Lufta/ Rusia vijon sulmet me dron në disa zona të Ukrainës, Zelensky emëron ish zv/ministrin e Mbrojtjes si shef të forcave tokësore

Rusia vijon të godasë Kievin dhe qytete të tjera të Ukrainës me raketa dhe dronë, ndërsa ka si qëllim të shkaktojë dëme në infrastrukturën jetike të vendit. Së fundmi një sulm me dron në qytetin ukrainas të Kharkivit shkaktoi vrasjes e 7 personave, përfshirë tre fëmijë të vegjël.

Shërbimet sekrete të Ukrainës thonë se kanë konfirmuar se Rusia ka përdorur satelitët e Starlink të Elon Musk për të përgjime. Ndërkohë presidenti ukrainas Volodymyr Zelensky ka emëruar ish-zëvendësministrin e Mbrojtjes Oleksandr Pavliuk si kreun e ri të Forcave Tokësore.

Bashkë me këtë emërim, Zelensky sot në faqen e tij të web ka postuar edhe 3 emërime të tjera në nivelet e larta ushtarake. Kështu, në postin e kreut të Mbrotjes Territoriale do të jetë Major Gjeneral Ivor Plahuta.

Forcat e Kombinuara do të drejtohen nga Kolonel Gjeneral Yurii Sodol dhe në krye të Forcave Sulmuese Ajrore caktohet Brigadier Gjeneral Ihor Skibiuk. Këta ndryshime bëhen që të rritet shumë efikasiteti i komandës ushtarake ukrainase.

Ndërkohë Presidenti Joe Biden u takua të premten, 9 shkurt, me kancelarin gjerman Olaf Scholz Uashington. Vizita kishte në qendër të axhendës ndihmat ushtarake për Ukrainën. Shtetet e Bashkuara dhe Gjermania janë dy donatorët kryesorë të ndihmës ushtarake për Ukrainën. Ndihmat amerikane janë bllokuar për javë të tëra nga Kongresi, për shkak të kundërshtisë në mesin e shumë ligjvënësve republikanë.

S.G/Shqiptarja.com

TAG:
• lufta ne ukraine