Rusia dhe Ukraina kanë shkëmbyer së fundmi 206 robër lufte, përfshirë ushtarë rusë të kapur nga ushtria ukrainase gjatë bastisjes kufitare në rajonin e Kurskut.
Ministria ruse e Mbrojtjes tha në një deklaratë se secila palë ka shkëmbyer 103 ushtarë me ndërmjetësimin e Emirateve të Bashkuara Arabe. Kujtojmë se më 13 shtator presidenti Volodymyr Zelensky njoftoi se 49 ukrainas të zënë rob nga Rusia, u kthyen në vendin e tyre. Sekretari i Përgjithshëm i NATO-s, Jens Stoltenberg, gjatë një interviste tha se aleanca mund të kishte bërë më shumë për të shmangur luftën në Ukrainë.
Pas paralajmërimit të presidentit Vladimir Putin ndaj Perëndimit, se do të përballej me luftë nëse lejojnë Ukrainën të përdorë raketa me rreze të gjatë veprimi, duket se NATO po tërhiqet.
Kryeministri Kier Starmer udhëtoi drejt SHBA-ve, ku u takua me presidentin Joe Biden. Pas takimit, dy liderët theksuan mbështetjen për Ukrainën, por nuk njoftuan një vendim mbi kërkesën e Kievit për të autorizuar përdorimin e raketave me rreze të gjatë veprimi, në territorin rus.
Nënkryetari i Këshillit të Sigurimit të Rusisë, Dmitry Medvedev, vazhdoi paralajmërimet e Putin duke thënë se Rusia nuk dëshiron luftë bërthamore, por durimi ka kufi.
Më tej, Medvedev shtoi se Kremlini mund ta shkatërrojë Kievin edhe me armë jo-bërthamore, në përgjigje të përdorimit të raketave perëndimore me rreze të gjatë veprimi nga ana e Ukrainës.
Ndërkohë, Kievi thotë se inkursioni po vazhdon me sukses, duke depërtuar disa kilometra thellë në territorin rus. Gjithashtu, Ukraina lajmëron se Rusia ka humbur mbi 630 mijë ushtarë që kur nisi pushtimin. më 24 shkurt 2022.
Foto: Volodymyr Zelensky
"Këtë natë, armiku lëshoi më shumë se 70 dronë kamikaze Shahed në të gjithë Ukrainën dhe falë forcave tona të mbrojtjes, shumica e tyre u rrëzuan", shkroi presidenti ukrainas, Volodymyr Zelensky në Telegram.
Më tej ai thekson se vendi i tij duhet të forcojë mbrojtjen ajrore.
"Ne kemi nevojë për më shumë mundësi për të forcuar mbrojtjen ajrore, kundërajrore dhe mbrojtjen me rreze të gjatë për të vazhduar të mbrojmë jetën dhe njerëzit tanë.
Ne po punojmë për këtë me të gjithë partnerët tanë," shtoi udhëheqësi ukrainas.
Zelensky falënderoi gjithashtu "grupet e zjarrfikësve dhe forcat e mbrojtjes ajrore, të cilat në rajonet e Kievit, Cherkasy, Zhytomyr, Vinnytsia, Odessa, Sumy, Dnipropetrovsk, Poltava, Kherson, Kharkiv dhe Donetsk u kujdesën për popullin ukrainas gjatë gjithë natës".
Foto: Joe Biden dhe Keir Starmer
Presidenti i SHBA Joe Biden dhe kryeministri britanik Keir Starmer riafirmuan mbështetjen e tyre për Ukrainën, por nuk njoftuan një vendim mbi kërkesën e Kievit për të autorizuar përdorimin e raketave me rreze të gjatë veprimi në territorin rus.
Pritshmëritë ishin të mëdha për takimin mes dy liderëve, por në fund nuk solli lajmin që Kievi kishte shpresuar.
Pas takimit Starmer tha për gazetarët se diskutimet do të vazhdojnë me një "grup më të gjerë njerëzish" gjatë javës së takimeve të Asamblesë së Përgjithshme të OKB-së në Nju Jork më vonë në këtë muaj.
"Ky takim nuk shërbeu për të marrë një vendim konkret," tha Starmer, i cili mbrojti të drejtën e Ukrainës për t'u mbrojtur dhe duke theksuar më tej se NATO do të vazhdojë ta mbështesë atë.
Lajme të tjera
-
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33
