Presidenti ukrainas Volodymyr Zelensky tha se perspektiva e bisedimeve të paqes me Rusinë "varet" nga rezultati i zgjedhjeve presidenciale të muajit të ardhshëm në SHBA.
"Para së gjithash, kjo varet nga zgjedhjet në Shtetet e Bashkuara. Unë mendoj se ata do të vëzhgojnë politikën e Shteteve të Bashkuara", është shprehur Zelensky para gazetarëve.
Në lidhje me anëtarësimin e Kievit në NATO, Zelensky u shpreh se Gjermania është skeptike për këtë çështje.
"Është fakt që pala gjermane është skeptike për anëtarësimin tonë në NATO. Ata kanë frikë nga çështja NATO-Gjermani për sa i përket reagimit rus", theksoi Zelensky.
Më tej Zelensky sqaroi, se Ukraina nuk po kërkon që armët bërthamore të furnizohen nga aleatët e tij.
"Ne hoqëm dorë nga të gjitha armët tona bërthamore shumë vite më parë, ne duhet t'i kishim shkëmbyer ato për anëtarësimin në NATO.
Ne i dhamë ato, por nuk morëm asgjë. Në këmbim kemi marrë vetëm një luftë në shkallë të gjerë dhe shumë viktima, prandaj na duhet NATO, sepse nuk kemi armë të mjaftueshme për të ndaluar Putinin”, përfundoi Zelensky.
Parlamenti Europian
Këtë të martë (22 tetor 2024) eurodeputetët dhanë dritën jeshile për një hua deri në 35 miliardë euro për Ukrainën, për t'u shlyer me të ardhurat që do burojnë nga asetet e ngrira ruse.
Me 518 vota pro, 56 kundër dhe 61 abstenime, Parlamenti Europian miratoi ndihmën e re makro-financiare për të përballuar agresionin e Rusisë.
Kjo hua është pjesa e BE-së në një pakete të G7-ës, të rënë dakord qershorin e kaluar, për të ofruar deri në 50 miliardë dollarë mbështetje financiare për Ukrainën.
Mekanizmi i Bashkëpunimit të Huasë së Ukrainës, një strukturë e sapokrijuar, do t'i vërë në dispozicion Ukrainës të ardhurat nga asetet e ngrira të Bankës Qendrore Ruse të vendosura në BE.
Këto fonde do të ndihmojnë Ukrainën të shlyejë kredinë ndaj BE-së, si dhe kreditë nga partnerët e tjerë të G7. Ndërsa fondet e mekanizmit mund të përdoren për shërbimin dhe shlyerjen e huave, Kievi mund t'i ndajë fondet e MPJ-së sipas dëshirës.
Lajme të tjera
-
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
Pesë të vrarë nga sulmet ruse në Ukrainë
26 Tetor, 11:31 -
Për çfarë kanë komunikuar Elon Musku dhe Vladimir Putini?
26 Tetor, 08:21 -
Zbulimi i bujshëm/ Media amerikane: Elon Musk mbante kontakte të rregullta me presidentin Putin prej 2 vitesh
25 Tetor, 19:59 -
NATO: Situata e sigurisë në Kosovë është ende e paqëndrueshme
25 Tetor, 19:32 -
Von der Leyen anulon takimin me kryeministrin serb, pasi ai takoi ministrin rus të shpallur ‘nongrata’
25 Tetor, 18:23 -
Ukraina/ Zelensky anulon vizitën e Guterres në Kiev pas takimit me Putin! SHBA për koreano-veriorët në Rusi: Tregon dëshpërimin e Putin
25 Tetor, 16:51 -
Lideri prorus i Repulbika Sërpska, Dodik takohet me Putin në samitin e BRICS në Kazan
25 Tetor, 11:13 -
Turqia aleate me Perëndimin, mike me Rusinë
25 Tetor, 09:40 -
Seuli kritikon Moskën për ratifikimin e traktatit të mbrojtjes me Phenianin
25 Tetor, 09:29 -
Ukraina: Ushtarët koreanoveriorë janë dislokuar në Kursk të Rusisë
25 Tetor, 07:14 -
Rusia aprovon traktatin me Korenë e Veriut për ndihmë ushtarake
24 Tetor, 16:17
