Përshkallëzimi i luftës ruse në Ukrainë është shoqëruar me reagime në ashpra në radhët e BE-së, vetëm një ditë pas Moska lëshoi 430 dronë drejt Kievit. Përfaqësuesja e Lartë e Unionit, Kaja Kallas deklaroi nga Roma se nëse duam paqe, duhet të përgatitemi për luftë.

"E vërteta është se nëse fillojmë të investojmë në mbrojtje kur kemi vërtet nevojë për të, është tashmë tepër vonë, dhe është ende sot. Nëse duam paqe, duhet të përgatitemi për luftë", tha Kallas. "Nëse nuk jemi të përgatitur, po rrezikojmë çdo euro që shpenzojmë për shkolla, spitale dhe sektorin kulturor".

Nga ana tjetër, në një intervistë për median amerikan GB News, Trump ngriti shqetësimin se 25 mijë njerëz kanë vdekur gjatë muajit të kaluar në Kiev dhe Moskë.

“Kjo nuk do të kishte ndodhur kurrë nëse unë do të isha president. Mendoja se kisha një marrëdhënie të shkëlqyer me Presidentin Putin”, tha kreu i Shtëpisë së Bardhë.

I pyetur nëse është i zhgënjyer nga dështimi i tij për t'i dhënë fund luftës në Ukrainë, Trump u përgjigj: "Po. Kam zgjidhur tetë luftëra dhe ka mbetur edhe një”.

Reagimet vijnë një ditë pas sulmeve ruse me bilanc 7 persona të vrarë e dhjetëra të plagosur në Kiev. Sulmet kanë vijuar edhe gjatë natës deri në orët e para të mëngjesit të sotëm, ku vetëm në Kherson u vranë 3 persona.

Ushtria ruse njoftoi të shtunën përparime të mëtejshme në rajonin e Zaporizhzhisë të Ukrainës, ndërsa trupat e saj përparuan më tej në fortesën e Pokrovskut, skena e betejës më të përgjakshme në Donbas. Ukraina thotë se ka filluar prodhimin e dronëve të saj të rinj interceptorë të zhvilluar në vend për të forcuar mbrojtjen e saj ajrore.

“Është testuar në luftime dhe është provuar të funksionojë "natën, në kushte bllokimi dhe në lartësi të ulëta", tha ministria ukrainase e mbrojtjes. Presidenti Volodymyr Zelensky ka thënë se qëllimi është të prodhohen deri në 1,000 interceptorë në ditë. 

Rendit zhvillimet sipas orarit:
Ora 20:55
Kievi: Marrëveshje për lirimin e 1.200 ukrainasve të mbajtur robër nga rusët

1762004792_ukraine.webp

Rustem Umerov, Sekretari i Këshillit të Sigurisë dhe Mbrojtjes Kombëtare të Ukrainës, njoftoi marrëveshjet për lirimin e 1,200 ukrainasve nga robëria ruse. Ai e shkroi këtë në Telegram.

"Me kërkesë të Presidentit të Ukrainës, kohët e fundit kam zhvilluar konsultime me partnerët e ndërmjetësuar në Turqi dhe Emiratet e Bashkuara Arabe mbi rifillimin e procesit të shkëmbimit dhe lirimin e qytetarëve tanë të ndaluar në Rusi. Pas këtyre diskutimeve, palët ranë dakord të aktivizojnë marrëveshjet e Stambollit. Kjo ka të bëjë me lirimin e 1,200 ukrainasve. Konsultimet teknike do të mbahen së shpejti për të finalizuar të gjitha aspektet procedurale dhe organizative", përfundoi Umerov.

S.B/Shqiptarja.com

Ora 19:56
Kremlini: Putin dhe Lukashenko zhvilluan një bisedë telefonike

1763233043_aa.JPG

Presidenti rus Vladimir Putin dhe udhëheqësi autoritar bjellorus Aleksandër Lukashenko zhvilluan një bisedë telefonike.

Kremlini njoftoi lajmin në një deklaratë, duke vënë në dukje se të dy udhëheqësit shkëmbyen pikëpamje mbi një numër çështjesh praktike që lidhen me bashkëpunimin dypalësh, përfshirë energjinë, si dhe mbi çështjet aktuale ndërkombëtare.

"U ra dakord të vazhdohen kontaktet gjatë samitit të ardhshëm të Organizatës së Traktatit të Sigurisë Kolektive në Bishkek dhe takimit tradicional të udhëheqësve të vendeve anëtare të Komonuelthit të Shteteve të Pavarura në fund të vitit në Shën Petersburg", shtoi Kremlini.

S.B/Shqiptarja.com

Ora 18:22
Kievi: Rafineria 200 km larg Moskës u sulmua me dronë

1762293513_aa.JPG

Dronë ukrainas sulmuan një rafineri në rajonin Ryazan të Rusisë, rreth 200 kilometra në juglindje të Moskës, sipas disa kanaleve Telegram sot. 

Guvernatori i Ryazanit, Pavel Malkov, pranoi në kanalin e tij se fragmentet e dronit shkaktuan "një zjarr në ambientet e një kompanie", pa dhënë detaje të mëtejshme.

"Sipas informacioneve paraprake, nuk ka të lënduar dhe shkalla e dëmit material është ende duke u vlerësuar. Shërbimet e emergjencës po punojnë në vendngjarje", tha ai.

S.B/Shqiptarja.com

Ora 17:53
Moskë: Ushtria ruse vazhdon përparimin në Zaporizhzhia

1762242606_ukraine.ëebp

Ushtria ruse njoftoi të shtunën përparime të mëtejshme në rajonin e Zaporizhzhisë të Ukrainës, ndërsa trupat e saj përparuan më tej në fortesën e Pokrovskut, skenën e betejës më të përgjakshme në Donbas.

Sipas një raporti të Ministrisë së Mbrojtjes të publikuar në Telegram, rusët kanë pushtuar Yablukove-n, një qytet tjetër në Zaporizhzhia, i treti i tyre në ditët e fundit.

Për më tepër, trupat nga grupi ushtarak Vostok (Lindje) vazhdojnë të shtyjnë përmes mbrojtjes ukrainase drejt fortesës së Gulyaipole, e cila para luftës kishte një popullsi prej vetëm 2,000 banorësh.  Në atë zonë, rusët pretendojnë se kanë eliminuar 265 ushtarë në 24 orët e fundit, si dhe dy automjete të blinduara, një pjesë artilerie dhe një duzinë makinash.

S.B/Shqiptarja.com