India tha se "dënoi pa mëdyshje" vrasjet në Bucha dhe mbështeti thirrjen për një hetim të pavarur mbi "raportet thellësisht shqetësuese", shkruan BBC.

Imazhet e varreve masive dhe trupave të civilëve të ekzekutuar me sa duket në vende publike janë më tronditëset që dalin nga Ukraina.

Dënimi nga India në mbledhjen e Këshillit të Sigurimit të OKB-së të martën është deklarata më e fortë e vendit për Ukrainën dhe Rusinë që nga fillimi i luftës.

India deri më tani ka abstenuar nga votimi për rezolutat në Këshillin e Sigurimit të OKB-së, Asamblenë e Përgjithshme të OKB-së dhe në Këshillin e OKB-së për të Drejtat e Njeriut që dënojnë veprimet ruse.

Vendi ka një histori të gjatë të ndjekjes së një strategjie të paangazhuar në politikën ndërkombëtare. Por akti i saj balancues diplomatik është nën presionin e vendeve perëndimore për të ndihmuar në frenimin e Rusisë.

India, e cila varet nga Rusia për importet e naftës, u kritikua nga SHBA dhe Australia javën e kaluar për shqyrtimin e një propozimi rus që minon sanksionet perëndimore.


Lajmi kryesor:

Lufta/ Kievi: 400 të zhdukur në Hostomel! Putin: Ukrainasit na provokuan në Bucha, s’kemi qëlluar civilë! Pentagoni: Rusët janë tërhequr nga Kievi dhe Kharkivi, trupat zhvendosen në lindje