Presidenti i Ukrainës, Volodymyr Zelensky, ka njoftuar mbrëmë (24 qershor) se ka shkarkuar nga detyra komandantin e Forcave të Armatosura të Ukrainës, Yuri Sodol.
Ai akuzohet se "vrau më shumë ushtarë ukrainas se çdo gjeneral rus".
“Kam vendosur të zëvendësoj komandantin e Forcave të Bashkuara të Forcave të Armatosura të Ukrainës, gjeneralin Yuri Sodol, me gjeneral brigade Andri Gnatov”, tha Zelensky në një fjalim drejtuar kombit.
Disa orë më parë, kreu i Brigadës Azov të Gardës Kombëtare të Ukrainës, Bogdan Krotevich, njoftoi se kishte kërkuar zyrtarisht hapjen e një hetimi kundër një gjenerali ukrainas që çoi në vdekjen e ushtarëve ukrainas dhe tërheqje në front.
Mediat ukrainase kishin zbuluar se ishte Sodol, emërimi i të cilit në shkurt të këtij viti si komandant i Forcave të Bashkuara u prit me kritika të ashpra dhe akuza për paaftësi.
Valery Gerasimov, Vladimir Putin dhe Serghei Shoigu
Gjykata Penale Ndërkombëtare ka lëshuar urdhër-arrest për ish-ministrin rus të Mbrojtjes, Serghei Shoigu, dhe shefin e Shtabit të Përgjithshëm, Valery Gerasimov .
Sipas medias italiane SkyTg24, ata akuzohen për "krime lufte" dhe "krime kundër njerëzimit".
Gjykata Penale Ndërkombëtare tha në një deklaratë se dy urdhër-arrestet u lëshuan pasi gjyqtarët gjetën se kishte arsye të forta për të besuar se Shoigu dhe Gerasimov ishin përgjegjës për "sulmet me raketa të kryera nga forcat e armatosura ruse kundër infrastrukturës së energjisë elektrike të Ukrainës" në periudhën prej 10 tetor 2022 deri, të paktën, 9 mars 2023. "
Kujtojmë se më herët Gjykata e Hagës ka lëshuar një urdhëe-arrest edhe për vetë presidentin rus
Foto: Volodymyr Zelenskyy dhe Ursula von der Leyen
Ukraina do të nisë zyrtarisht bisedimet e anëtarësimit me Bashkimin Evropian sot, në atë që Presidenti Volodymyr Zelenskyy e ka përshkruar si një ëndërr të realizuar për qytetarët e vendit të tij më shumë se dy vjet në një luftë me Rusinë.
Zëvendëskryeministrja për integrimin evropian dhe euroatlantik, Olga Stefanishyna do të drejtojë delegacionin e Ukrainës në një konferencë ndërqeveritare në Luksemburg që shënon hapjen zyrtare të bisedimeve për të harmonizuar ligjet dhe standardet e vendeve me ato të bllokut 27-vendesh.
Më pas ka qenë Moldavia, ajo e cila aplikoi për t'u anëtarësuar në BE pas pushtimit rus të Ukrainës në shkurt 2022 dhe iu dha statusi i kandidatit katër muaj më vonë, gjithashtu do të marrë pjesë në një konferencë të veçantë ndërqeveritare për të nisur zyrtarisht procesin e saj të anëtarësimit.
Për hapjen e negociatave me Ukrainën dhe Moldavinë për hyrjen në BE ka reaguar presidentja e Komisionit Evropian Ursula von der Leyen dhe presidentja e Parlamentit Evropian, Roberta Metsola.
"Urime Moldavisë dhe Ukrainës për hapjen e negociatave të anëtarësimit. Ky është një lajm i shkëlqyer për qytetarët e Ukrainës, Moldavisë dhe për të gjithë Bashkimin Evropian. Rruga përpara do të jetë sfiduese, por plot mundësi. Ju urojmë një fillim pozitiv”, shkruan në X Ursula von der Leyen.
“25 qershori 2024 do të hyjë në histori. Sot ne fillojmë negociatat me Ukrainën dhe Moldavinë drejt anëtarësimit" në Bashkimin Evropian. "Ky është një moment i rëndësishëm që na forcon, që na bashkon si një familje. E ardhmja jonë e përbashkët fillon tani”, shkruan Roberta Metsola, në X.
Lajme të tjera
-
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
