Lufta në Ukrainë/ Erdogan do takohet me Putin për marrëveshjen e transportit të grurit! Presidenti rus: Sanksionet po pengojnë zhvillimin teknologjik

Presidenti ukrainas, Volodymyr Zelensky, ka emëruar Vasyl Maliuk si kreun e përkohshëm të shërbimeve sekrete (Sbu). Ai ka pezulluar papritmas Ivan Bakanov, mikun e tij të fëmijërisë me akuzën për tradhti. 

Presidenti turk Erdogan do të fluturojë sot për në kryeqytetin iranian Teheran pasi nesër do të takojë homologun iranian Ebrahim Raisi dhe presidentin rus Vladimir Putin. Në fokus të bisedës të tyre nuk do të jetë fundi i luftës në Ukrainë por plani për korridorin e grurit për të vijuar eksportin.

Presidenti Volodymyr Zelenskyy, në komunikimin e tij të përnatshëm ka dhënë edhe arsyet e shkarkimit të shefit të Shërbimit të Sigurisë Ivan Bakanov dhe prokuroren e Përgjithshme Iryna Venediktova, funksionet e së cilës i janë besuar zëvendësprokurorit të deritanishëm, Gjenerali Oleksiy Symonenko.

‘Janë mbledhur prova të mjaftueshme për të njoftuar këtë person për tradhti të dyshuar. Të gjitha veprimet e tij kriminale janë të dokumentuara. Gjithçka që ai ka bërë në muajt e fundit edhe më parë do të marrë një vlerësim adekuat ligjor. Presidenti shtoi se "të gjithë ata që së bashku me të ishin pjesë e një grupi kriminal që punonte në interes të Federatës Ruse gjithashtu do të mbajnë përgjegjësi". Referenca është për kalimin e informacionit sekret armikut dhe për forma të tjera bashkëpunimi me shërbimet speciale ruse.

“Vendimet e personelit janë marrë përballë krerëve rajonalë të sektorit të sigurisë Kherson, Kharkiv. Ne jemi marrë edhe me udhëheqjen lokale të pushtetit ekzekutiv”, tha Zelensky, duke parashikuar se do të vlerësohen veprimet specifike dhe mosveprimi i mundshëm i secilit zyrtar në fushën e sigurisë dhe zbatimit të ligjit. Në video, presidenti ukrainas raporton se deri më sot janë nisur 651 procedime penale për tradhti dhe bashkëpunim ... “Në veçanti, mbi 60 punonjës të prokurorisë dhe të shërbimit ukrainas të sigurisë", specifikoi Zelensky, “kanë mbetur në territorin e pushtuar dhe po punojnë kundër shtetit tonë ”.

Ministri i Jashtëm rus Serghei Lavrov e quajti statusin e kandidatit në BE për Ukrainën një "lëvizje gjeopolitike kundër Rusisë". Mbajtësi i diplomacisë së Moskës shtoi se "forcat e armatosura ruse dhe Republika Popullore e vetëshpallur e Donetskut (DPR) po ia dalin mbanë në detyrat e tyre në operacionin ushtarak special, duke u përpjekur të ndalojnë gjenocidin e rusëve dhe duke eliminuar kërcënimet e drejtpërdrejta për sigurinë tonë”. Sipas Lavrov, Kievi "po humbet në fushën e betejës" dhe "së bashku me mbrojtësit e tij perëndimorë po demonizon Rusinë".