Ukraina gjatë natës së kaluar është përballur me sulme me dron nga Rusia. Forcat ruse sulmuan Odesën me 13 drone Shahed, të gjithë të shkatërruar nga mbrojtja ajrore ukrainase. Këtë e bëri të ditur zëdhënësi i administratës ushtarake rajonale Serhiy Bratchuk në Telegram. Alarmi i sulmit ajror ra mbrëmë në 12 rajone të Ukrainës. Impiantet industriale u dëmtuan në Dnepropetrovsk Oblast, pas shpërthimeve. Shpërthime u raportuan gjithashtu në Kharkov.
Presidenti rus Vladimir Putin po planifikon një vizitë në Turqi me ftesë të homologut të tij turk Recep Tayyip Erdogan, por data specifike ende nuk janë diskutuar. Kështu deklaroi asistenti i presidentit rus Yuri Ushakov duke folur për agjencinë Interfax .
"Presidenti i Turqisë i ka konfirmuar ftesën e tij presidentit tonë për të vizituar Turqinë. Plane të tilla ekzistojnë, por data specifike nuk janë diskutuar ende," tha zyrtari.
Forca Ajrore e Kievit tha se gjatë natës kanë rrëzuar 20 dronë iranianë Shahed-136/131 të përdorur nga forcat ruse. Mbrojtja ajrore ukrainase thotë se katër avionë strategjikë Tu-95MS të ushtrisë ruse lëshuan katër raketa lundrimi X-101/X-555 nga Deti Kaspik. Njëra prej raketave u shkatërrua nga Ukraina, ndërsa të tjerat goditën impiantet industriale në rajonin Dnipro Ndërkohë, një person u plagos mbrëmë gjatë një sulmi rus në qytetin Kryvyi Rih në Ukrainën jug-qendrore ku u goditën dy komplekse industriale.
“Sonte armiku ka sulmuar sërish me raketa Kryvyi Rih. Janë goditur dy ndërmarrje industriale. Një 38-vjeçar ka mbetur i plagosur. Ai ndodhet në spital në gjendje jo të rëndë”, tha kreu i administratës ushtarake rajonale Sergiy Lysak në Telegram.
Është hera e dytë që Kryvyi Rih, vendlindja e presidentit Volodymyr Zelenskiy, është në shënjestër të sulmeve ruse këtë javë. Presidenti ukrainas tha se të gjithë në Ukrainë ia detyrojmë atyre që mbrojtën jetën e popullit.
"Kujtoni gjithmonë se të gjithë ne në Ukrainë ua detyrojmë jetën tonë atyre që mbrojtën jetën e popullit tonë dhe pavarësinë tonë", ka thënë Zelensky në mesazhin e tij.
Lajme të tjera
-
Ish-këshilltari amerikan: Trump s’ka ide si t'i japi fund luftës në Ukrainë
21 Korrik, 17:35 -
Shënjestronin vendet e NATO-s, Spanja arreston tre hakera pro-rusë të lidhur me sulme kibernetike
20 Korrik, 17:51 -
Lufta në Ukrainë/ Trump i telefonon Zelenskyt: Unë do të sjell paqe në botë! Më komplimentoi për Kongresin
20 Korrik, 07:22 -
Lufta në Ukrainë/ Raketa ruse godet parkun e lojërave, 3 të vdekur, 5 të plagosur
19 Korrik, 21:21 -
Gjermania planifikon të përgjysmojë ndihmën ushtarake për Ukrainën
18 Korrik, 09:44 -
Lufta në Ukrainë/ Medvedev: Hyrja në NATO e Kievit do të thotë luftë globale dhe rrezik i shkatërrimit të planetit
17 Korrik, 14:35 -
Pas konstituimit Parlamenti Europian, pritet të votojë rezolutën për Ukrainën
17 Korrik, 13:13 -
Një 'alarm i rremë' në Rusi lë një milion njerëz pa rrymë
17 Korrik, 10:27 -
Zelensky: Rusia duhet të marrë pjesë në bisedimet për paqe
16 Korrik, 08:33 -
Gjermania refuzon sërish thirrjet për të dërguar aeroplanë luftarakë në Ukrainë
15 Korrik, 16:40 -
Lufta në Ukrainë/ Kina dhe Rusia, stërvitje të përbashkëta detare
15 Korrik, 09:27 -
NATO mbyll takimin në Uashington me garanci sigurie për Ukrainën
13 Korrik, 18:22
