Putin: S’jam penduar që pushtova Ukrainën! Tani s’ka nevojë për më shumë sulme në shkallë të gjerë

Autoritetet ukrainase gjetën 15 trupa nën rrënojat e një ndërtese në Zaporizhzhia , të goditur nga një raketë e lëshuar të dielën e kaluar nga forcat e armatosura ruse. Nga sulmi mbetën të plagosur 11 persona, ndërsa gjashtë janë aktualisht të zhdukur. Operacionet e shpëtimit janë ende në vazhdim dhe ekipet e emergjencës kanë arritur tashmë të heqin afro 200 tonë rrënoja nga ndërtesa e banimit nëntëkatëshe.

Trupat ruse hodhën pesë raketa kundër qytetit të Kharkivit nga rajoni Belgorod i Rusisë. Kjo është raportuar nga kreu i administratës rajonale ushtarake të Kharkiv , Oleh Syniehubov .

"Ambjentet jo-rezidenciale u dëmtuan nga sulmet me raketa ruse në distriktin Kharkiv, të nisura gjatë ditës. Okupuesit hodhën pesë raketa nga Belgorod. Sipas të dhënave paraprake, nuk raportohet për viktima", thuhet në një deklaratë. Sipas Syniehubov, shërbimet përkatëse janë duke punuar në vendin e sulmit dhe dokumentimin e krimeve të kryera nga pushtuesit rusë.

Pas tetë muajve të nisjes së luftës në Ukrainë, presidenti rus, Vladimir Putin, duket se ka zbutur qëndrimet, meqë ka thënë se nuk sheh nevojë për të vazhduar sulmet masive ajrore dhe që mobilizimi i trupave ushtarake për luftën në Ukrainë do të përfundojë brenda dy javësh.

Duke folur para gazetarëve në kryeqytetin e Kazakistanit, Astana, më 14 tetor, Putin ka thënë se Rusia ka pasur gatishmëri për të vazhduar bisedimet për dhënie fund të luftës, ndonëse ato duhet të mbahen përmes një ndërmjetësuesi ndërkombëtar, nëse në tavolinë do të jetë edhe pala ukrainase.

Putin – i cili ka thënë se do të ishte gati për të përdorur edhe armën bërthamore për të mbrojtur “integritetin territorial” të Rusisë – ka paralajmëruar për një “katastrofë globale” në rast të përleshjes së drejtpërdrejtë në mes të trupave të NATO-s dhe Rusisë.

Megjithatë, ai ka thënë se nuk ka nevojë që të zhvillohen bisedime me presidentin amerikan, Joe Biden tani për tani.

Aktualisht “nuk ka nevojë për sulme masive”, sepse shumica e shënjestrave janë goditur dhe “ne nuk i kemi vënë detyrë vetes që të shkatërrojmë Ukrainën”, ka thënë Putin nga kryeqyteti kazak.

Putin i ka bërë këto komente në javën kur Rusia ka kryer një mori sulmesh me raketa nëpër disa qytete të Ukrainës, përfshirë kryeqytetin e shtetit, Kievin../REL

Bjellorusia thotë se trupat ruse së shpejti do të mbërrijnë për të marrë pjesë në një "grupim rajonal" të forcave për të mbrojtur kufijtë e saj.

“Trupat nga komponenti rus i Grupimit Rajonal të Forcave do të fillojnë të mbërrijnë në Bjellorusi në ditët e ardhshme”, tha Ministria e Mbrojtjes e Minskut.

Presidenti i Bjellorusisë, Alexander Lukashenko tha në fillim të kësaj jave se trupat e tij do të vendosen me forcat ruse pranë kufirit ukrainas, duke përmendur ato që ai tha se “ishin kërcënime nga Ukraina dhe Perëndimi.”

"Shërbimi Federal i Sigurisë tha se ka shumë të ngjarë që kjo e ashtuquajtur ngarkesë shpërthyese është dërguar nga deti nga Odessa , por nuk është vërtetuar përfundimisht nëse është bërë apo jo përmes anijeve që transportonin grurë. Kjo është një pyetje për të cilën ka ende pa përgjigje”, tha presidenti rus Vladimir Putin në një konferencë për shtyp në Kazakistan lidhur me shpërthimin në urën e Krimesë, raporton "Ria Novosti".

Presidenti rus Vladimir Putin u përgjigj "jo" kur gazetarët e pyetën nëse ishte penduar për konfliktin në Ukrainë, raporton agjencia Interfax .

 "Dua të sqaroj. Kjo që po ndodh sot është, thënë më butë, e pakëndshme, por të njëjtën gjë do ta kishim pak më vonë, vetëm në kushte më të këqija për ne. Pra, ne po veprojmë në mënyrë të drejtë dhe në kohë.", tha Putin tha  i cili në shkurt urdhëroi pushtimin e Ukrainës, duke ndezur një konflikt në të cilin humbën jetën dhjetëra mijëra njerëz.

"Ne po bëjmë gjithçka siç duhet", u shpreh Putin. Presidenti rus deklaroi po ashtu se  Emiratet e Bashkuara Arabe janë gati të ndërmjetësojnë me Kievin.

Një konfrontim i drejtpërdrejtë i trupave të NATO -s me ushtrinë ruse "do të ishte një hap shumë i rrezikshëm, do të çonte në një katastrofë globale, shpresoj se ata janë mjaft të zgjuar për të mos e bërë". Paralajmërimi erdhi nga presidenti rus, Vladimir Putin , i cili foli në një konferencë shtypi nga Astana .

“Për momentin nuk mendoj se ka nevojë për sulme masive në Ukrainë”, tha Putin.

Qytetet e mëdha në Ukrainë, përfshirë Kievin, u goditën të hënën nga një seri bastisjesh masive në hakmarrje për sulmin në urën që lidh Gadishullin e Krimesë me Federatën Ruse.

Putin paralajmëroi komunitetin ndërkombëtar pas sulmit në urën e Krimesë: "Rusia do të mbyllë korridorin e grurit nëse konfirmohet se eksplozivët e përdorur janë dërguar nga Odessa ", tha presidenti rus nga Astana.

“Mobilizimi i pjesshëm do të përfundojë së shpejti”, do të “përfundohet brenda dy javësh”. Kështu deklaroi presidenti rus Vladimir Putin gjatë një konference për shtyp në Astana .

“Janë mobilizuar 222 mijë rezervistë nga 300 mijë”, saktësoi Putin, duke nënvizuar se “duhet përmirësuar cilësia e mobilizimit” dhe “të gjithë të mobilizuarit duhet të trajnohen”. "Qëllimi ynë nuk është të shkatërrojmë Ukrainën," tha presidenti rus kur u pyet nëse Ukraina mund të ekzistojë si shtet.

“Nuk shoh nevojë për bisedime” me presidentin amerikan, Joe Biden. Kështu deklaroi presidenti rus, Vladimir Putin, në një konferencë për shtyp nga Astana. Presidenti rus, gjatë samitit euroaziatik konfirmoi gjithashtu se Rusia është e hapur ndaj perspektivës së bisedimeve me Ukrainën.

"Federata Ruse ka qenë gjithmonë e hapur për negociata nëse Kievi është gati", por "pasi tërhoqëm trupat tona nga rajoni i Kievit, ukrainasit u tërhoqën nga tryeza e bisedimeve”. Presidenti turk Rexhep Tajip Erdogan , shtoi Putin, "është një ndërmjetës i rëndësishëm" dhe me të "dje biseduam se si të çojmë grurin në vendet më të varfra", si pjesë e marrëveshjes së arritur në korrik në Stamboll.

Udhëheqësi i Kremlinit donte gjithashtu të falënderonte Erdoganin për rolin e tij ndërmjetësues në "shkëmbimin e të burgosurve".

Presidenti i Bjellorusisë, Aleksandër Lukashenko tha se e ka vendosur vendin e tij në një gjendje alarmi të shtuar për terrorizmin për shkak të tensioneve në kufijtë e tij.

Lukashenko e lidhi lëvizjen me njoftimin e tij të hënën se ai kishte urdhëruar trupat bjelloruse të vendoseshin me forcat ruse pranë kufirit jugor të Bjellorusisë me Ukrainën.

“Në lidhje me përshkallëzimin e tensionit, është futur një regjim i rrezikut të shtuar terrorist”, tha Lukashenko në një intervistë televizive ruse.

"Prandaj ne filluam një procedurë me grupin e forcave të Bashkimit, baza e së cilës, siç thashë tashmë, është ushtria bjelloruse, e cila do të plotësohet me njësi nga Federata Ruse. Gjithçka po shkon sipas planit."

Bjellorusia është aleate me Moskën, por e lidhur mes Rusisë, Ukrainës dhe tre vendeve të NATO-s. Bjellorusia lejoi Rusinë të përdorte territorin e saj si një nga pikat e nisjes për pushtimin e saj të 24 shkurtit. Lëvizjet e fundit të trupave të saj kanë ngritur shqetësimin në Kiev dhe në Perëndim se Lukashenko mund të jetë gati të angazhojë ushtrinë e tij për të mbështetur përpjekjet luftarake të Rusisë.

Presidenti rus Vladimir Putin ka mbërritur në takimin e liderëve të Komonuelthit të Shteteve të Pavarura në Astana, Kazakistan, sipas agjencisë shtetërore të lajmeve RIA Novosti.

RIA Novosti publikoi një foto të Putinit duke mbërritur në vendin e takimit të premten, ku kanë filluar bisedimet midis liderëve nga Azerbajxhani, Armenia, Bjellorusia, Kazakistani, Kirgistani, Rusia, Turkmenistani, Taxhikistani dhe Uzbekistani.

Në fillim të kësaj jave, Putin mori pjesë në samitin e Konferencës mbi Ndërveprimin dhe Masat e Ndërtimit të Besimit në Azi (CICA) në Astana. Në fjalën e tij në samit ai tha se, së bashku me vendet e tjera aziatike, Rusia po kërkon të formojë një "sistem sigurie të barabartë dhe të pandarë bazuar në parimet e njohura botërisht të së drejtës ndërkombëtare të Kartës së OKB-së". Putin nuk iu referua luftës në Ukrainë në komentet e tij.

Në një muaj, 600 vendbanime u çliruan nga pushtimi rus. Kjo është bërë e ditur nga ministria e Ukrainës për riintegrimin e territoreve të pushtuara nga rusët. 

75 vendbanime u çliruan në rajonin Kherson, rreth 502 vendbanime u çliruan në rajonin verilindor të Kharkiv.