“Ushtria e Kievit ka rrëzuar 15 avionë ushtarakë rusë që nga muaji shkurt, shtatë prej të cilëve javën e fundit”, deklaroi presidenti ukrainas Volodymyr Zelensky, cituar nga mediat vendase.

"Vetëm këtë javë arritëm të rrëzonim shtatë avionë ushtarakë rusë. Pikërisht ata që hedhin bomba dhe vrasin. Që nga fillimi i shkurtit, Rusia ka humbur 15 avionë ushtarakë: kjo është dinamika e saktë e humbjeve të tyre," tha Zelensky mbrëmë. 

“Ne mund të rrëzojmë më shumë aeroplanë dhe të shkatërrojmë edhe më shumë logjistikë ruse në territorin tonë të pushtuar – pyetja e vetme është se çfarë armësh të përshtatshme kanë partnerët tanë dhe si mund të transferohen në Ukrainë”, shtoi presidenti.

Avionët e rrëzuar nga forcat e Kievit ishin kryesisht luftarakë Su-34 dhe Su-35, por në shkurt ushtria ruse humbi edhe një avion zbulues A-50 që fluturonte mbi Detin Azov.

Rendit zhvillimet sipas orarit:
Ora 11:22
Lufta Ukrainë-Rusi / Moska thërret ambasadorin gjerman për bisedat e përgjuara

 

Ministria e Jashtme ruse ka thirrur ambasadorin gjerman në Moskë, Alexander Lambsdorff, për çështjen e bisedës sekrete të përgjuar mes ushtarëve gjermanë, në të cilën ata folën për sulme të mundshme në urën ruse në Krime.

Kështu shkruan agjencia ruse Tass, duke cituar një burim.

M.Q./Shqiptarja.com