Këshilli i Sigurimit i Kombeve të Bashkuara e ka miratuar të premten një rezolutë për të rritur ndihmën humanitare në Rripin e Gazës, dhe ka bërë thirrje për hapa urgjentë “për krijim të kushteve për ndalje të qëndrueshme të armiqësive”. Votimi është shtyrë për disa orë, për shkak të negociatave intensive për të shmangur veton e Shteteve të Bashkuara.
Si pasojë e rritjes së zemërimit global për rritjen e numrit të viktimave civile në luftën 11-javore mes Izraelit dhe Hamasit, dhe pas përkeqësimit të theksuar të krizës humanitare në Gaza, Shtetet e Bashkuara kanë abstenuar votimin, për t’i mundësuar Këshillit prej 15 vendeve anëtare që të miratojnë rezolutën e hartuar prej Emirateve të Bashkuara Arabe. Të gjitha vendet anëtare kanë votuar për miratim të rezolutës, përveç Rusisë, e cila, po ashtu, ka abstenuar.
Pas negociatave të nivelit të lartë për të fituar mbështetjen e Uashingtonit, rezoluta nuk e trajton çështjen e kontrollimit të ndihmave që hyjnë në Gazë, nga ana e Izraelit. Izraeli monitoron futjen e të gjitha ndihmave në Gazë, përmes pikës kufitare me Egjiptin, Rafah, dhe në pikën e kontrolluar nga vetë izraelitët, Kerem Shalom.
SHBA, e cila ka fuqinë për të vënë veton ndaj rezolutave të Këshillit të Sigurimit, thotë se beson se më shumë ndihma duhet të hyjë më shpejt në Gaza, por presidenti Joe Biden ka hezituar të bëjë presion ndaj Izraelit, i cili kryesisht kontrollon flukset e ndihmës, për të ndërmarrë hapa të prekshëm për ta bërë këtë.
Në negociatat mbi rezolutën e sapo miratuar, diplomatët amerikanë u thanë homologëve të huaj se nuk donin të vendosnin veton ndaj saj, por i rezistuan fuqishëm gjuhës që propozonte kufizime për operacionin ushtarak të Izraelit për arsye humanitare dhe zhvendosjen e mbikëqyrjes së ndihmës në OKB, një hap që SHBA e ka mbështetur në zona të tjera të luftës.
Qëllimi i rezolutës është të përcaktojë se si do të organizohet furnizimi i palestinezëve në Gaza me më shumë produkteve jetike. Ndër të tjera synon të përcaktojë kushtet për t’i dhënë fund ose të paktën ndërprerjen e luftimeve. Mosmarrëveshja midis Këshillit të Sigurimit të Kombeve të Bashkuara (KSOKB) është përqendruar në rolin e Izraelit në vendosjen se çfarë ndihme mund të marrë dhe nëse do të kërkojë një armëpushim ose ndërprerje ose pezullim të armiqësive.
Shtetet e Bashkuara dhe Izraeli janë kundër arritjes së armëpushimit në Gazë, me arsyetimin se nga kjo masë përfiton vetëm Hamasi. Megjithatë, Uashingtoni mbështet pauzat humanitare për mbrojtje të civilëve dhe lirim të pengjeve të marra prej Hamasit.
Antonio Guterres
Shefi i OKB-së, António Guterres tani, thotë se "problemi i vërtetë" për dërgimin e ndihmave në Gaza është ofensiva e Izraelit.
Ai thotë se sulmet po krijojnë "pengesa masive për shpërndarjen e ndihmave humanitare brenda Gazës".
"Një armëpushim humanitar është e vetmja mënyrë për të filluar të plotësohen nevojat e dëshpëruara të njerëzve në Gaza dhe t'i japë fund makthit të tyre të vazhdueshëm”,- shton Guterres.
Adrienne Watson
Irani është "thellësisht i përfshirë" në sulmet e kryera nga ushtarët jemenas Houthi kundër anijeve tregtare që kalojnë tranzit në Detin e Kuq.
Kështu deklaroi zëdhënësja e Sigurisë Kombëtare të Shtëpisë së Bardhë, Adrienne Watson.
“Ne nuk kemi asnjë arsye të besojmë se Irani po përpiqet të pengojë Houthis”,- tha Watson, duke shpjeguar se inteligjenca iraniane është vënë në ndihmë të grupit Houthi.
Gaza
Hamasi e gjykon rezolutën për luftën në Gaza, të votuar sot në OKB, si "një hap të pamjaftueshëm" dhe akuzon SHBA-në se ka eliminuar shumë pika nga drafti i parë i rezolutës, duke ndryshuar thelbin e saj.
“Për pesë ditët e fundit, administrata amerikane ka punuar për të zbrazur këtë rezolutë nga thelbi i saj dhe ta paraqesë atë me këtë formulim të dobët... që sfidon vullnetin e komunitetit ndërkombëtar dhe Asamblesë së Përgjithshme të Kombeve të Bashkuara për të ndaluar agresionin e Izraelit kundër vendit tonë të pambrojtur. populli palestinez”, thuhet në deklaratën e lëshuar nga Hamasi, trasnmeton La Reppublica.
OKB
Këshilli i Sigurimit i Kombeve të Bashkuara miratoi sot rezolutën që synon rritjen e ndihmës humanitare për Gazën, duke tejkaluar rezistencën intensive nga SHBA.
SHBA abstenoi nga votimi për rezolutën ndërsa shumica e anëtarëve të tjerë të këshillit votuan pro miratimit të saj, raportojnë mediat e huaja.
Rezoluta, e propozuar nga Emiratet e Bashkuara Arabe në emër të shteteve arabe dhe myslimane, fokusohet në ndihmën e më shumë se 2 milionë njerëzve në territor, të cilët janë goditur nga mungesa e ndihmave dhe burimeve që kur Izraeli nisi një ofensivë masive, të mbështetur nga SHBA-ja atje për të goditur Gazën në përgjigje të sulmit të 7 tetorit nga Hamasi.
Të enjten u raportua se më shumë se 90% e njerëzve në Gaza tani përballen me nivele të larta të pasigurisë ushqimore, duke e quajtur atë përqindja më e lartë e njerëzve që përballen me nivele të larta të pasigurisë akute ushqimore që janë klasifikuar ndonjëherë.
SHBA, e cila ka fuqinë për të vënë veton ndaj rezolutave të Këshillit të Sigurimit, thotë se beson se më shumë ndihma duhet të hyjë më shpejt në Gaza, por presidenti Joe Biden ka hezituar të bëjë presion ndaj Izraelit, i cili kryesisht kontrollon flukset e ndihmës, për të ndërmarrë hapa të prekshëm për ta bërë këtë.
Në negociatat mbi rezolutën e sapo miratuar, diplomatët amerikanë u thanë homologëve të huaj se nuk donin të vendosnin veton ndaj saj, por i rezistuan fuqishëm gjuhës që propozonte kufizime për operacionin ushtarak të Izraelit për arsye humanitare dhe zhvendosjen e mbikëqyrjes së ndihmës në OKB, një hap që SHBA e ka mbështetur në zona të tjera të luftës.
Diplomatët i thanë HuffPost këtë javë se në mënyrë të përsëritur e vlerësuan veton e SHBA-së si pothuajse të sigurt. Këshilli e shtyu votimin me disa ditë me kërkesë të SHBA.
Vladimir Putin dhe Mahmoud Abbas
Presidenti rus, Vladimir Putin, zhvilloi një bisedë telefonike me homologun e tij palestinez, Mahmoud Abbas, në lidhje me hapat që ka ndërmarrë Moska për të lehtësuar de-përshkallëzimin e luftës në Gaza.
Putin tha se do të vazhdojë të furnizojë me mallra thelbësore në Gaza, duke përfshirë ilaçe dhe pajisje mjekësore, raporton Al Jazeera.
Ndërkaq, Bashkimi Europian ka njoftuar një plan të ri ndihme prej 118 milionë euro për Autoritetin Palestinez.
Autoriteti është përgjegjës në Bregun Perëndimor por jo Gazën, i cili drejtohet nga Hamasi.
Komisioni Europian tha se ndihma do të ndihmojë në pagimin e pagave dhe pensioneve të nëpunësve civilë në Bregun Perëndimor, ndihmat sociale për familjet në nevojë dhe pagesën për referimet mjekësore në spitalet e Jerusalemit Lindor.
Benjamin Netanyahu
Kryeministri izraelit, Benjamin Netanyahu, i kërkoi presidentit amerikan, Joe Biden, në fillim të luftës Izrael-Hamas, që të ushtronte presion mbi Egjiptin për të pranuar refugjatët nga Gaza, sipas një raporti.
Netanyahu e pyeti Biden nëse Kajro do të merrte civilë për kohëzgjatjen e konfliktit, por u kundërshtua nga presidenti amerikan, raporton The Washington Post. Raporti është i paverifikuar.
Egjipti nuk i ka hapur gjerësisht kufijtë e tij mes raporteve se qeveria atje është e kujdesshme ndaj Izraelit që nuk i lejon mijëra njerëz të zhvendosur të kthehen në Gaza pas luftës, duke i lënë ata të bllokuar në Egjipt.
Megjithatë, Egjipti ka pranuar palestinezët e plagosur rëndë, duke përfshirë një numër foshnjash të lindura para kohe, pasi inkubatorët e tyre u fikën në spitalin al Shifa për shkak të mungesës së karburantit.
Qeveria egjiptiane ka qenë gjithashtu e rëndësishme në sigurimin e ndihmës për Gazën, e cila udhëton përmes pikës së saj kufitare në Rafah – dhe në ndihmën për të ndërmjetësuar marrëveshjen e fundit të armëpushimit së bashku me Katarin.
Bisedimet janë duke vazhduar midis liderëve të lartë nga Izraeli dhe Hamasi në Kajro për një marrëveshje të re
Foto nga Gaza pas bombardimeve izraelite
Një urdhër i menjëhershëm evakuimi për kampin e refugjatëve el-Bureij dhe pesë lagje të tjera aty pranë u lëshua të premten nga zëdhënësi ushtarak izraelit Avichay Adaree, i cili udhëzoi banorët të arrinin në qytetin e afërt Dir el-Balah për sigurinë e tyre.
Këto udhëzime nënkuptojnë se ushtria izraelite tani po fillon gjithashtu të manovrojë në sektorin qendror të Rripit të Gazës. Adraee specifikoi se në zonën Khan Yunis (në sektorin jugor të Rripit) ka luftime intensive.
Për pasojë, trafiku në arterien Sallah e-Din mbetet i bllokuar. Për lëvizjen e civilëve midis Dir el-Balah dhe Rafah (në skajin jugor të Rripit), Adraee tha se ata mund të përdorin rrugën bregdetare.
Brenda Rafah, ushtria do të respektojë një pezullim prej katër orësh të armiqësive, midis orës 10:00 dhe 14:00 me orën lokale, për të lejuar popullsinë të grumbullojë ushqime.
BE do t'i japë 118 milionë euro ndihmë Autoritetit Kombëtar Palestinez . Lajmin e bëri të ditur Komisioni Evropian, i cili theksoi se fondet do të përdoren për të paguar, ndër të tjera, pagat e zyrtarëve publikë në Bregun Perëndimor dhe përfitimet sociale për familjet në nevojë në territoret e pushtuara dhe Gaza.
Jared Kushner dhe Ivanka Trump
Vajza e ish-presidentit amerikan Ivanka Trump dhe bashkëshorti i saj Jared Kushner vizituan Izraelin sot, ku u takuan me zyrtarë lokalë dhe familje të pengjeve të mbajtura nga Hamasi në Rripin e Gazës.
“Është e rëndësishme të shohim me sytë tanë pasojat afatgjata të akteve barbare dhe të papërshkrueshme të kryera më 7 tetor. Ne u takuam me familjet e pengjeve, duke përfshirë disa që janë ende në Gaza. Gjithashtu u takuam me disa liderë politikë të cilët janë të përkushtuar në gjetjen e zgjidhjeve për problemet ekzistuese. Me vendosmëri, besim, pragmatizëm dhe kreativitet mund të arrihet ajo që më parë ishte e paimagjinueshme. Unë dhe Ivanka do të lutemi që koalicioni për paqe, prosperitet, respekt dhe mirëkuptim të fitojë dhe të krijojë një të ardhme të ndritshme për njerëzimin”, ka shkruar Kushner në rrjetin social X (ish-Twitter).
Komente
Lajme të tjera
-
Izraeli dhe Hamasi akuzojnë njëri-tjetrin për dështimin e një marrëveshjeje armëpushimi
25 Dhjetor, 16:57 -
Planet e administratës Trump për t’i dhënë fund luftës në Gazë
25 Dhjetor, 16:49 -
Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare
25 Dhjetor, 14:16 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50
Izraeli tashme eshte nje shtet terrorist qe duhet zhdukur dhe Palestina duhet tju kthehet banorve te saj. PRoblemi eshte se kush i don 9 milion çifut??
Përgjigju