Një ushtar izraelit është vrarë sot në veri të Gazës.
Kjo është bërë e ditur nga ushtria izraelite. Në një postim në kanalin Telegram, ushtria izraelite shton se numri i të ushtarëve izraelitë të vrarë gjatë luftimeve me Hamas është rritur në 563.
Gjatë inspektimeve të dhjetëra kilometrave tunele të Hamasit, si dhe dhomave të komandës të vendosura nën Khan Yunis , ushtria izraelite gjeti "dokumente sekrete që konfirmojnë lidhjet midis Iranit dhe Hamasit në përgjithësi dhe me Sinwar në veçanti ".
Shtetet e Bashkuara të Amerikës kanë kryer një sulm, të ri kundër rebelëve Houthi në Jemen duke shënjestruar 2 drone të ngarkuar me eksploziv. Lajmi është bërë i ditur nga forcat e armatosura amerikane që kanë intensifikuar operacionet në Jemen dhe brigjet e vendit për të mbrojtur lundrimin në Detin e Kuq.
“Ushtria kreu një sulm vetëmbrojtës kundër dy dronëve detar sipërfaqësor të ngarkuar me eksploziv", shkruan Komanda Ushtarake e Lindjes së Mesme të SHBA (Centcom) në X. Forcat amerikane "identifikuan" këta dronë në "zonat e kontrolluara të Jemenit nga Houthis" dhe i konsideroi ato "një kërcënim të menjëhershëm për ushtrinë dhe transportin tregtar të SHBA".
Nga ana tjetër një anije britanike është dëmtuar lehtë nga një sulm me dron në Detin e Kuq. Kështu ka deklaruar një kompani e sigurimit të transportit detar.
“Anija me flamurin e Barbados pësoi dëmtime të vogla në anën e portit", tha kompania britanike Ambrey, duke shtuar se nuk kishte të lënduar.
Administrata Biden kundërshton me forcë planin e republikanëve të Dhomës së Përfaqësuesve për një projekt-ligj të pavarur për t'i ofruar ndihmë Izraelit dhe presidenti do të vërë veton ndaj tij.
Hamasi këmbëngul në kërkesën e tij për "një armëpushim total dhe gjithëpërfshirës" dhe "përfundimin e agresionit".
Fraksioni islamik e bëri të ditur këtë në Telegram, duke konfirmuar se përgjigjen e tij ndaj propozimit të Parisit ia kishte dërguar Katarit dhe Egjiptit, "të trajtuar me qëllim pozitiv”.
Ushtarët izraelit në Gaza
Një ushtar izraelit është vrarë sot në veri të Gazës.
Kjo është bërë e ditur nga ushtria izraelite. Në një postim në kanalin Telegram, ushtria izraelite shton se numri i të ushtarëve izraelitë të vrarë gjatë luftimeve me Hamas është rritur në 563.
Yahya Sinwar dhe Ayatollah Ali Khamenei
Gjatë inspektimeve të dhjetëra kilometrave tunele të Hamasit, si dhe dhomave të komandës të vendosura nën Khan Yunis , ushtria izraelite gjeti "dokumente sekrete që konfirmojnë lidhjet midis Iranit dhe Hamasit në përgjithësi dhe me Sinwar në veçanti ".
Kështu ka deklaruar zëdhënësi ushtarak izraelit Daniel Hagari .
"Këto janë dokumente zyrtare të Hamasit të vitit 2020 që përshkruajnë transfertat e Iranit prej mbi 150 milionë dollarësh për Hamasin dhe Sinëar në vitet 2014-2020. Ky është një element tjetër që vërteton sistemin me të cilin Irani eksporton terrorizmin në Lindjen e Mesme. "
Antony Blinken
Sekretari amerikan i Shtetit Antony Blinken po vazhdon të martën një turne diplomatik në Lindjen e Mesme, me takime me udhëheqësit egjiptianë, pjesë e përpjekjeve për të arritur një armëpushim mes Izraelit dhe Hamasit, në këmbim të lirimit të pengjeve.
Vizita në rajon e zotit Blinken vjen mes shqetësimeve në rritje në Egjipt, mbi synimet e deklaruara të Izraelit, për të zgjeruar luftimet në Gazë edhe në zonat në kufi me Egjiptin, të cilat janë të mbushura me palestinezë të zhvendosur.
Ministri i Mbrojtjes i Izraelit ka thënë se ofensiva do të shtrihet edhe në Rafah, në qytetin në kufi me Egjiptin, ku ndodhen më shumë se gjysma e 2.3 milionë banorëve të Gazës, që janë vendosur aty për t’i shpëtuar luftimeve. Ata jetojnë aty në kushte gjithnjë e më të mjerueshme.
Monitoruesit humanitarë të OKB-së thanë të martën se urdhrat e evakuimit të dhëna nga Izraeli përfshijnë tashmë dy të tretat e territorit të Gazës, gjë që ka bërë që me mijëra njerëz të shkojnë çdo ditë drejt zonave kufitare.
Egjipti ka paralajmëruar se një shtrirje e operacioneve izraelite përgjatë kufirit do të kërcënonte traktatin e paqes që dy vendet kanë nënshkruar mbi katër dekada më parë. Egjipti druhet se një zgjerim i luftimeve në zonën e Rafahut, mund t’i detyrojë civilët palestinezë të tmerruar që të takojnë kufirit, një skenar që Egjipti ka thënë se është i vendosur ta parandalojë.
Zoti Blinken, i cili u takua të martën me presidentin egjiptian Abdel-Fattah el-Sissi në Kajro, ka thënë vazhdimisht se palestinezët nuk duhet të detyrohen të largohen nga Gaza.
Sekretari amerikan i shtetit synon ta shfrytëzojë këtë turne të ri në Lindjen e Mesme për të shënuar përparim lidhur me një marrëveshje armëpushimi në rajon, për normalizimin mundshëm të marrëdhënieve mes Izraelit dhe Arabisë Saudite, si dhe për të parandaluar përshkallëzimin e konfliktit. Por zoti Blinken përballet me sfida të mëdha në të treja këto fronte.
Hamasi dhe Izraeli kanë mosmarrëveshje të hapura rreth elementëve kyç të një armëpushimi të mundshëm. Izraeli ka hedhur poshtë thirrjet e Shteteve të Bashkuara për një plan drejt një shteti palestinez dhe aleatët militantë të Iranit në rajon, kanë dhënë pak shenja zmbrapsjeje për shkak të sulmeve ajrore amerikane.
Egjipti, së bashku me Katarin, ku zoti Blinken do të ndalet më vonë të martën, janë përpjekur të ndërmjetësojnë një marrëveshje mes Izraelit dhe Hamasit e cila potencialisht do të çonte në lirimin e më shumë pengjeve në këmbim të një pauze disajavore në operacionet ushtarake izraelite. Mbi ideimin e marrëveshjes kanë punuar shefat e inteligjencës nga Shtetet e Bashkuara, Egjiptit, Katarit dhe Izraelit. Ajo i është paraqitur Hamasit, në fund të muajit të kaluar, por ky i fundit nuk është përgjigjur ende zyrtarisht.
Zyrtarët amerikanë thanë se zoti Blinken shpreson të marrë informacion mbi përgjigjen e Hamasit ndaj propozimit, si në Kajro ashtu edhe në Doha. Zoti Blinken do të udhëtojë më pas për në Izrael për të informuar Kryeministrin izraelit Benjamin Netanyahu dhe kabinetin e tij të luftës të mërkurën, lidhur me bisedimet e zhvilluara me udhëheqësit arabë.
Ashtu si në katër udhëtimet e tij të mëparshme në Lindjen e Mesme që nga fillimi i luftës në Gaza, qëllimi tjetër kryesor i sekretarit Blinken është të parandalojë përhapjen e konfliktit, një detyrë e bërë gjithnjë e më e vështirë nga sulmet e shtuara nga milicitë e mbështetura nga Irani në rajon dhe nga kundërpërgjigja gjithnjë e më e fortë e ushtrisë amerikane në Irak, Siri, Jemen dhe Detin e Kuq, ku janë intensifikuar sulmet që nga java e kaluar.
Të hënën zoti Blinken u takua me princin e kurorës Mohammed bin Salman, në kryeqytetin saudit, Riad. Zyrtarët sauditë kanë thënë se mbretëria vazhdon të jetë e interesuar për normalizimin e marrëdhënieve me Izraelin, por vetëm nëse ekziston një plan i besueshëm për të krijuar një shtet palestinez.
Zoti Blinken "theksoi rëndësinë e trajtimit të nevojave humanitare në Gazë dhe parandalimin e përhapjes së mëtejshme të konfliktit". Ai dhe princi i kurorës diskutuan mbi "rëndësinë e ndërtimit të një rajoni më të integruar dhe më të begatë", thuhej në një deklaratë të Departamentit amerikan të Shtetit./ VOA
Gaza
Të paktën 32 pengje izraelite, nga 136 të rrëmbyer, të cilët ndodhen ende në duart e Hamasit, kanë vdekur, thotë New York Times,
Media amerikane thotë se ky informacion është zbuluar nga një raport-vlerësimi të brendshëm të ushtrisë izraelite.
Familjet e 32 pengjeve, vdekja e të cilëve është konfirmuar, janë njoftuar, thanë katër zyrtarë ushtarakë për NYT , duke shtuar se po hetohet sërish për aftin e 320 të tjerëve të cilat dyshohet se po ashtu kanë vdekur.
Foto nga Gaza
Ministri i Jashtëm i Spanjës, Jose Manuel Albares ka takuar emirin e Katarit, Sheikh Tamim bin Hamad Al Thani, për të diskutuar marrëdhëniet dypalëshe.
Në një postim në rrjetin social X, ministri i Jashtëm i Spanjës tha se gjatë takimit në Doha se ai kishte pohuar angazhimin e vendosur të Spanjës për “paqe dhe stabilitet në rajon”.
Ai shtoi se kjo do të përfshijë lirimin e robërve dhe një armëpushim, si dhe një zgjidhje me dy shtete në konfliktin izraelito-palestinez. me Izraelin dhe Palestinën që të mund të bashkëjetojnë në paqe.
Foto nga Gaza
Rreth 8,000 njerëz janë evakuuar dje nga spitali al-Amal në Gazën jugore, duke përfshirë të moshuarit.
“Situata humanitare në Rripin e Gazës është përtej katastrofike. 8,000 njerëz të zhvendosur që ishin strehuar në spitalin tonë të Gjysmëhënës së Kuqe Palestineze në Khan Younis, Al-Amal, u larguan nga spitali të hënën. Janë ende rreth 100 persona të moshuar dhe invalidë që nuk kanë janë larguar nga spitali, 80 pacientë dhe 100 staf dhe vullnetarë. Ata vazhdojnë të jenë brenda”, tha Tommaso Della Longa, zëdhënës i Federatës Ndërkombëtare të Shoqatave të Kryqit të Kuq dhe Gjysmëhënës së Kuqe (IFCR), në një konferencë për shtyp në Gjenevë.
Rripi i Gazës është nën rrethim dhe i shkatërruar pas katër muajsh lufte midis Izraelit dhe Hamasit palestinez, një konflikt i shkaktuar nga sulmi i paprecedentë i grupit islamik ndaj Izraelit më 7 tetor.
Lajme të tjera
-
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27
