Lufta në Ukrainë, raketat bien në burgun Olenivka, 53 të vdekur, Moska dhe Kievi akuzojnë njëra-tjetrën! OKB: Gati për të nisur hetimet

Një numër i madh delfinësh në Detin e Zi kanë ngordhur për shkak të luftës në Ukrainë, një pjesë e tyre dalin në bregdet dhe një pjesë tjetër përfundojnë në fund të detit, për ketë shkak mendohet se numri i delfinëve të ngordhur mund të jetë më tepër se 5 mijë.

“Të paktën 5 mijë delfinë” kanë ngordhur në Detin e Zi që nga fillimi i luftës në Ukrainë”, sipas deklaratës së Ivan Rusev, doktorit të shkencave biologjike në parkun i shkencave biologjike në parkun natyror kombëtar "Tuzlivski Lymani" në rajonin e Odesës. 

Ushtari rus i akuzuar për tredhjen e një ushtari ukrainas, i cili ishte i burgosur është arritur të identifikohet. Besohet se ai është një 39-vjeçar, pjesë e grupit të armatosur pro-Vladimir Putin Luhansk, Bryanka-SSSR, një njësi me një reputacion famëkeq e njohur për dhunën dhe brutalitetin.
Ai akuzohet për tredhjen e një të burgosuri lufte ukrainas, një nga krimet më të tmerrshme të luftës. Burimet ukrainase duke përfshirë "Mirotvorets" pretendojnë se kastruesi është nga Kalmykia, një rajon rus në Detin Kaspik dhe mendohet se ai ka punuar si riparues në kryeqytetin rajonal Elista dhe ka precedentë penalë në Rusi.

Deputetja ukrainase Inna Sovsun, e cila postoi pamjet e rënda, tha se ky krim i rënë i luftës duhet ndëshkuar patjetër.

“Rusia duhet të paguajë për të,” tha ajo.

“Na jepni armët që na duhen për të ndalur njëherë e mirë këtë makth. Bota nuk mund të pretendojë se kjo nuk po ndodh”, shtoi deputetja.

Ushtari rus 'kasap' u bë i njohur në një raportim të mediave ruse që tregonte forcat e Luhanskut dhe luftëtarët e liderit çeçen Ramzan Kadyrov kishin marrë kontrollin e fabrikës Azot në Severodonetsk. Pamjet tregojnë një grup burrash të veshur me kamuflazh rus duke keqtrajtuaj një ushtar ukrainas, të cilin më pas e tredhin, më pas, ekspertët më pas në internet zbuluan shpejt identitetin e tij nga shikimi i videos me pamjet e tmerrshme. 

Pamjet tmerruese në fjalë, të cilat “Daily Mail” nuk i ka bërë publike, tregojnë një grup burrash të veshur me kamuflazh rus duke fiksuar një ushtar me rroba të lodhura ukrainase dhe duke përdorur një thikë prerëse kuti për të hequr organet e tij gjenitale dhe më pas i mbajnë ato pranë kamerës. 

Video të tjera treguan trupat ruse që talleshin me të dhe dukej se i bënin një telefonatë gruas së tij. Mbrëmë vonë, u shfaq një video që tregon se ushtarin qëllohej në kokë para se trupi i tij të tërhiqej zvarrë nëpër rrugë me litar.  Është e paqartë saktësisht se kur dhe ku janë realizuar pamjet, por autorët janë parë në raportin e medias shtetërore në qershor. 

Akti i neveritshëm, i cili u shpërnda në mediat sociale ruse, u konfirmua si i vërtetë mbrëmë.Hetuesi Aric Toler tha se pamjet nuk tregonin shenja montimi apo manipulimi. Ai tha se ishte e mundur të identifikohej sulmuesi përmes të njëjtës kapelë dhe byzylyk të gjahtarit me buzë të gjerë, si dhe të njëjtën uniformë dhe shenja që ai kishte veshur.

Organizata e Kombeve të Bashkuara është e gatshme të dërgojnë një ekip ekspertësh për të hetuar bombardimin e burgut “Olenivka” në Republikën e Vetëshpallur pro-ruse të Donetskut. Lajmin e bëri të ditur Zëdhënësi i Sekretarit të Përgjithshëm të Organizatës së Kombeve të Bashkuara, Farhan Haq.

“Kombet e Bashkuara pretendojnë gjithashtu se mbështesin plotësisht iniciativat e Komitetit Ndërkombëtar të Kryqit të Kuq.”, u shpreh ai.

Kujtojmë se sot pati një sulm me raketa në Olenivkës, ku humbën jetën 53 persona, të burgosur ukrainas.

Saktësisht se çfarë ndodhi në kampin e burgut në Olenivka, i cili kontrollohet nga Republika Popullore separatiste e Donetskut e mbështetur nga Rusia, mbetet e paqartë. Ukraina thotë se vendi ishte në shënjestër të Rusisë në një përpjekje për të shkatërruar provat e torturës dhe vrasjeve.

“Militantët e Azov e meritojnë ekzekutimin, jo me pushkatim, por me varje, sepse nuk janë ushtarë të vërtetë. Ata meritojnë një vdekje poshtëruese”.

Kështu shkroi në Twitter ambasada ruse në Londër pas lajmit për masakrën në burgun Olenivka, në Ukrainën lindore, ku mbaheshin ushtarët e kapur ukrainas, përfshirë ata të regjimentit Azov.

Reagime të menjëhershme indinjate dhe u kërkua nga rrjeti social fshirja e profilit të ambasadës. Në vend të kësaj, Twitter, megjithëse pranon se mesazhi ka shkelur politikën sociale, ka vendosur ta lërë atë "të aksesueshëm" pasi është me interes publik.

Kompania ruse e gazit, Gazprom, tha më 30 korrik se ka ndaluar furnizimet me gaz për në Letoni. Kompania e akuzoi këtë shtet se ka shkelur kushtet e marrëveshjes. Rusia veçse ka ndalur furnizimet me gaz për në Poloni, Bullgari, Finlandë, Holandë dhe Danimarkë, pasi këto shtete kanë refuzuar që të paguajnë për gaz me rubla, ashtu siç ka kërkuar presidenti rus, Vladimir Putin.

Rusia po ashtu ka ndaluar shitjet e gazit për kompaninë Shell Energy Europe në Gjermani. Në deklaratën e lëshuar të shtunën, Gazpromi nuk specifikoi se cilat kushte pretendon se Letonia i ka shkelur.

Ky njoftim i Gazpromit vjen një ditë pasi kompania letoneze e energjisë, Latvijas Gaze, tha se po blen gaz nga Rusia dhe po e paguante me euro në vend të rublave. Një zëdhënës i kësaj kompanie megjithatë tha të premten se Latvijas Gaze po blen gaz nga Rusia, por jo nga Gazpromi. Kjo kompani nuk tregoi se nga cili furnizues po e merr gazin.

Në mars, Putin tha se Gazpromi do të kërkojë nga shtetet që janë “jomiqësore” për shkak të pushtimit të Ukrainës, të paguajnë gazin me rubla. Komisioni Evropian ka paralajmëruar se një kërkesë e tillë e Putinit shkel sanksionet e bllokut evropian të vendosura kundër Moskës. Po ashtu, KE-ja u ka bërë thirrje kompanive evropiane që të vazhdojnë të paguajnë për gaz me monedhën që është në kontratat e tyre me Gazpromin.