Ministria e Mbrojtjes e Rusisë deklaron se ka ndërmarrë një sulm mbi Odessa në shenjë hakmarrjeje pas sulmit të urës në Krime, njofton ministria e Mbrojtjes e Rusisë citon Ria Novosti.
Putin tashmë i ka dhënë fund marrëveshjes së grurit të ndërmjetësuar nga Turqia dhe kjo ka krijuar shqetësim në mbarë mbarë botën
Ambasadorja amerikane në OKB, Linda Thomas-Greenfield deklaroi se Rusia po përdor marrëveshjen për eksportin e drithërave ukrainase si një armë lufte.
“Shikoni dëmin që Rusia i ka bërë zinxhirit botëror të furnizimit me ushqim. Duke e përdorur atë si armë, Rusia ka përkeqësuar krizën globale të sigurisë ushqimore, e cila do të dëmtojë më së shumti njerëzit në Lindjen e Mesme dhe në Afrikë”, tha ambasadorja Thomas-Greenfield gjatë një diskutimi mbi gjendjen në Ukrainë në Këshillin e Sigurimit të OKB-së të hënën. Edhe BE e NATO dënuan veprimin e Rusisë për tu tërhequr nga kjo marrëveshje.
Edhe sekretari Amerikan i Shtetit Antony Blinken i ka bërë thirrje Rusisë që të ndryshojë qëndrim për marrëveshjen e grurit.
"Refuzimi i Rusisë për të zgjatur Marrëveshjen e grurit dëmton miliona njerëz të uritur në mbarë botën. Armatizimi i ushqimit është i paarsyeshëm. Ne i bëjmë thirrje Rusisë të ndryshojë qëndrim’ shkruan Sekretari Amerikan i Shtetit, Antony Blinken.
Disa shpërthime u raportuan sot në disa qytete të Ukrainës. Sipas asaj që raportojnë mediat lokale, veç Odessas shpërthimet u dëgjuan në qytetin jugor të Ukrainës, Mykolaiv si dhe në qytetin lindor Kharkiv. Alarmi ra gjithashtu në rajonet e Dnipropetrovsk, Kirovohrad, Poltava dhe Cherkasy.
Ndërkohë forcat ruse zmbrapsën një sulm masiv ukrainas në Krimenë e aneksuar me 28 dronë të enjten në mbrëmje, njoftoi ministria ruse e mbrojtjes, siç raportoi Tass .
“Mbrëmë, një përpjekje e regjimit të Kievit për të kryer një sulm terrorist kundër objektivave në gadishullin e Krimesë, duke përfshirë 28 avionë pa pilot, u pengua”, thuhet në deklaratë.
Sipas ministrisë, mbrojtja ajrore rrëzoi 17 dronë dhe 11 të tjerë u neutralizuan nga njësitë e luftës elektronike. Nuk ka viktima apo dëme, shtoi ministria.
Lajmi në përditësim...
Komandanti i Forcave të Armatosura të Forcave Tokësore të Ukrainës, Oleksandr Syrskyi, konfirmoi se municionet thërrmuese amerikane tani kanë mbërritur në Ukrainë dhe do të jenë gati për përdorim brenda disa ditësh.
E shkruan BBC në një intervistë me një gjeneral ukrainas, duke shtuar se gazetarët e transmetuesit britanik panë mjetet e rënda të artilierisë M777 të furnizuar nga Shtetet e Bashkuara, të cilat do të gjuajnë këtë lloj municioni, tashmë në pozicione rreth Bakhmutit".
Komisioni i Jashtëm i Parlamentit Europian i këkon Gjykatës Penale Ndërkombëtare të firmosë një mandat arresti për presidentin e Bjellorusisë, Alexander Lukashenko.
Bjellorusia është përgjegjëse për dëmet e shkaktuara dhe krimet e kryera në Ukrainë, duke përfshirë edhe rolin në transferimin e paligjshëm të fëmijëve. BE-ja dhe vendet e saj anëtare marrin të gjitha masat e nevojshme në nivel ndërkombëtar për të lejuar ndjekjen penale të liderëve politikë dhe ushtarëve bjelloruse përgjegjës për krimet kundër njerëzimit dhe gjenocidin.
Këtë e kërkon komisioni i Punëve të Jashtme të PE-së në një raport të miratuar nga shumica dhe në të cilën Gjykatë Ndërkombëtare Penale i kërkohet të lëshojë një urdhër arresti për Aleksandër Lukashenkon.
Trupat ruse filluan një sulm hakmarrës ndaj objekteve ukrainase bën të ditur ministria ruse e Mbrojtjes citon Ria Novosti
“Mbrëmë Forcat e Armatosura Ruse nisën një sulm hakmarrës me armë të precizionit të lartë kundër objekteve ku po përgatiteshin akte terroriste kundër Rusisë duke përdorur dronë pa pilot, si dhe në vendin e prodhimit të tyre në një kantier detar pranë qytetit të Odessa” tha ministria.
Sipas Zëvendës Sekretarit të Përgjithshëm të OKB-së për Çështjet Politike, Rosemary DiCarlo, ka të paktën 9,300 të vdekur civilë që nga fillimi i luftës në Ukrainë. Shifrat u dhanë në mbledhjen e Këshillit të Sigurimit të Kombeve të Bashkuara dhe, përsëri sipas asaj që specifikoi DiCarlo, do t'i shtohej rreth 16,000 civilëve të plagosur. Shifra, e cila në fakt mund të jetë shumë më e lartë, megjithatë, shtoi ai, e bën Ukrainën "vendin me numrin më të madh të fëmijëve të vrarë dhe të gjymtuar".
Komente
Lajme të tjera
-
Pak para përfundimit të mandatit, Borrell jep paralajmërimin për luftën në Ukrainë: Jemi në garë me kohën
29 Nëntor, 18:01 -
Gjermania do të ridislokojë sistemet e mbrojtjes ajrore Patriot në Poloni
29 Nëntor, 16:22 -
Vrasje të qëllimshme, ndërhyrje në zgjedhje e spiunazh, analiza e DW: Si funksionon lufta hibride e Rusisë! Metodat po bëhen më të sofistikuara
29 Nëntor, 09:43
-
Lufta në Ukrainë/ Katari po tenton të zgjerojë fushën e ndërmjetësimit mes Kievit dhe Moskës! Forcat ajrore të dy shteteve lëshojnë dronë njëra-tjetrës gjatë natës
29 Nëntor, 09:26 -
A do të dërgojë NATO ushtarë në Ukrainë? Mark Rutte: Do të sigurohemi që ukrainasit ta vazhdojnë këtë luftë
28 Nëntor, 19:08 -
Ukrainë, lufta dhe pasiguria ndikojnë tek rënia e popullsisë
28 Nëntor, 18:33 -
ShBA-ja i kërkon Ukrainës që të ulë moshën e shërbimit ushtarak në 18-vjeç
28 Nëntor, 08:16 -
Lufta në Ukrainë/ Putin: Trump inteligjent, do gjejë zgjidhje! Do parandalojmë Kievin të ketë armë bërthamore! Zelensky: Kërkon të zhbëjë përpjekjet për paqe
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24
Okb eshte nje organizate qe komandohet nga Amerika dhe nuk ka asnje rol ne bote , rregullat nuk i zbatojne njesoj per te gjithe. Lufta ne Palestine ka 50 vjet dhe nuk kam pare te meren masa kundra cifuteve qe po i masakrojne
PërgjigjuO Aro i mbaruam hallet tona ne dhe na ngeli OKB per te rregullu!