Presidenti i Shteteve të Bashkuara të Amerikës Joe Biden, në një tubim elektoral në Raleigh të Karolinës së Veriut, e cilësoi presidenti rus Vladimir Putin si kasap.
“Nëse do të rrisnim taksat për miliarderët, mund të bënim shumë gjëra, duke përfshirë përfundimisht sigurimin që të kujdesemi për Ukrainën që po sulmohet nga ai kasapi Putin”.- tha Biden.
Shtetet e Bashkuara janë të gatshme të përmbushin detyrimet e tyre për të mbrojtur vendet e NATO-s, përfshirë ato që lidhen me sulmet me raketa ruse që mund të kërcënojnë Poloninë, ka thënë Pentagoni.
"Unë mund t'ju them atë që kjo administratë ka thënë herë pas here: Ne do të mbrojmë çdo pëllëmbë të NATO-s. Nëse një aleat i NATO-s do të sulmohej, ne sigurisht nuk do të dëshironim që kjo të ndodhte, por ne do të mbrojmë çdo pëllëmbë të NATO-s. ", tha dje zëvendës zëdhënësja e Pentagonit, Sabrina Singh, duke komentuar pretendimet e Polonisë për mundësinë e rrëzimit të raketave që synojnë territorin e Aleancës.
“Prioriteti ynë tani është të sigurojmë që Ukraina të ketë atë që i nevojitet në fushën e betejës”, shtoi zëdhënësja.
Ndërkohë zëvendësministri i Jashtëm polak Andrzej Szejna tha të martën se NATO po konsideron të rrëzojë raketat ruse që i afrohen shumë kufijve të aleancës Atlantike, dy ditë pasi Polonia raportoi një shkelje të hapësirës ajrore të saj nga një raketë lundrimi ruse për 39 sekonda. Lajmi është bërë i ditur nga agjencia e lajmeve France Presse.
‘SHBA nuk do të dërgojë trupa në Ukrainë’, këtë e përsëriti ditën e sotme, zëdhënësi i DASH, Matthew MIller.
Zyrtari i Departamentit Amerikan të Shtetit u pyet nga gazetarët lidhur me hipotezën e ngritur nga presidenti francez Emmanuel Macron për dërgimin e trupave të NATO-s në Ukrainë për të luftuar ndaj Rusisë.
Tensionet janë në rritje, teksa Rusia ka akuzuar për sulmin terrorist në Moskë edhe përfshirjen e SHBA-së së bashku me Britaninë e Madhe.
Sipas të dhënave të fundit, numri i viktimave nga sulmi terrorist në Moskë, ka shkuar në 140.
Agjencia Ria Novosti raporton se 84 prej tyre janë identifikuar, ndërsa mbeten ende 56 trupa të vdekur për t’i identifikuar. Mes viktimave janë 5 të mitur të moshës 9 deri në 16 vjeç.
Komiteti Hetues ka marrë gjithsej 143 ankesa nga familjet e të dyshuarve të vrarë. Për këtë arsye ende nuk dihet asgjë për 3 persona, madje as nëse ishin me të vërtetë në sallën e koncerteve.
Kreu i shërbimit të brendshëm të inteligjencës ruse Alexander Bortnikov ka akuzuar Ukrainën për trajnimin e militantëve islamikë në Lindjen e Mesme. Sipas Bortnikov, kjo dëshmohet nga numri i madh i të huajve që luftojnë me forcat e Kievit.
“Ata janë nacionalistë, mercenarë, islamikë që vendi i sjell për të luftuar kundër Rusisë”, shtoi ai, pa iu referuar drejtpërdrejt 4 të arrestuarve për sulmin në Moskë, por nënvizoi se përfaqësuesit ukrainas vizituan bazat terroriste në Lindjen e Mesme.
Ndërkohë parlamenti rus ka bërë thirrje për një hetim mbi financimin, organizimin dhe kryerjen e akteve terroriste në Rusi nga Shtetet e Bashkuara dhe vendet e tjera perëndimore.
Sipas mediave ndërkombëtare, numri i të vdekurve nga sulmi i Moskës është rritur në 140, pas vdekjes në spital të një prej tre të plagosurve rëndë. Ndërkaq, ende janë 360 të plagosur mes të cilëve edhe shumë fëmijë.
Pas akuzave se Shtetet e Bashkuara kanë bashkëpunuar me Ukrainën për sulmin e Moskës, Uashingtoni thotë se është i gatshëm të mbrojë vendet e NATO-s.
“Nëse një aleat do të sulmohej, ne sigurisht nuk do të dëshironim që kjo të ndodhte, por ne do të mbrojmë çdo pëllëmbë të NATO-s", tha një zyrtare e Pentagonit. Ndërkohë, NATO po e konsideron edhe rrëzimin e raketave ruse nëse ato i afrohen kufirit.
Kreu i inteligjencës ukrainase, ka bërë me dije se ka nisur një fushatë të gjerë për eliminimin e qytetarëve ukrainas që bashkëpunojnë me Rusinë.
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
