Bota

Lufta në Ukrainë/ Putin: Trump është një politikan i zgjuar! Biden krijon probleme

Redaksia 28 Nëntor, 18:17 | Përditesimi: 28 Nëntor, 18:18

Vladimir Putin

Presidenti rus Vladimir Putin vlerësoi presidentin e sapozgjedhur të SHBA-së, Donald Trump, si një politikan "me përvojë dhe inteligjent" dhe shtoi se administrata e presidentit në detyrë, Joe Biden "po përpiqet të krijojë probleme për Trump".

Gjatë fjalës së tij në margjinat të Këshillit të Sigurisë Kolektive (CSTO) në Astana, Kazakistan, lideri rus përsëriti pikëpamjen e tij se Perëndimi është i përfshirë drejtpërdrejt në konfliktin në Ukrainë.

LEXO EDHE:
A do të dërgojë NATO ushtarë në Ukrainë? Mark Rutte: Do të sigurohemi që ukrainasit ta vazhdojnë këtë luftë

“Në fillim të nëntorit, zyrtarët e vendeve perëndimore njoftuan se u kishin dhënë leje forcave të armatosura të Ukrainës për të goditur territorin e Rusisë me armë me precizion të lartë të prodhimit perëndimor Përdorimi i këtyre armëve pa pjesëmarrjen e drejtpërdrejtë të personelit dhe specialistëve ushtarakë të vendeve të NATO-s në fjalë është thjesht i pamundur”,- tha Putin.

Që nga përdorimi i raketave me rreze të gjatë të Perëndimit, nga Kievi, Moska ka shtuar dhe rënduar sulmet mbi territorin ukrainas. Kremlini është zotuar për përgjigje reciproke ushtarake ndaj Ukrainës sa herë kjo e fundit do të përdorë municione nga Perëndimi.

Edhe nga Kazakistani, presindeti Putin tha se nëse Ukraina zgjeron arsenalin e saj dhe "bëhet një fuqi bërthamore, Rusia do të përgjigjet me çdo mjet të mundshëm të shkatërrimit".

Lajmi kryesor: