundër kurdëve, një grup i madh, kryesisht mysliman që jeton në rajon.
Ai gjithashtu pohoi se kurdët ishin të kënaqur me marrëveshjen, për të cilën ata ende nuk janë pajtuar zyrtarisht dhe nuk kanë luajtur asnjë rol në negociata.
'Ndonjëherë duhet të kalojmë disa dhimbje para se të marrim një zgjidhje të mirë. Por kurdët janë shumë të lumtur për këtë. Edhe Presidenti Ergodan në Turqi është i kënaqur me të,'-pohoi Trump.
Presidenti gjithashtu duke u mburur tha se "procesi i madh" po bëhet realitet pas paralajmërimit që ai i bëri presidentit turk.
Lajme të tjera
-
Turqi/ Shpërthim në një fabrikë municionesh në provincën Balikesir, raportohet për 12 të vdekur dhe 3 të plagosur (VIDEO)
24 Dhjetor, 07:59 -
Ministri i jashtëm turk takon kreun e HTS-së në Damask
22 Dhjetor, 16:23 -
Turqi, helikopteri ambulancë përplaset me godinën e spitalit, 4 të vdekur (VIDEO)
22 Dhjetor, 10:30 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
Përpjekjet e Turqisë për të fituar një rol më të madh ndërmjetës më 2025
18 Dhjetor, 19:43 -
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Protagonist si zëvendësues, Muçi nuk shmang dot disfatën e Besiktas! E mund Demirspori i Kurtulan (VIDEO)
17 Dhjetor, 11:56 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Ministri i Mbrojtjes Nikos Dendias: Turqia po zgjeron pretendimet ndaj Greqisë
14 Dhjetor, 20:14 -
VIDEO/ Taulant Seferi shënon në Turqi, fiton duelin me Rey Manaj! Gol edhe Odise Roshi
14 Dhjetor, 19:21 -
Siri/ Rënia e Bashar al-Assad, Turqia rihap ambasadën në Damask pas 12 vjetësh
14 Dhjetor, 18:59 -
Kush janë luftëtarët nga Ballkani Perëndimor në Siri?
13 Dhjetor, 08:19
