Lufta/ Sulm rus në një treg në Donetsk, 16 viktima! Bukuresht: Sovraniteti i një vendi të NATO-s është shkelur! Blinken në Kiev: Përparim në kundërofensivë

Armenia tha të mërkurën se do të presë një stërvitje të përbashkët të ushtrisë me Shtetet e Bashkuara javën e ardhshme, në një kohë të rritjes së tensionit ushtarak me Azerbajxhanin fqinj dhe tensioneve  në marrëdhëniet e saj me Rusinë.

Ministria armene e Mbrojtjes deklaroi se qëllimi i stërvitjes 11-20 shtator “Eagle Partner 2023” ishte përgatitja e forcave të saj për të marrë pjesë në misionet paqeruajtëse ndërkombëtare, raporton Reuters.

Një zëdhënës i ushtrisë amerikane u shpreh se 85 ushtarë amerikanë dhe 175 armenë do të marrin pjesë.

Ai tha se amerikanët, duke përfshirë anëtarët e Gardës Kombëtare të Kansasit, e cila ka një partneritet 20-vjeçar trajnimi me Armeninë, do të ishin të armatosur me pushkë dhe nuk do të përdornin armatim të rëndë.

Kërcënimet bërthamore të ngjashme me “të gangsterit” Vladimir Putin kërkojnë që NATO të miratojë një përgjigje shumë më agresive, duke përfshirë fluturimin e më shumë aeroplanëve me armë bërthamore, kërkoi të martën shefi i shtabit të përgjithshëm të forcave të armatosura polake.

Gjenerali Rajmund Andrzejczak tha gjithashtu se nuk mendonte se Koreja e Veriut do të përgatitej t’i shesë armë Rusisë pa marrëveshjen me Kinën, raporton The Guardian.

“Unë nuk besoj se Koreja e Veriut është mjaft e fortë apo aq e lirë për të bërë një ofertë të tillë, kështu që ndoshta po teston vendosmërinë, vëmendjen dhe vullnetin tonë politik, por ajo që është edhe më e rëndësishme është ajo që thotë Kina për këtë sesa udhëheqja e Koresë së Veriut”.

Sekretari amerikan i Shtetit, Anthony Blinken tha se përparimi i Ukrainës në kundërsulmin e saj është shumë inkurajues.

Ditën e sotme, Blinken bëri vizitën e papritur në Kiev për të njoftuar një financim të ri për luftën.

“Presidenti Biden më kërkoi të vij, për të riafirmuar fuqishëm mbështetjen tonë, për të siguruar që ne jemi duke maksimizuar përpjekjet që po bëjmë dhe që vendet e tjera po bëjnë, për sfidën e menjëhershme të kundërsulmimit, si dhe atë afatgjatë në përpjekjet për të ndihmuar Ukrainën të ndërtojë një forcë të së ardhmes që mund të pengojë dhe të mbrojë kundër çdo agresioni të ardhshëm”, tha Blinken në një konferencë për shtyp.

Zelensky deklaroi se vizita e zyrtarëve amerikanë ishte një “mesazh i madh mbështetjeje” për Ukrainën dhe po tregonte “unitet të madh”, raportojnë mediat e huaja.

“Kur flisni për Ukrainën, jeni gjithmonë bashkë, faleminderit shumë, jemi të lumtur që mund të mbështetemi tek ju”, tha Zelensky.

Pas vizitës në Ukrainë të cilët u takuan me Presidentin e Ukrainës, Volodymyr Zelensky, Sekretari amerikan i Shtetit, Anthony Blinken, dhe homologu i tij ukrainas, Dmytro Kuleba kanë darkuar së bashku në Mc Donald.

Lajmi është bërë me dije nga vetë Blinken, ndërsa shkruan se Ukrainës duhet t’i jepet një shans për të ndaluar luftën, raportojnë mediat e huaja.

“Miqtë tanë në McDonald’s ishin shumë të etur për t’u kthyer në Ukrainë, për t’u kthyer në Kiev, dhe ne i kemi thënë njëri-tjetrit, që kur ata janë kthyer herën tjetër. Unë isha në Kiev, ne duhet të kemi një shans për të ndaluar”, shkroi Blinken.

Presidenti i Ukrainës, Volodymyr Zelensky, është takuar ditën e sotme me Sekretarin e SHBA-së, Anthony Blinken në Kiev.

Sekretari amerikan i Shtetit, Antony Blinken, deklaroi se qëllimi i vizitës së tij në Kiev është forcimi i angazhimit të SHBA me Ukrainën.

Pas takimit, Zelensky tha se se dimri për ukrainasit do ishte i vështirë.

“Ne presim një dimër të vështirë”, tha Zelensky.

Ai shtoi se ata janë të lumtur që nuk do ta përballojnë të gjithë dimrin vetëm, por do të kenë partnerët e tyre që do i ndihmojnë.

“Ne do ta përballojmë atë së bashku me partnerët tanë”, tha Zelenky.

Ai falenderoi Uashingtonin për ndihmën praktike në sektorin energjetik të vendit.

Kremlini njoftoi të mërkurën se grupi Wagner nuk ekzistonte nga pikëpamja ligjore, pasi iu kërkua të komentonte një vendim britanik për ta cilësuar atë si një organizatë terroriste.

Ministrja e Brendshme e Britanisë, Suella Braverman, e përshkroi Wagnerin, të udhëhequr më parë nga ish lideri i tyre i ndjerë Yevgeny Prigozhin, si "të dhunshëm dhe shkatërrues" dhe tha se veproi si "vegël ushtarake e Rusisë së Vladimir Putinit jashtë shtetit".

Zëdhënësi i Kremlinit Dmitry Peskov u tha gazetarëve: "Nuk ka asgjë për të komentuar. Ndoshta mund të shtohet vetëm se, nga ana ligjore, nuk ka një grup të tillë", raporton Rueuters.

Wagner ka operuar në Siri, Libi dhe një numër vendesh anembanë Afrikës. Ajo rekrutoi mijëra të dënuar nga burgjet ruse për të luftuar në Ukrainë, duke siguruar forcën kryesore sulmuese për sulmin e Rusisë në qytetin e Bakhmut.

Në qershor të këtij viti, Wagner filloi një rebelim të shkurtër kundër drejtuesve të lartë të ushtrisë në Rusi, i dënuar si tradhti nga Presidenti Vladimir Putin. 

Është e paqartë se çfarë do të bëhet me shërbimet e sigurisë që ajo ofron për disa vende afrikane, duke përfshirë Malin dhe Republikën e Afrikës Qendrore.

Sipas ministrit të Brendshëm të Kievit, Ihor Klymenko, kanë mbetur të paktën 28 ​​të plagosur nga sulmi rus në tregun Kostiantynivka, në rajonin e Donetskut, në të cilin tashmë janë konfirmuar 16 viktima, përfshirë një fëmijë. 

Gazetarët e Associated Press të cilët ishin të pranishëm në momentet kur ndodhi sulmi, thanë panë trupa njerëzish në tokë dhe punonjës të shërbimeve emergjente që shuanin zjarret në tezgat e tregut, si dhe makina të djegura dhe të shkatërruara.

Sipas Prokurorisë së Përgjithshme, janë dëmtuar 20 dyqane, linja elektrike, një godinë administrative dhe një pjesë e një pallati. 

Punonjësit e shërbimit të urgjencës shuan zjarrin që dëmtoi rreth 30 salla të tregut, tha Klymenko. 

Ekipet po kërkojnë nën rrënoja për civilë të bllokuar. Sulmi ndodhi teksa Sekretari i Shtetit i SHBA Antony Blinken po viziton Kievin dhe pritet të njoftojë më shumë se 1 miliard dollarë financime të reja nga SHBA.

Presidenti i Rumanisë, Klaus Iohannis, nuk i ka kursyer fjalët për rënien e dronëve rusë në territorin kombëtar rumun. Ai tha se pas mohimit erdhi sulmi dhe kjo ishte e rëndë.

Ai tha se kjo ishte një situatë e papranueshme, e cila përbënte një shkelje të rëndë të sovranitetit dhe integritetit territorial të një vendi aleat në NATO.

"Kjo është një situatë krejtësisht e papranueshme, e cila përbën një shkelje të rëndë të sovranitetit dhe integritetit territorial të një aleate në shtetin e NATO-s”, tha Iohannis.

Ministria e Mbrojtjes e Bukureshtit pranoi sot se copat e një droni të Moskës u gjetën në Rumani, pasi ditën e djeshme ishte vetë presidenti, i cili deklaroi fillimisht se "as një dron dhe as ndonjë pjesë e kësaj pajisjeje nuk ka ekzistuar në territorin e Rumanisë", duke mohuar njoftimet nga Kievi.

Kreu i administratës pushtuese pro-ruse të rajonit të Zaporizhzhia, Yevgeny Balitsky, tha në një intervistë se trupat ruse u tërhoqën nga fshati ukrainas Robotyne, duke e cilësuar si një veprim taktik. 

"Ushtria ruse është tërhequr, taktikisht, nga Robotyne sepse të qëndrosh në një fushëbetejë të hapur, kur nuk ka mundësi për të luftuar, nuk duket vërtet si një opsion i zbatueshëm. Kjo është arsyeja pse ushtria ruse u tërhoq”, tha Balitsky.

Sipas Balitsky, trupat ruse kanë pushtuar vendet pranë Robotyne.

Ministri i ri ukrainas i Mbrojtjes, Rustem Umerov, pasi u konfirmua nga Parlamenti i Kievit, premtoi se ai do të bënte çdo gjë të mundshme që Ukraina të fitonte kundër agresorit rus.

“Do të bëj çdo gjë të mundshme dhe madje të pamundur që Ukraina të fitojë luftën kundër Rusisë”, tha Umerov.

Ai gjithashtu tha se qëllimi kryesor ishte fitorja.

"Qëllimi ynë kryesor është fitorja. Unë do të bëj gjithçka të mundshme dhe të pamundur që Ukraina të fitojë dhe të rimarrë vendet e pushtuara", tha Umerov.

Të paktën 16 persona janë vrarë në një sulm me raketa në qytetin ukrainas Kostyantynivka. Presidenti ukrainas, Volodymyr Zelensky, ka shprehur ngushëllimet e tij për viktimat.

Ai tha se “terroristët rusë sulmuan një treg, dyqane dhe një farmaci, duke vrarë njerëz të pafajshëm”.

Zelensky tha se Rusia duhet të mposhtet së shpejti në luftën mes dy vendeve për arsye se ata kanë ligësi dhe kjo është e tmerrshme.

Ai shtoi se numri i viktimave mund të rritet edhe më shumë.

"Të paktën 16 persona janë vrarë në një bombardim rus në Kostyantynivka, rajoni Donetsk. Terroristët rusë sulmuan një treg, dyqane dhe një farmaci, duke vrarë njerëz të pafajshëm dhe se numri i viktimave mund të rritet më tej. Kushdo në botë që ende merret me ndonjë gjë ruse thjesht e injoron këtë realitet. E keqja e tmerrshme. Ligësia e hapur. Çnjerëzimi absolut. Ngushëllimet e mia për të gjithë ata që kanë humbur një të dashur. E keqja ruse duhet mposhtur sa më shpejt që të jetë e mundur", tha Zelensky.

 

Një paketë e re ndihme financiare nga SHBA për Kievin, e cila do shpallet nga Sekretari amerikan i Shtetit Antony Blinken gjatë një vizite në Ukrainë sot, "nuk do të ndikojë në rrjedhën e operacionit special ushtarak", tha zëdhënësi i Kremlinit, Dmitry Peskov.

"Ai nuk do të jetë në gjendje të ndikojë në rrjedhën e operacionit special ushtarak", u tha gazetarëve Peskov. 

Peskov gjithashtu tha se ata janë në dijeni se SHBA do të ndihmojë Ukrainën deri në fund të luftës, duke mos kursyer asgjë për forcat ukrainase derisa të arrijnë fitoren.

"Ne kemi dëgjuar vazhdimisht deklarata se ata synojnë të vazhdojnë të ndihmojnë Kievin në masën e nevojshme, me fjalë të tjera, ata do të vazhdojnë të mbështesin Ukrainën në gjendje lufte dhe ta bëjnë këtë luftë derisa ukrainasit të fitojnë, duke mos kursyer para për këtë”, tha Peskov

Të paktën 16 persona janë vrarë në një sulm me raketa në qytetin ukrainas Kostyantynivka, në rajonin lindor të Donetskut, ndodhet afër fushëbetejës.

Presidenti ukrainas, Volodymyr Zelensky, tha se viktimat ishin "njerëz që nuk bënë asgjë të keqe", duke paralajmëruar se numri i të vdekurve mund të rritet, raporton BBC.

“Kjo e keqe ruse duhet të mposhtet sa më shpejt të jetë e mundur”, tha Zelensky.

Autoritetet në Moskë ende nuk kanë komentuar mbi pretendimet.

Mes 16 viktimave është një fëmijë, mendohet se edhe 20 të tjerë janë plagosur, sipas informacionit të ndarë nga kryeministri ukrainas Denys Shmyhal.

“Të gjitha shërbimet janë duke punuar. Zjarri është nën kontroll”, tha Denys.

Mësohet se forcat ruse kanë sulmuar me raketa një treg, dyqane dhe një farmaci.

Videot që qarkullojnë në rrjetet sociale duket se tregojnë momentin e shpërthimit dhe pasojat që ka shkaktuar sulmi.

Zyrtarët në Rusi nuk e kanë marrë ende përgjegjësinë për sulmin. Ata kanë mohuar se kanë vrarë qytetarët.

Sulmi i së mërkurës përkoi me një vizitë të Sekretarit të Shtetit të SHBA Antony Blinken në kryeqytetin e Ukrainës, Kiev, ku ai do të takohej me Zelensky.

Supozohej se ai do të shpallte një paketë të re ndihme amerikane për vendin e shkatërruar nga lufta gjatë udhëtimit të tij.

Sekretari amerikan i Shtetit, Antony Blinken, deklaroi se qëllimi i vizitës së tij në Kiev është forcimi i angazhimit të SHBA me Ukrainën.

"Ne u kthyem në Kiev sot për t'u takuar me partnerët tanë ukrainas për të diskutuar kundërsulmimin e tyre të vazhdueshëm, ndihmën e ardhshme dhe përpjekjet e rindërtimit, dhe më e rëndësishmja, për të forcuar angazhimin e vazhdueshëm të SHBA me Ukrainën”, tha Blinken.

Me 338 vota pro dhe një abstenim, parlamenti ukrainas miratoi emërimin e Rustem Umerov (propozuar nga Zelensky) si ministër i ri i mbrojtjes.

Umerov, 41 vjeç, është një politikan nga partia opozitare Holos. Që nga shtatori i vitit 2022, ai ka shërbyer si kryetar i Fondit shtetëror të Pronave. Ai ka qenë i përfshirë në këmbimin e të burgosurve të luftës, të të burgosurve politikë, fëmijëve dhe civilëve, si dhe në evakuimin e civilëve nga territoret e pushtuara. Umerov po ashtu ishte pjesë e delegacionit ukrainas në negociatat me Rusinë sa i përket marrëveshjes së drithërave, të ndërmjetësuar nga Kombet e Bashkuara.

Presidenti ukrainas, Volodymyr Zelensky, kishte arsyetuar ndryshimet në drejtimin e Ministrisë së Mbrojtjes me nevojën për një qasje të re në këtë institucion dhe forma të tjera të ndërveprimit, si me ushtrinë, ashtu edhe me shoqërinë.

Umerov zëvendëson Reznikovin, i cili po hetohet për korrupsion.

Situata për trupat ukrainase në Frontin Lindor "mbetet e vështirë". Kwshtu shkruan komandanti i forcave tokësore të Ukrainës, Oleksandr Syrskyi shkruan në Telegram.

"Armiku nuk i braktis planet e tij për të arritur kufijtë e rajoneve Donetsk dhe Luhansk, duke u përgatitur me kokëfortësi për t'u," thotw ai. “Në drejtimin Kupyan, armiku po përfundon stërvitjen e njësive sulmuese, duke bombarduar çdo ditë pozicionet tona me artileri dhe mortaja,” shton Syrskyi. "Në drejtim të Lyman vazhdon zëvendësimi i trupave me njësitë e ushtrisë së 25-të, të formuara dhe të transferuara nga territori i Federatës Ruse". Betejat e ashpra pastaj «vazhdojnë në drejtim të Bakhmut, armiku po përpiqet të mbajë pozicionet e pushtuara.

Sekretari amerikan i shtetit Antony Blinken ka nderuar ushtarët ukrainas që kanë rënë në luftë. Blinken ishte në varrezat Berkovetske i shoqëruar nga ministri i jashtëm Dmytro Kuleba.

“Unë mirëprita Sekretarin Blinken në Ukrainë. Sekretari filloi ditën e tij në Kiev duke bërë nderime për heronjtë tanë të rënë në varrezat e Berkovetske. Kjo është një shenjë respekti për të gjithë luftëtarët ukrainas që dhanë jetën për lirinë dhe të drejtën tonë për të jetuar”, shkroi Kuleba.

Sekretari amerikan i Shtetit Antony Blinken ka mbërritur në Kive. CNN thotë se Blinken do të shpallë një paketë të re ndihme për Ukrainën me vlerë mbi një miliard dollarë. Gjatë vizitës së tij, Blinken do të takohet me presidentin ukrainas Volodymyr Zelensky, ministrin e Jashtëm Dmytro Kuleba, si dhe zyrtarë të tjerë të lartë dhe personalitete të shoqërisë civile. Anthony Blinken pritet të qëndrojë në Kiev për dy ditë.

Wagner, grupi mercenar rus, fati i të cilit tashmë është në pikëpyetje të madhe pas vrasjes së ish kreut Prigozhin, pritet të shpallet shumë shpejt organizatë terroristë nga qeveria e Mbretërisë së Bashkuar.

Vendimi është gati dhe pritet të kalojë në Parlament së shpejti. Vendimi do ta bënte të paligjshme të jesh anëtar ose të mbështesësh organizatën si dhe do të lejojë që pasuritë e grupit të kategorizohen si pasuri terroriste dhe të sekuestrohen.

Vendimi u paralajmërua nga Sekretarja i Brendshëm Suella Braverman, e cila tha se Ëagner ishte "i dhunshëm dhe shkatërrues... një mjet ushtarak i Rusisë së Vladimir Putinit.

“Puna e Wagner në Ukrainë dhe Afrikë është një "kërcënim për sigurinë globale". Vazhdimi i aktiviteteve destabilizuese të Wagnerit vetëm sa vazhdojnë t'i shërbejnë qëllimeve politike të Kremlinit. Ata janë terroristë.”

Wagner ka luajtur një rol kyç në pushtimin rus të Ukrainës, si dhe në operimin në Siri dhe vende në Afrikë, duke përfshirë Libinë dhe Malin. Luftëtarët e këtij grupi janë akuzuar për një sërë krimesh duke përfshirë vrasjen dhe torturimin e qytetarëve ukrainas.

E ardhmja e grupit u hodh në pasiguri në fillim të këtij viti kur udhëheqësi i tij Yevgeny Prigozhin udhëhoqi një rebelim të dështuar kundër udhëheqësve ushtarakë të Rusisë. Prigozhin, i cili themeloi grupin në vitin 2014, vdiq në një aksident të dyshimtë avioni së bashku me figura të tjera të Wagnerit më 23 gusht dhe u varros në Shën Petersburg.

Grupi Wagner është dobësuar seriozisht nga rebelimi i dështuar në qershor kundër gjeneralëve rusë, si dhe nga vdekja e lidershipit të tij të lartë. Por ndalimi i tij me ligj do ta bëjë më të vështirë për anëtarët që të lëvizin para, ndërkohë që do të sigurojë një bazë ligjore për ukrainasit dhe të tjerët për të paditur Wagner për potencialisht miliarda paund kompensim përmes gjykatave britanike.

Presidenti i Rumanisë, Klaus Iohannis, ka thënë se sulmet e reja në shtetin fqinj, Ukrainë, ndodhën “shumë, shumë pranë” kufirit rumun, pasi Rusia kreu sulme të vazhdueshme në infrastrukturën e Danubit në jug të Ukrainës.

“Sulme pati sot, më tregoi ministri i Mbrojtjes, të cilat u verifikuan 800 metra larg kufirit tonë. Shumë, shumë afër”, tha Iohannis gjatë një konferencë të përbashkët me kryeministrin e Luksemburgut, Xavier Bettel, më 5 shtator.

Njoftimi i Iohannis vjen vetëm një ditë pasi Ukraina tha se dronët rusë ranë dhe shpërthyen në territorin rumun gjatë natës së 4 gushtit.

“Sipas Shërbimit shtetëror të Rojeve Kufitare të Ukrainës, ‘Shahedët’ [lloj dronësh të prodhimit iranian] ranë dhe shpërthyen në territorin rumun natën, gjatë një sulmi masiv rus pranë portit të Izmailit”, tha zëdhënësi i Ministrisë së Jashtme të Ukrainës, Oleg Nikolenko.

Por, Ministria e Mbrojtjes së Rumanisë i pati mohuar këto pretendime.